Aqal O Qudrat By Katib Umar

میرے اللہ بتا تُجھ کو کہاں تک دیکھوں

تُو ہی تو مجھ کو نظر آئے جہاں تک دیکھو

ہر کسی آہ میں تو ہر کسی یلغار میں تو

کو بہ کو شہر میں تو کوچہ و بازار میں تو

حمد و نظم میں تو قصہ و اشعار میں تو

چشتیاں رنگ میں تو حیدری تلوار میں تو

خوشبو و عطر میں تو پھول میں گلزار میں تو

سچ تو یہ ہے کہ ہے موجود ہر ایک خار میں تو

کل میں تو آج میں تو بہشت میں تو نار میں تو

تو ہی کہدے کے کہاں تُجھ سے سوا تک دکھوں

تو ہی تو مجھ کو نظر آئے جہاں تک دیکھوں

تُو ہے موجود ہر ایک جام میں پیمانے میں

شمع کی لو میں تو معصوم سے پروانے میں

تُو ہے سرشار سے پیالے میں تو میخانے میں

درد میں رنج میں مرہم میں شفا خانے میں

میرے اللہ بتا تُجھ کو کہاں تک دیکھوں

تُو ہی تو مجھ کو نظر آئے جہاں تک دیکھو

خواب میں نیند میں تو چین میں آرام میں تو

آسماں چاند ستاروں میں سرِ بام میں تو

ویسے دیکھے تو ہے موجود ہر انسان میں تو

دشت میں دہر میں تو شجر و بیابان میں تو

سیّد و شیخ میں تو میر میں افغان میں تو

ہر کسی چیز میں تو جان میں بے جان میں تو

کوہ یاقوت میں الماس میں مرجان میں تو

پاک توریت میں انجیل میں قرآن میں تو

خود کو دیکھوں کے خودی اپنے گماں تک دیکھوں

تو ہی تو مجھ کو نظر آئے جہاں تک دیکھوں

تو ہے آباد ہر اک ذرّے میں گوہر میں بھی

یک نظر چیز میں باریک سے جوہر میں بھی

ہاں ہے موجود ہر انساں کے کمالات میں تو

تیغ میں توپ میں بندوق میں آلات میں تو

پاک قرآن کی محفوظ سے آیات میں تو

ہر جدائی میں ہر اک غم میں ہر اک بات میں تو

جھیل جھرنوں میں پہاڑوں میں نباتات میں تو

دِن کے بے باک اُجالوں میں سیاہ رات میں تو

علمِ ریاضی میں تو ہندسے میں تو اعداد میں تو

علم میں دکھوں کہ میں عقل و متاں تک دیکھوں

تو ہی تو مجھ کو نظر آئے جہاں تک دیکھوں

ہاں ہے موجود ہر انساں کے ہر اک کام میں تو

دین میں دہر میں تو مذہبِ اسلام میں تو

ہر کسی خلق میں تو ہر کسی اقسام میں تو

ازل و عبد میں تو حشر میں انجام میں تو

ساقیِ کوثرِ جانا کے حسیں نام میں تو

میرے اللہ بتا تُجھ کو کہاں تک دیکھوں

تُو ہی تو مجھ کو نظر آئے جہاں تک دیکھو

رنج میں خوف میں راحت میں سزا میں تو ہے

تُو بہاروں میں ہے موجود فضا میں تو ہے

آتی اللہُ اکبر کی صدا میں تو ہے

سات سترنگ دھنک قوسِ قزح میں تو ہے

اپنے اطراف میں کیا حدِ نگاہ تک دیکھوں

تو ہی تو مجھ کو نظر آئے جہاں تک دیکھوں

تُو نظر آئے ہر ایک خواب میں تعبیر میں تو

ہر قلم ساز کتابوں میں تو تقدیر میں تو

سب عجائب میں تو قدرت کے مناظر میں تو

دل میں تو ذہن میں تو لذت و تاثیر میں تو

عدل میں منصفِ دانا میں تو انصاف میں تو

میرے اندر مرے باہر مرے اطراف میں تو

تیری تخلیق کو دیکھوں مری جاں تک دیکھوں

تو ہی تو مجھ کو نظر آئے جہاں تک دیکھوں

تُو نظر آئے چمکدار چراغوں میں بھی

گل میں گلزار میں کلیوں میں تو باغوں میں بھی

تُو ہے قلزم میں سمندر میں تو طیاروں میں

کہکشاؤں میں خلاؤں میں تو سیاروں میں

چاند سورج ترے پُرنور ستارے تیرے

ہیں کتابیں تری قرآن کے پارے تیرے

تُجھ کو دیکھوں تو مری عقل و گماں تک دیکھوں

تو ہی تو مجھ کو نظر آئے جہاں تک دیکھوں