GuDDe Miyan Ki Shadi, Urdu Nazam By Akhgar Mushtaq Raheem Aabadi
GuDDe Miyan Ki Shadi is a famous Urdu Nazam written by a famous poet, Akhgar Mushtaq Raheem Aabadi. GuDDe Miyan Ki Shadi comes under the Love, Sad, Social category of Urdu Nazam. You can read GuDDe Miyan Ki Shadi on this page of UrduPoint.
گڈے میاں کی شادی
اخگر مشتاق رحیم آبادی
گڈے میاں کی شادی
ہر اک سمت گونجے ہوئے قہقہے
ہنسی دل لگی زمزمے چہچہے
زمیں مسکرا آسماں خوب جھوم
کہ باقی نگر میں ہے شادی کی دھوم
یہاں میہماں اور وہاں میہماں
جدھر دیکھیے اور جہاں میہماں
غرض میہماں آئے ہیں بے شمار
کہ مدت سے اس دن کا تھا انتظار
نوشہ بنانے کی رسم
وہ گڈے میاں گھر بلائے گئے
بٹھا کر وہ نوشہ بنائے گئے
ہتھیلی پہ مہندی رچائی گئی
وہ نوشہ کو اچکن پہنائی گئی
وہ گاؤں کا مالی عتیقؔ آ گیا
وہ سرسوں کے پھولوں کا صحرا بندھا
ہر اک رسم سے جب فراغت ہوئی
تو مرچوں کے پھولوں کی بدھی پڑی
وہ ہمجولیوں میں لگا قہقہہ
مراثن جو بن کر اٹھیں ہاشمہؔ
مراثن بھی ڈھولک بجانے لگی
خوشی کے ترانے سنانے لگی
مراثن کو منہ مانگا حق جب ملا
بہ مشکل مراثن سے پیچھا چھٹا
بارات کی روانگی
وہ نوشہ میاں پہنے گوٹے کا ہار
چلے ایک مینڈھے پہ ہو کر سوار
چھنا چھن چھنا چھن براتی چلے
پتیلی کے ڈھکنے بجاتے ہوئے
وہ انوؔ گویا بھی گاتا ہوا
فضاؤں میں تانیں اڑاتا ہوا
نئی زندگانی مبارک رہے
مبارک یہ شادی مبارک رہے
بارات دلہن کے مکان پہنچ چکی اب نکاح کا وقت ہے
قمرؔ ہیں وکیل اور عقیلہؔ گواہ
ثریاؔ کی گڑیا کا دیکھو بیاہ
وہ رضیہؔ کو قاضی بنایا گیا
وہ نوشہ کو محفل میں لایا گیا
وہ قاضی ورق اک الٹنے لگے
براتی سب اک جا سمٹنے لگے
قاضی جی نکاح پڑھاتے ہیں
مسماۃ گل دختر شیخ خارؔ
بہ مہر معجل بیاسی ہزار
گلستاں کا موتی سمندر کا پھول
کہو بھائی گڈے یہ شادی قبول
چھوہاروں کی تقسیم
پڑھا کر اٹھے جیسے قاضی نکاح
کسی نے چھوہاروں کی دے دی صلاح
چھوہاروں کی تھالی لٹائی گئی
شکر بھی مزے لے کے کھائی گئی
کسی نے چھوہاروں سے ٹوپی بھری
شکر بھی کہیں خوب پھانکی گئی
مگر ایک صاحب کمند ہوا
کہیں کس سے اپنا عجب ماجرا
یہ ہر چند بچپن کے ہشیار تھے
چھوہاروں کی لٹس پہ تیار تھے
مگر بھیڑ میں ایسے کچھ یہ دبے
کہ ہر پاؤں کے نیچے کچلے گئے
پٹا پٹ چھوہارے برستے رہے
مگر یہ بچارے ترستے رہے
کوئی ناک پر کوئی سر پر لگا
مگر ان کے منہ تک نہ کوئی گیا
شکر آنکھ اور کان میں گھس گئی
بچارے کی پوری ہی درگت بنی
نتیجہ یہ سب جلد بازی کا تھا
کہ ان کا مزہ کرکرا ہو گیا
دلہن کی رخصتی
وہ چھوٹا سا اک بکس لایا گیا
میانہ جسے تھا بنایا گیا
سواری یہ دلہن کی تھی آ گئی
وہ بیٹھی دلہن وہ ہوئی رخصتی
کہار اپنے کاندھے بدلتے چلے
میانے پہ دولہا کی دلہن لئے
کڑم دھم کڑم دھم چلی پھر برات
لگی گونجنے گانے باجے سے رات
انار اور چھچھوندر چھٹاتے ہوئے
نچھاور کے پیسے لٹاتے ہوئے
سحر ہوتے ہوتے مکاں آ گئے
دلہن لے کے گڈے میاں آ گئے
بارات واپس آ کر
یہی مہمانوں میں ہے گفتگو
