Basant Aur Holi Ki Bahaar, Urdu Nazam By Ufuq Lakhnavi
Basant Aur Holi Ki Bahaar is a famous Urdu Nazam written by a famous poet, Ufuq Lakhnavi. Basant Aur Holi Ki Bahaar comes under the Love, Sad category of Urdu Nazam. You can read Basant Aur Holi Ki Bahaar on this page of UrduPoint.
بسنت اور ہولی کی بہار
افق لکھنوی
ساقی کچھ آج تجھ کو خبر ہے بسنت کی
ہر سو بہار پیش نظر ہے بسنت کی
سرسوں جو پھول اٹھی ہے چشم قیاس میں
پھولے پھلے شامل ہیں بسنتی لباس میں
پتے جو زرد زرد ہیں سونے کے پات ہیں
صدبرگ سے طلائی کرن پھول مات ہیں
ہیں چوڑیوں کی جوڑ بسنتی کلائی میں
بن کے بہار آئی ہے دست حنائی میں
مستی بھرے دلوں کی امنگیں نہ پوچھیے
کیا منطقیں ہیں کیا ہیں ترنگیں نہ پوچھئے
ماتھے پہ حسن خیز ہے جلوہ گلال کا
بندی سے اوج پر ہے ستارہ جمال کا
گیندوں سے مائل گل بازی حسین ہیں
سر کے ابھار پر سے دوپٹے مہین ہیں
عکس نقاب زینت رخسار ہو گیا
زیور جو سیم کا تھا طلا کار ہو گیا
سرسوں کے لہلہاتے ہیں کھیت اس بہار میں
نرگس کے پھول پھول اٹھے لالہ زار میں
آواز ہے پپیہوں کی مستی بھری ہوئی
طوطی کے بول سن کے طبیعت ہری ہوئی
کوئل کے جوڑے کرتے ہیں چہلیں سرور سے
آتے ہیں تان اڑاتے ہوئے دور دور سے
بور آم کے ہیں یوں چمن کائنات میں
موتی کے جیسے گچھے ہوں زر کار پات میں
بھیروں کی گونج مست ہے ہر کشت زار میں
بنسی بجاتے کشن ہے گویا بہار میں
کیسر کسوم کی خوب دل افزا بہار ہے
گیندوں کی ہر چمن میں دو رویہ قطار ہے
اک آگ سی لگائی ہے ٹیسو نے پھول کے
کیا زرد زرد پھول کھلے ہیں ببول کے
ہے اسٹ دیوتاؤ کے مندر سجے ہوئے
ہیں زرد زرد پھولوں سے کل در سجے ہوئے
بس دیو جی کے لال کی جھانکی عجیب ہے
آنند بے حساب دلوں کو نصیب ہے
بنسی جڑاؤ سونے کی لب سے ملی ہوئی
دل کی کلی کلی ہے نظر میں کھلی ہوئی
پیتامبر نفیس کمر میں کسا ہوا
خوشبو سے ہار پھول کی مندر بسا ہوا
شانوں پہ بل پڑے ہوئے زلف سیاہ کے
رادھا سے بار بار اشارے نگاہ کے
بانکی ادائیں دیکھ کے دل لوٹ پوٹ ہے
رتکام استری کے کلیجے پہ چوٹ ہے
کانوں میں کنڈلوں کی چمک ہے جڑاؤ سے
رادھا لجائی جاتی ہے چنچل سبھاؤ سے
پیاری کا ہاتھ اپنی بغل میں لیے ہوئے
آنکھیں شراب حسن جوانی پیے ہوئے
دل رادھکا کا بادۂ الفت سے چور ہے
کہنی سے ٹھیلنے کی ادا کا ظہور ہے
چپکی کھڑی ہے کشن کے رخ پر نگاہ ہے
ہے پہلوئے جگر میں جگہ دل میں راہ ہے
الفت بھری جو بنسی کی جانب نظر گئی
گویا بسنت کی راگ کی دھن مست کر گئی
اس چھب پہ اس سنگار پہ دل سے نثار افقؔ
قربان ایک بار نہیں لاکھ بار افقؔ
اے کشن ناظریں کو مبارک بسنت ہو
کھیلا جو اپنے وہ ابد تک بسنت ہو
افق لکھنوی
© UrduPoint.com
All Rights Reserved
Basant Aur Holi Ki Bahaar
Ufuq Lakhnavi
har su bahaar pesh-e-nazar hai basant ki
sarson jo phul uTThi hai chashm-e-qayas mein
phule-phale shamil hain basanti libas mein
patte jo zard zard hain sone ke pat hain
sadbarg se talai kiran phul mat hain
hain chuDiyon ki joD basanti kalai mein
ban ke bahaar aai hai dast-e-hinai mein
