ایران نے تیز ترین بحری میزائل کا تجربہ کرلیا

میزائل دو سو پچاس میل فی گھنٹہ کی رفتار سے چھ میل تک اپنے ہدف کو نشانہ بنانے کی صلاحیت رکھتا ہے،امریکی حکام

منگل 9 مئی 2017 13:39

تہران(اُردو پوائنٹ اخبار آن لائن۔ بدھ 10 مئی 2017ء) ایران نے تیز ترین بحری میزائل کا تجربہ کرلیا ہے۔ایرانی میڈیا کے مطابق امریکہ کے دفاعی حکام کی جانب سے کہا گیا ہے کہ ایران نے آبنائے ہرمز میں تارپیڈو میزائل کا تجربہ کیا ہے اور یہ میزائل دو سو پچاس میل فی گھنٹہ کی رفتار سے 6 میل تک اپنے ہدف کو نشانہ بنانے کی صلاحیت رکھتا ہے۔

(جاری ہے)

امریکی میڈیا کی جانب سے ابھی اس بات کی تصدیق نہیں کی گئی ہے کہ ایرانی میزائل کا تجربہ کامیاب رہا ہے کہ نہیں جبکہ امریکی دفاعی حکام کی طرف سے ایرانی میزائل کے تجربے پر سخت ردعمل کا اظہار کیاگیاہے اور اسے خطے میں اشتعال انگیزی پھیلانے کے مترادف قراردیا ہے۔یاد رہے کہ امریکہ کی جانب سے ایران پر بیلسٹک میزائل تجربے کے بعد مختلف قسم کی پابندیاں لگا دی گئیں تھی۔ایرانی کے وزیرخارجہ نے 20 فروری2017 ء کو امریکہ کو خبردار کرتے ہوئے کہا تھا کہ امریکہ دھمکیاں دینا بند کرے اور ایران ایسی دھمکیوں سے ڈرنے والا نہیں ہے۔