Muhibban-e-watan Ka Nara, Urdu Nazam By Anand Narayan Mulla
Muhibban-e-watan Ka Nara is a famous Urdu Nazam written by a famous poet, Anand Narayan Mulla. Muhibban-e-watan Ka Nara comes under the Love, Sad category of Urdu Nazam. You can read Muhibban-e-watan Ka Nara on this page of UrduPoint.
محبان وطن کا نعرہ
آنند نرائن ملا
شہید جور گلچیں ہیں اسیر خستہ تن ہم ہیں
ہمارا جرم اتنا ہے ہوا خواہ چمن ہم ہیں
ستانے کو ستا لے آج ظالم جتنا جی چاہے
مگر اتنا کہے دیتے ہیں فرداے وطن ہم ہیں
ہمارے ہی لہو کی بو صبا لے جائے گی کنعاں
ملے گا جس سے یوسف کا پتہ وہ پیرہن ہم ہیں
ہمیں یہ فخر حاصل ہے پیام نور لائے ہیں
زمیں پہلے پہل چومی ہے جس نے وہ کرن ہم ہیں
سلا لے گی ہمیں خاک وطن آغوش میں اپنی
نہ فکر گور ہے ہم کو نہ محتاج کفن ہم ہیں
بنا لیں گے ترے زنداں کو بھی ہم غیرت محفل
لیے اپنی نگاہوں میں جمال انجمن ہم ہیں
نہیں تیشہ تو سر ٹکرا کے جوئے شیر لائیں گے
بیابان جنوں میں جانشین کوہ کن ہم ہیں
زمانہ کر رہا ہے کوششیں ہم کو مٹانے کی
ہلا پاتا نہیں جس کو وہ بنیاد کہن ہم ہیں
نہ دولت ہے نہ ثروت ہے نہ عہدہ ہے نہ طاقت ہے
مگر کچھ بات ہے ہم میں کہ جان انجمن ہم ہیں
ترے خنجر سے اپنے دل کی طاقت آزمانا ہے
محبت ایک اپنی ہے ترا سارا زمانہ ہے
فدائے ملک ہونا حاصل قسمت سمجھتے ہیں
وطن پر جان دینے ہی کو ہم جنت سمجھتے ہیں
کچھ ایسے آ گئے ہیں تنگ ہم کنج اسیری سے
کہ اب اس سے تو بہتر گوشۂ تربت سمجھتے ہیں
ہمارے شوق کی وارفتگی ہے دید کے قابل
پہنچتی ہے اگر ایذا اسے راحت سمجھتے ہیں
نگاہ قہر کی مشتاق ہیں دل کی تمنائیں
خط چین جبیں ہی کو خط قسمت سمجھتے ہیں
وطن کا ذرہ ذرہ ہم کو اپنی جاں سے پیارا ہے
نہ ہم مذہب سمجھتے ہیں نہ ہم ملت سمجھتے ہیں
حیات عارضی صدقے حیات جاودانی پر
فنا ہونا ہی اب اک زیست کی صورت سمجھتے ہیں
ہمیں معلوم ہے اچھی طرح تاب جفا تیری
مگر اس سے سوا اپنی حد الفت سمجھتے ہیں
غم و غصہ دکھانا اک دلیل ناتوانی ہے
جو ہنس کر چوٹ کھاتی ہے اسے طاقت سمجھتے ہیں
غلامی اور آزادی بس اتنا جانتے ہیں ہم
نہ ہم دوزخ سمجھتے ہیں نہ ہم جنت سمجھتے ہیں
دکھانا ہے کہ لڑتے ہیں جہاں میں با وفا کیوں کر
نکلتی ہے زباں سے زخم کھا کر مرحبا کیوں کر
آنند نرائن ملا
© UrduPoint.com
All Rights Reserved
Muhibban-e-watan Ka Nara
Anand Narayan Mulla
hamara jurm itna hai hawa-KHwah-e-chaman hum hain
satane ko sata le aaj zalim jitna ji chahe
magar itna kahe dete hain farda-e-watan hum hain
hamare hi lahu ki bu saba le jaegi kanan
milega jis se yusuf ka pata wo pairahan hum hain
hamein ye faKHr hasil hai payam-e-nur lae hain
zamin pahle-pahal chumi hai jis ne wo kiran hum hain
sula legi hamein KHak-e-watan aaghosh mein apni
na fikr-e-gor hai hum ko na muhtaj-e-kafan hum hain
bana lenge tere zindan ko bhi hum ghairat-e-mahfil
liye apni nigahon mein jamal-e-anjuman hum hain
nahin tesha to sar Takra ke ju-e-shir laenge
bayaban-e-junun mein jaanashin-e-kohkan hum hain
zamana kar raha hai koshishen hum ko miTane ki
hila pata nahin jis ko wo buniyaad-e-kuhan hum hain