masti bhare dilon ki umangen na puchhiye
kya mantiqen hain kya hain tarangen na puchhiye
mathe pe husn-KHez hai jalwa gulal ka
bindi se auj par hai sitara jamal ka
gendon se mail-e-gul-e-bazi hasin hain
sar ke ubhaar par se dupaTTe mahin hain
aks-e-naqab zinat-e-ruKHsar ho gaya
zewar jo sim ka tha tala-kar ho gaya
sarson ke lahlahate hain khet is bahaar mein
nargis ke phul phul uThe lala-zar mein
aawaz hai papihon ki masti bhari hui
tuti ke bol sun ke tabiat hari hui
koyal ke joDe karte hain chuhlen surur se
aate hain tan uDate hue dur dur se
baur aam ke hain yun chaman-e-kaenat mein
moti ke jaise guchchhe hon zar-kar pat mein
bheron ki gunj mast hai har kisht-zar mein
bansi bajate kishn hai goya bahaar mein
kesar kusum ki KHub dil-afza bahaar hai
gendon ki har chaman mein do-ruya qatar hai
ek aag si lagai hai Tesu ne phul ke
kya zard zard phul khile hain babul ke
hai isT dewtao ke mandir saje hue
hain zard zard phulon se kul dar saje hue
bas dew-ji ke lal ki jhanki ajib hai
aanand be-hisab dilon ko nasib hai
bansi jaDaw sone ki lab se mili hui
dil ki kali kali hai nazar mein khili hui
pitambar nafis kamar mein kasa hua
KHushbu se haar phul ki mandir basa hua
shanon pe bal paDe hue zulf-e-siyah ke
radha se bar bar ishaare nigah ke
banki adaen dekh ke dil loT-poT hai
rutkaam istiri ke kaleje pe choT hai
kanon mein kunlon ki chamak hai jaDaw se
radha lajai jati hai chanchal subhaw se
pyari ka hath apni baghal mein liye hue
aankhen sharab-e-husn-e-jawani piye hue
dil radhika ka baada-e-ulfat se chur hai
kuhni se Thelne ki ada ka zuhur hai
chupki khaDi hai kishn ke ruKH par nigah hai
hai pahlu-e-jigar mein jagah dil mein rah hai
ulfat bhari jo bansi ki jaanib nazar gai
goya basant ki rag ki dhun mast kar gai
is chhab pe is singar pe dil se nisar 'ufuq'
qurban ek bar nahin lakh bar 'ufuq'
ai kishn nazirin ko mubarak basant ho
khela jo apne wo abad tak basant ho
(224) ووٹ وصول ہوئے
Related Ufuq Lakhnavi Poetry
Related Poetry
More Ufuq Lakhnavi Poetry
You can read Basant Aur Holi Ki Bahaar written by Ufuq Lakhnavi at UrduPoint. Basant Aur Holi Ki Bahaar is one of the masterpieces written by Ufuq Lakhnavi. You can also find the complete poetry collection of Ufuq Lakhnavi by clicking on the button 'Read Complete Poetry Collection of Ufuq Lakhnavi' above.
Basant Aur Holi Ki Bahaar is a widely read Urdu Nazam. If you like Basant Aur Holi Ki Bahaar, you will also like to read other famous Urdu Nazam.
You can also read Love Poetry, If you want to read more poems. We hope you will like the vast collection of poetry at UrduPoint; remember to share it with others.