حکومت نے ڈان لیکس معاملہ ڈس ہینڈل کیا،3لوگ فارغ ہوئے جس کے بعدمعاملہ ختم ہوجاناچاہئے تھا،فرحت اللہ بابر

پانامہ کئی اوپن جے آئی جی وزیراعظم نوازشریف کے مفادمیں ہوگی ،پانامہ کی جے آئی ٹی کواوپن کارروائی کرنی چاہئے ،نجی ٹی وی سے گفتگو

منگل 9 مئی 2017 23:48

اسلام آباد (اُردو پوائنٹ اخبار آن لائن۔ بدھ 10 مئی 2017ء)پیپلزپارٹی کے راہنماسینیٹرفرحت اللہ بابرنے کہاہے کہ حکومت نے ڈان لیکس معاملہ ڈس ہینڈل کیا،3لوگ فارغ ہوئے جس کے بعدمعاملہ ختم ہوجاناچاہئے تھا،پانامہ کئی اوپن جے آئی جی وزیراعظم نوازشریف کے مفادمیں ہوگی ،پانامہ کی جے آئی ٹی کواوپن کارروائی کرنی چاہئے ۔

(جاری ہے)

منگل کے روزنجی ٹی وی سے گفتگوکرتے ہوئے انہونے کہاکہ کل کچھ بھی ہوسکتاہے ،سابق آصف علی زرداری بھی وزیراعظم بن سکتے ہیں ،حکومت نے ڈان لیکس کامعاملہ مس ہینڈل کیا،کمیٹی کی سفارشات پر3لوگ فارغ ہوئے جس کے بعدمعاملہ ختم ہوجاناچاہئے تھا۔انہوںنے کہاکہ پانامہ جے آئی ٹی اوپن ہوتوڈان لیکس جیسامعاملہ پیش نہیں آئے گا،وزیراعظم کے حق میں ہوگاکہ اگروہ عوام کے سامنے جے آئی ٹی کے سوالات کے جواب دیں۔

انہوںنے کہاکہ جے آئی ٹی میں سب کچھ قانون کے مطابق ہوناچاہئے ،جے آئی ٹی میں شامل اداروں کودیکھناہوگاکہ قانون کے مطابق کیابیرون ملک جاکرتحقیقات ہوسکتی ہیں یاپھرتحقیقات کیلئے قانون میں ترمیم کی ضرورت ہے ۔سپریم کورٹ نے اگرقانون میں ترمیم کاکہاتوترمیم کرنی ہوگی ۔انہوںنے کہاکہ جے آئی ٹی تحقیقات اوپن ہونی چاہئیں۔(یاسرعباسی)