Muhavare By Shahid Butt

مانا کہ ہم کو دن میں تارے دکھا دیئے

رب کا کرم اچکے ہمیں سارے دکھا دیئے

اول خویش بعد درویش سن کر محاورہ

پہلو میں چھپے سب نے پیارے دکھا دیئے

ہے کون کتنے پانی میں سب جانتے حضور

اس نے ثبوت لا کے ہمیں سارے دکھا دیئے

دیواروں کے کان ہوتے ہیں ثابت ہوا جناب

اس نے ہمیں سبھی بول ہمارے سنا دیئے

حلوائی کی دکان پر نانا جی کی فاتحہ ہوئی

جب بھی انھوں نے چاند کے کنارے دکھا دیئے

جھوٹ کے پاؤں ہوتے نہیں جناب

مگر سب نے نکال کے اپنے سہارے دکھا دیئے

بدنصیبی میری وہ نکلا آستین کا سانپ

اس نے دکھا کے جادو پٹارے چھپا دیئے

اونچی دوکان پھیکا پکوان بنا رہے ہیں سب

وہ جن کی شان میں چاند ستارے ملا دیئے

رام رام جپنا پرایا مال اپنا شیوہ ہمارا ہے

سب نے ارادے کھل کے سارے بتا دیئے

چوری کا گڑ میٹھا ہوتا نہیں جناب

لیکن کسی نے بیچ شکرپارے ملا دیئے

دنیا جہاں میں جنکی ولت کے غلغلے ہیں

ان سب نے گوشواروں میں خسارے دکھا دیئے

مڑ کے جو دیکھا ٹوٹ پڑا حیرت کا اک پہاڑ

کل مجھ پہ تھے جو وارے آج انکے دکھا دیئے

جب تک رکابی بھات ہے میرا تیرا ساتھ

پھر اسکے بعد سب نے شرارے دکھا دیئے

چھچھوندر کے سر میں تیل چمبیلی کا تھا ملا

سو اسنے بدلحاظی کے سبھی نظارے دکھا دیئے

جہاں آوے کا آوا بگڑا ہوا ہو وہاں عوام

دانش سے ہوتے عاری سارے دکھا دیئے

مزاج عالی، نہ تو شک، نہ نہالی ہیں جناب

دنیا نے اپنے خیالات ہمارے بارے بتا دیئے

آسمان سے گرے کھجور میں اٹکے ہوئے عوام

رب کے کرم کے منتظر، ہیں سارے بٹھا دیئے