بے چارگئ دوش ہے اور بار گراں ہے
اظہار پہ پابندی ہے اور منہ میں زباں ہے
ہوتا ہے یہاں روز مرے درد کا سودا
اے تیغ بکف روز مکافات کہاں ہے
آزاد کرو خون کو بازار میں لاؤ
صدیوں سے یہ محکوم رگوں ہی میں رواں ہے
ہاں رنگ بہاراں ہے مگر اس کے لہو سے
جو دست بہ دل مہر بہ لب درد بجاں ہے
ہر سمت ہے بازار کھلا حرص و ہوس کا
ہر شہر میں ہر کوچے میں واعظ کی دکاں ہے
کل کس کو زباں بند کرو گے ذرا سوچو
کل دیکھو گے ہم کو کہ زباں ہے نہ دہاں ہے
کس شہر خموشاں میں چلے آئے ہیں ہم لوگ
نے زور سناں ہے نہ کہیں شور فغاں ہے
ہر درد کی حد ہوتی ہے یوں لگتا ہے جیسے
اس درد کا کوئی نہ زماں ہے نہ مکاں ہے
اختر سعید
© UrduPoint.com
All Rights Reserved
Yagana Changezi 
Daniyal Tareer 
Fahmida Riaz 
Josh Malihabadi 
Habib Jalib 
Anwar Masood 
Shahzad Ahmed 
Meer Anees 
Syed Ghayasuddin Saleem 
Waseem Abbas 
Jamal Panipati 
Moni Gopal Tapish 
Talha Rizvi Barq 
Balraj Komal 
Divya Jain