کہ دولہن ہے بے شک بڑی خوبرو
سلیقے کے سسرال والے بھی ہیں
دکھاوا نہیں مال والے بھی ہیں
یہ سردی کی صبح اور سردی کی شام
مگر قابل داد ہر انتظام
یہ برتن یہ کپڑے یہ کرسی یہ میز
ملا ہے بہت خوب صورت جہیز
صدا پھر وہ انوؔ کی آنے لگی
فضاؤں میں مستی لٹانے لگی
نئی زندگانی مبارک رہے
مبارک یہ شادی مبارک رہے
اخگر مشتاق رحیم آبادی
© UrduPoint.com
All Rights Reserved
GuDDe Miyan Ki Shadi
Akhgar Mushtaq Raheem Aabadi
har ek samt gunje hue qahqahe
hansi dil-lagi zamzame chahchahe
zamin muskura aasman KHub jhum
ki baqi nagar mein hai shadi ki dhum
yahan mehman aur wahan mehman
jidhar dekhiye aur jahan mehman
gharaz mehman aae hain be-shumar
ki muddat se is din ka tha intizar
nausha banane ki rasm
wo guDDe miyan ghar bulae gae
biTha kar wo nausha banae gae
hatheli pe mehndi rachai gai
wo nausha ko achkan pahnai gai
wo ganw ka mali 'atiq' aa gaya
wo sarson ke phulon ka sahra bandha
har ek rasm se jab faraghat hui
to mirchon ke phulon ki baddhi paDi
wo ham-joliyon mein laga qahqaha
marasan jo ban kar uThin 'hashima'
marasan bhi Dholak bajaane lagi
KHushi ke tarane sunane lagi
marasan ko munh manga haq jab mila
ba-mushkil marasan se pichha chhuTa
baraat ki rawangi
wo nausha miyan pahne goTe ka haar
chale ek meinDhe pe ho kar sawar
chhana-chhan chhana-chhan baraati chale
patili ke dhakne bajate hue
wo 'annu' gawayya bhi gata hua
fazaon mein tanen uData hua
nai zindagani mubarak rahe
mubarak ye shadi mubarak rahe
baraat dulhan ke makan pahunch chuki ab nikah ka waqt hai
'qamar' hain wakil aur 'aqila' gawah
'surayya' ki guDiya ka dekho byah
wo 'raziya' ko qazi banaya gaya
wo nausha ko mahfil mein laya gaya
wo qazi waraq ek ulaTne lage
baraati sab ek ja simaTne lage
qazi ji nikah paDhate hain
musammat-e-gul duKHtar-e-shaiKH 'KHar'
ba-mahr-e-muajjal bayasi hazar
gulistan ka moti samundar ka phul
kaho bhai guDDe ye shadi qubul
chhohaaron ki taqsim
paDha kar uThe jaise qazi nikah
kisi ne chhohaaron ki de di salah
chhohaaron ki thaali luTai gai
shakar bhi maze le ke khai gai
kisi ne chhohaaron se Topi bhari
shakar bhi kahin KHub phanki gai
magar ek sahab kamand-e-hawa
kahen kis se apna ajab majra
ye har chand bachpan ke hushiyar the
chhohaaron ki luTTas pe tayyar the
magar bhiD mein aise kuchh ye dabe
ki har panw ke niche kuchle gae
paTa-paT chhohaare baraste rahe
magar ye bichaare taraste rahe
koi nak par koi sar par laga
magar un ke munh tak na koi gaya
shakar aankh aur kan mein ghus gai
bichaare ki puri hi durgat bani
natija ye sab jald-bazi ka tha
ki in ka maza kirkira ho gaya
