دلت جج نے چیف جسٹس آف بھارت اور انکے 7 ساتھیوں کو 5 سال قید سنا دی

چیف جسٹس انڈیااوران کے ساتھیوں نے دلت جج سی ایس کرنان کا دماغی معائنہ کرانے کا حکم دیا تھا

منگل 9 مئی 2017 13:39

کولکتہ (اُردو پوائنٹ اخبار آن لائن۔ بدھ 10 مئی 2017ء) کولکتہ ہائیکورٹ کے معطل دلت جج اور بھارتی سپریم کورٹ کے درمیان تنازع سنگین صورت اختیار کر گیا۔

(جاری ہے)

جسٹس سی ایس کرنان نے چیف جسٹس آف انڈیا جے ایس کھیہر اور سپریم کورٹ کے 7 دیگر ججوں کو ذات پات کی منافرت پھیلانے سازش اور اختیارات کا غلط استعمال کرنے کے الزامات میں 5 سال قید کی سزا سنا دی،بھارتی میڈیا چیف جسٹس انڈیا نے گزشتہ ہفتے دلت جج سی ایس کرنان کا دماغی معائنہ کرانے کا حکم دیا تھا۔

ڈاکٹروں کی ٹیم کولکتہ میں جیسے ہی سی ایس کرنان کے گھر پہنچی اسے بھگا دیا گیا سی ایس کرنان نچلی ذات کے حق گو اور ایمان دار جج سمجھے جاتے ہیں۔ انہوں نے بھارتی عدلیہ میں موجود 10 کرپٹ ججوں کے نام ایک خط لکھ کر وزیراعظم نریندر مودی کو بھجوائے تھے جس پر چیف جسٹس آف انڈیا نے انکا تبادلہ مدراس ہائیکورٹ سے کولکتہ کر دیا پھر انکے اختیارات ضبط کر لئے۔