Abhi Ki Baat Lagti Hai By Nabiha Sibtain

ابھی کی بات لگتی ہے

یہ کل کی بات لگتی ہے

ابھی تو ہم تم ملے تھے

چند لمحوں کے لیے

وہ لمحے قید ہو گئے میری آنکھوں میں

وقت تھم گیا میری سانسوں میں

جب آمنا سامنا ہوا

دل کتنا خوش ہوا

امید پر پوری اترے

جیسا ہم نے چاہا تھا

تم کو ویسا ہی پایا

تمہارا انداز جب دیکھا

تمہارا لحاظ جب دیکھا

تم من کو بھا گئے

پہلی ملاقات سے جی نہیں بھرا

اور ملاقاتوں کا انتظار رہا

کچھ تو بے تابی تھی

پرکھنا ابھی باقی تھا

سال گزرنے لگے

ابھی تو ہم تم ملے تھے

نئے سال ہوئی ملاقات

اس میں سنی بس اس کی بات

پہلی بار ایسا ہوا

کچھ کہنے کو نا دل ہوا

چاہت تھی بس وہ کہے

وہ کہتا رہے میں سنتی رہوں

مجھ سے پوچھا بتاؤ اپنا حال

کیسے کہتی مجھ پر ڈالا ہے محبت کا جال

میں پھنسی جا رہی ہوں اس میں

روز بہ روز اور سال بہ سال

وقت کا وقت مقرر نہیں رہتا

جب وہ ساتھ ہو آس پاس کچھ نہیں رہتا

دو ملاقاتوں میں ہوا یہ حال

پھر بھی نکالتا ہے بال کی کھال

دوسری ملاقات بہت اچھی رہی

سردیوں کے دن تھے ہوا میں خنکی رہی

وہ صاف ستھرا تھا ایک دم تیار

ملنے کا بہانہ تھا جیسے خزاں میں بہار

اچانک طے ہوا تھا ملنا اور نہ ہوا انکار

میں بات کو آگے بڑھاؤں اگر ہو جائے اقرار

دل رک گیا سن کے اس کی پکار

ایک اور بار ملنا رہتا ہے ابھی

یہ بات وہ بھی جانتا ہے اس میں ہو گا وہی

زندگی کا فیصلہ کیا جائے گا

خدا نے جو لکھا ہے وہ ہوا جائے گا

ساری بات اس دن کُھل کے ہو جائے گی

آنکھوں میں آنسو اور چہرے پہ خوشی ہو گی

تم نا دیکھ پاؤ گے میرے چہرے کی خوشی

نظر آئیں گے میرے آنسو اور آنکھوں میں نمی

اس دن کا تصور ہلا دیتا ہے

دل زخمی ہو کر خوشی جلا دیتا ہے

آخری ملاقات کا امکان ہے

جو آئے گا روح میں وہ طوفان ہے

مگر تم ماضی میں ملے حال لگتا ہے

مستقبل میں نا ملے دل سوچ کے ڈرتا ہے

ہر غزل تمہارے نام

یہ ازل محبت تمہارے نام

اب تو سال ہو گئے دیکھا نہیں تم کو

پھر بھی ایسا لگتا ہے جیسے روز ملتے ہیں

گھنٹوں بات کرتے ہیں

آنکھوں میں دیکھتے ہیں

وہ پلکیں جو احترام میں جھک جاتی ہیں

اور انتظار کرتی ہیں

تمہارا رخ بدلے تو تم کو ازبر کر جاؤں

تین حرف ہو تم کو بنا زیر زبر پی جاؤں

اور دن ٹھہر جاتا ہے

زمانے کی فکر نہیں ہوتی

اور یہ سب تمہارے ساتھ ہوتا ہے

یہ مطمئن کیفیت تم سے ملتی ہے

کتنا سکون ملتا ہے

یہ کل کی بات لگتی ہے

ارے نہیں!

یہ ابھی کی بات لگتی ہے