Waqt K Sath Zindagi Ka Dukh

وقت کے ساتھ زندگی کا دکھ

وقت کے ساتھ زندگی کا دکھ

مرے سر پر ہے ہر خوشی کا دکھ

اپنے زخموں کو بھول جاتا ہوں

دیکھ لیتا ہوں جب کسی کا دکھ

لیلائے ہر سخن پریشاں ہے

جب قلم میں ہے بے کسی کا دکھ

ہم سفر اب نہیں کوئی میرا

میرا ساتھی ہے ہمرہی کا دکھ

آج معراج ہو گئی میری

آج بانٹا ہے بندگی کا دکھ

زندگی ساری بندگی میری

میرا سجدہ ہے آدمی کا دکھ

تیرے شمس و قمر مرے کس کام

میرے گھر میں ہے تیرگی کا دکھ

مر گیا اپنے واسطے فرہاد

اس نے کب سر لیا کسی کا دکھ

کہہ رہی ہے نمود کی ہر لے

بند کلیوں میں ہے نمی کا دکھ

ہر طلب سے گریز پا اک شخص

چاٹتا ہے رہی سہی کا دکھ

زندگی ساری روگ میں گزری

تھا بظاہر جو اک گھڑی کا دکھ

ہر کوئی اس کا ساتھ دیتا ہے

جو نہیں بانٹتا کسی کا دکھ

وہ شریک سفر نہیں ہوتا

میں اٹھاتا ہوں دوستی کا دکھ

یاد یاراں لہو رلائے گی

اور پھر ایک اجنبی کا دکھ

گھٹ گیا چاند روشنی مدھم

میری آنکھوں میں روشنی کا دکھ

جان پر بن گئی کہ عالم پر

جان لیوا ہے آگہی کا دکھ

عابد ودود

© UrduPoint.com

All Rights Reserved

(417) ووٹ وصول ہوئے

Your Thoughts and Comments

Urdu Nazam Poetry of Abid Wadood, Waqt K Sath Zindagi Ka Dukh in Urdu. This famous Urdu Shayari is a Ghazal, and the type of this Nazam is Love, Sad, Social, Friendship, Bewafa, Heart Broken, Hope Urdu Poetry. Also there are 15 Urdu poetry collection of the poet published on the site. The average rating for this Urdu Shayari by our users is 4.4 out of 5 stars. Read the Love, Sad, Social, Friendship, Bewafa, Heart Broken, Hope poetry online by the poet. You can also read Best Urdu Nazam and Top Urdu Ghazal of Abid Wadood.