فوج اور پولیس ہمارے محسن

ہفتہ ستمبر

Naeem Kandwal

نعیم کندوال

پاک فوج اور پولیس ہمارا فخر ہیں۔ہمارے اداروں کی کار کردگی مثالی ہے۔اِس میں کچھ شک نہیں کہ پاکستان کو برے وقت سے نکالنے میں تمام انتظامی اداروں بشمول قومی احتساب بیورو ،پاک فوج اور پولیس نے اہم کردار ادا کیا ہے۔جب یہ ملک وجود میں آیا تھا تو پنڈت نہرو نے کہا تھا کہ قائد اعظم کو پاکستان لے لینے دو ، لیکن اقتصادی طور پر اس کے لئے ایسی مشکلات پیدا کردی جائیں گی کہ پاکستان دوبارہ شمولیت کے لئے مجبور ہو جائے گا ۔

ہمارا دشمن بھارت یہ امید کر رہا تھا لیکن ہمارے تمام اداروں نے بھر پور محنت کی اور آج الحمد اللہ پاکستان خطے کی ایک بہت بڑی طاقت بلکہ ایٹمی طاقت ہے۔اِس میں ہمارے تمام اداروں کی مثالی کوششیں شامل ہیں ۔
کچھ لوگ اداروں پر تنقید کرتے ہیں جو میرے خیال سے سرا سر غلط ہے۔

(جاری ہے)

پاکستان کے تمام ادارے چاہے وہ پاک فوج ہو یا چاروں صوبوں کی پولیس ،نیب ہو یا ایف آئی اے ،تمام ادارے پاکستان کی ترقی اور امن وامان کے لیے بھر پور کردار ادا کر رہے ہیں ۔

ہماری پاک ا فواج ہر مشکل گھڑی میں پاکستانی عوام کے ساتھ کھڑی ہیں۔جنگ ہو یا امن،آندھی ہو یا طوفان،سیلاب ہوں یا زلزلے ،پاک فوج عوام کی خدمت میں پیش پیش ہے جسکی زندہ مثال ابھی کراچی کی صورت حال ہے۔کراچی میں پاک فوج عوام کی خدمت میں تا حال مصروف ہے۔پاک فوج نہ صرف عوام کی خدمت میں مصروف ہے بلکہ نا پاک عزائم رکھنے والے ہمسایہ ملک بھارت کی افواج کے دانت کھٹے کرنے میں بھی پیش پیش ہوتی ہے۔


پاک فوج ،پولیس،نیب اور ایف آئی اے کا ہر افسر اور جوان ہمارا محاظ ہے۔ہمیں اپنے محافظوں پر تنقید نہیں کرنی چاہیے۔جو لوگ ایسا کرتے ہیں وہ دشمن کے ایجنڈے پر کام کر رہے ہیں ،بلکہ یہ کہا جائے کہ وہ غدارِ وطن ہیں تو غلط نہ ہو گا۔ انہی اداروں کے ہزاروں جوان ہماری حفاظت کے لئے اپنی جانیں بھی قربان کر چکے ہیں ۔یہ تمام ادارے ہمارے محافظ ہیں ،ہمارے محسن ہیں ۔

جو قومیں اپنے محسنوں کی قربانیوں کو فراموش کرتی ہیں وہ صفحہ ہستی سے مٹ جایا کرتی ہیں ۔
اِس وقت پاکستان کو کئی چیلنجز در پیش ہیں ۔کورونا وائرس ایک بہت بڑا چیلنج ہے جس کی وجہ سے پوری دنیا کی معیشت تباہ حال ہے۔عالمی اداروں نے کورونا وائرس کے سد باب پر پاکستان کے اقداما ت کی بھر پور تعریف کی ہے بلکہ پاکستان کے وزیر اعظم عمران خان کورونا کی روک تھام کے لئے کیے گئے اقدمات کی وجہ سے پہلے نمبر ہیں۔

عالمی ادارے وزیر اعظم پاکستان کی غیرمعمولی کارکردگی کے معترف ہیں۔پوری دنیا میں اگر ہماری تعریف ہورہی ہے تو صرف ہمارے اداروں کی کوششوں سے ۔اِس میں ہمارے تمام اداروں کا اپنا اپنا قابلِ تعریف کردار شامل ہے۔
منی لانڈرنگ کی روک تھام کے لیے پاس کیا گیا بل ایک قابلِ تعریف اقدام ہے۔اِس سے منی لانڈرنگ پر قابو پانے میں مدد ملے گی۔منی لانڈرنگ جیسے غیر قانونی اقدامات پر قابو پا کر پاکستان کا امیج بہتر بنایا جا سکتا ہے۔


انشااللہ پاکستان کا مستقبل روشن ہے۔پاکستان کی حکومت اور ادارے ملک کی ترقی کے لیے بھر پور کردار ادا کر رہے ہیں ۔افواجِ پاکستان کے ساتھ ساتھ پنجاب، سندھ ،خیبر پختونخوا اور بلوچستان کی پولیس کی کارکردگی انتہائی قابلِ تعریف ہے۔نیب ،اور ایف آئی اے کی کارکردگی بھی مثالی ہے۔ہم اگر اپنے اداروں کی حوصلہ افزائی کریں گے تو یقینا اداروں کی کارکردگی مزید بہتر ہو گی اور ہمارا ملک نہ صرف مزید ترقی کرے گا بلکہ ایک مثالی ریاست بنے گا۔انشاللہ
© جملہ حقوق بحق ادارہ اُردو پوائنٹ محفوظ ہیں۔ © www.UrduPoint.com

تازہ ترین کالمز :

Your Thoughts and Comments

Urdu Column Fouj Or Police Hamare Mohsin Column By Naeem Kandwal, the column was published on 19 September 2020. Naeem Kandwal has written 24 columns on Urdu Point. Read all columns written by Naeem Kandwal on the site, related to politics, social issues and international affairs with in depth analysis and research.