Yaadon Ki Baaraat By Khalid AZIZ

کچھ بھولی بسری یادوں کوہم دل میں بسا کر بیٹھے ہیں

 کچھ دیپ جلا کر بیٹھے ہیں کچھ آ س لگا کر بیٹھے ہیں 

وہ ہاں کہنا پھر نہ کہنا پھرنہ  که  کر وہ ہاں کہنا

اس کم سن شوخ کی یادوں کی تصویر سجا کر بیٹھے ہیں 

پٹھو پر گیند جما دینا چورن ہاتھوں سے گرا دینا

 خود ہی کٹی کر کے پھر ہم سے منوا کر بیٹھے ہیں 

جھولے کی باری پر جھگڑ ا اور گھڑ سواری پر جھگڑا

 وہ تو سب کچھ بھول گئے اور ہم کمہلا کر بیٹھے ہیں

انکے گھر کو لمبی سڑ ک اور جا ڑ ا بھی کیا خوب کڑ ک

 میرا کوٹ انکے شانوں پر اور ہم ٹھٹرا   کر بیٹھے ہیں

سردی کی لمبی راتوں میں کیا خوب مزہ تھا باتوں میں

 آ تش دان کے بازو میں ہم چا ے  بنا کر بیٹھے ہیں  

ماش کی دال کو تڑکا دے کر لسی کا اک پیالہ لے کر

 نازک ہاتھوں تندوری روٹی  لگوا کر بیٹھے ہیں

آ نگن کی بیری  پہ چڑها نا کچے پکّے بیر گرانا

 پا وں پھسلتے ہی لوکا تو وہ شرما کر بیٹھے ہیں 

اکڑ بککڑ بمبے بو اور اسی نوے پورے سو

 اس ٹاس کے کھوٹے سکّے کو مٹھی میں دبا کر بیٹھے ہیں 

کاغذ کی اک ناو بنانا بارش کے پانی میں چلانا

انکی ناو ڈ وبی تو اپنی چھینوا کر  بیٹھے ہیں

مدرسے کے بلکل پیچھے آ م کے نا ٹے  پیڑ کے نیچے

 ملتانی مٹی  سے تختی صاف کرا کر بیٹھے ہیں 

مکّی کے دانے بھنوانا جھولی میں بھر بھر کے لانا

 کافی بھاگم دوڑ تھی اپنی اب سستا کر بیٹھے ہیں  

 پا ئنچے   ٹخنوں سے اوپر کاجل به  کر گال کے

اوپر چھتری کے نیچے رم جھم میں اسکو سمٹا کر بیٹھے ہیں

خالد وہ دن بھی آ جا ے کہ بچھڑ ا سا تھی مل جا ے

 امید کی اک چھوٹی سی کرن ہم دل بسا  کر بیٹھے ہیں