na daulat hai na sarwat hai na ohda hai na taqat hai
magar kuchh baat hai hum mein ki jaan-e-anjuman hum hain
tere KHanjar se apne dil ki taqat aazmana hai
mohabbat ek apni hai tera sara zamana hai
fida-e-mulk hona hasil-e-qismat samajhte hain
watan par jaan dene hi ko hum jannat samajhte hain
kuchh aise aa gae hain tang hum kunj-e-asiri se
ki ab is se to behtar gosha-e-turbat samajhte hain
hamare shauq ki waraftagi hai did ke qabil
pahunchti hai agar iza use rahat samajhte hain
nigah-e-qahr ki mushtaq hain dil ki tamannaen
KHat-e-chin-e-jabin hi ko KHat-e-qismat samajhte hain
watan ka zarra zarra hum ko apni jaan se pyara hai
na hum mazhab samajhte hain na hum millat samajhte hain
hayat-e-arzi sadqe hayat-e-jawedani par
fana hona hi ab ek zist ki surat samajhte hain
hamein malum hai achchhi tarah tab-e-jafa teri
magar is se siwa apni had-e-ulfat samajhte hain
gham-o-ghussa dikhana ek dalil-e-na-tawani hai
jo hans kar choT khati hai use taqat samajhte hain
ghulami aur aazadi bas itna jaante hain hum
na hum dozaKH samajhte hain na hum jannat samajhte hain
dikhana hai ki laDte hain jahan mein ba-wafa kyunkar
nikalti hai zaban se zaKHm kha kar marhaba kyunkar
(792) ووٹ وصول ہوئے
Related Anand Narayan Mulla Poetry
More Anand Narayan Mulla Poetry
بشر کو مشعل ایماں سے آگہی نہ ملی
Anand Narayan Mulla - آنند نرائن ملا
Bashar Ko Mashal-e-iman Se Aagahi Na Mili
زندگی گو کشتۂ آلام ہے
Anand Narayan Mulla - آنند نرائن ملا
Zindagi Go Kushta-e-alam Hai
سر محشر یہی پوچھوں گا خدا سے پہلے
Anand Narayan Mulla - آنند نرائن ملا
Sar-e-mahshar Yahi Puchhunga Khuda Se Pahle
گلے لگا کے کیا نذر شعلۂ آتش (ردیف .. ے)
Anand Narayan Mulla - آنند نرائن ملا
Gale Laga Ke Kiya Nazr-e-shoala-e-atish
نظر خموش ہوئی عرض نا تمام کے بعد
Anand Narayan Mulla - آنند نرائن ملا
Nazar Khamosh Hui Arz-e-na-tamam Ke Baad
ملاؔ بنا دیا ہے اسے بھی محاذ جنگ (ردیف .. ی)
Anand Narayan Mulla - آنند نرائن ملا
Mulla Bana Diya Hai Ise Bhi Mahaz-e-jang
رہروی ہے نہ رہنمائی ہے
Anand Narayan Mulla - آنند نرائن ملا
Rah-rawi Hai Na Rahnumai Hai
مہاتما گاندھی کا قتل
Anand Narayan Mulla - آنند نرائن ملا
Mahatma-gandhi Ka Qatl
You can read Muhibban-e-watan Ka Nara written by Anand Narayan Mulla at UrduPoint. Muhibban-e-watan Ka Nara is one of the masterpieces written by Anand Narayan Mulla. You can also find the complete poetry collection of Anand Narayan Mulla by clicking on the button 'Read Complete Poetry Collection of Anand Narayan Mulla' above.
Muhibban-e-watan Ka Nara is a widely read Urdu Nazam. If you like Muhibban-e-watan Ka Nara, you will also like to read other famous Urdu Nazam.
You can also read Love Poetry, If you want to read more poems. We hope you will like the vast collection of poetry at UrduPoint; remember to share it with others.