dulhan ki ruKHsati
wo chhoTa sa ek box laya gaya
miyana jise tha banaya gaya
sawari ye dulhan ki thi aa gai
wo baiThi dulhan wo hui ruKHsati
kahaar apne kandhe badalte chale
miyane pe dulha ki dulhan liye
kuDum-dhum kuDum-dhum chali phir baraat
lagi gunjne gane baje se raat
anar aur chhachhundar chhuTate hue
nichhawar ke paise luTate hue
sahar hote hote makan aa gae
dulhan le ke guDDe miyan aa gae
baraat wapas aa kar
yahi mehmanon mein hai guftugu
ki dulhan hai be-shak baDi KHub-ru
saliqe ke sasural wale bhi hain
dikhawa nahin mal wale bhi hain
ye sardi ki subh aur sardi ki sham
magar qabil-e-dad har intizam
ye bartan ye kapDe ye kursi ye mez
mila hai bahut KHubsurat jahez
sada phir wo 'annu' ki aane lagi
fazaon mein masti luTane lagi
nai zindagani mubarak rahe
mubarak ye shadi mubarak rahe
(789) ووٹ وصول ہوئے
Related Akhgar Mushtaq Raheem Aabadi Poetry
More Akhgar Mushtaq Raheem Aabadi Poetry
خود نظاروں پہ نظاروں کو ہنسی آتی ہے
Akhgar Mushtaq Raheem Aabadi - اخگر مشتاق رحیم آبادی
Khud Nazaron Pe Nazaron Ko Hansi Aati Hai
جینے کے اگر چند سہارے بھی ملے ہیں
Akhgar Mushtaq Raheem Aabadi - اخگر مشتاق رحیم آبادی
Jine Ke Agar Chand Sahaare Bhi Mile Hain
طوفان میل
Akhgar Mushtaq Raheem Aabadi - اخگر مشتاق رحیم آبادی
Tufan Mel
وہ ہزار ہم پہ جفا سہی کوئی شکوہ پھر بھی روا نہیں
Akhgar Mushtaq Raheem Aabadi - اخگر مشتاق رحیم آبادی
Wo Hazar Hum Pe Jafa Sahi Koi Shikwa Phir Bhi Rawa Nahin
جنون عشق کا جو کچھ ہوا انجام کیا کہئے
Akhgar Mushtaq Raheem Aabadi - اخگر مشتاق رحیم آبادی
Junun-e-ishq Ka Jo Kuchh Hua Anjam Kya Kahiye
گڈے میاں کی شادی
Akhgar Mushtaq Raheem Aabadi - اخگر مشتاق رحیم آبادی
Gudde Miyan Ki Shadi
کھلونے
Akhgar Mushtaq Raheem Aabadi - اخگر مشتاق رحیم آبادی
Khilaune
بیداد تغافل سے تو بڑھتا نہیں غم اور
Akhgar Mushtaq Raheem Aabadi - اخگر مشتاق رحیم آبادی
Bedad-e-taghaful Se To Badhta Nahin Gham Aur
You can read GuDDe Miyan Ki Shadi written by Akhgar Mushtaq Raheem Aabadi at UrduPoint. GuDDe Miyan Ki Shadi is one of the masterpieces written by Akhgar Mushtaq Raheem Aabadi. You can also find the complete poetry collection of Akhgar Mushtaq Raheem Aabadi by clicking on the button 'Read Complete Poetry Collection of Akhgar Mushtaq Raheem Aabadi' above.
GuDDe Miyan Ki Shadi is a widely read Urdu Nazam. If you like GuDDe Miyan Ki Shadi, you will also like to read other famous Urdu Nazam.
You can also read Love Poetry, If you want to read more poems. We hope you will like the vast collection of poetry at UrduPoint; remember to share it with others.