Kitna Mushkil Hai, Urdu Nazam By Atiiqullah
Kitna Mushkil Hai is a famous Urdu Nazam written by a famous poet, Atiiqullah. Kitna Mushkil Hai comes under the Love, Sad category of Urdu Nazam. You can read Kitna Mushkil Hai on this page of UrduPoint.
کتنا مشکل ہے
عتیق اللہ
میں سن رہا ہوں
میں سن رہا ہوں
تمہاری آنکھوں کا شور
تمہارے مساموں سے بوند بوند ٹپکتی ہوئی آوازیں
تمہاری چھاتیوں کی نیلی نیلی لکیروں کے درمیان
کنمناتے ہوئے بچوں کی سرگوشیاں
پلک جھپکتے ہی
شہر کا شہر ہجرت کر گیا
پڑاؤ ڈال دیے گئے وہاں
جہاں کوئی موسم نہیں ہوتا
درخت پرندوں سے خالی
بچوں کو نیند نہیں آتی
کچھ رونما نہیں ہوتا
چیزوں نے اپنے معمول بدل دیے ہیں
رسول آتے ہیں اور بے بیان چلے جاتے ہیں
خدا کی بستیاں کبھی اتنی ویران نہیں ہوئی تھیں
اب تم آؤ گے
تو دیکھو گے
وقت،
جہاں تہاں سے پھٹ گیا ہے
اسے اپنی راہ پر لانا
کتنا آسان ہے کتنا مشکل
ان ساعتوں پر کمندیں ڈالنا
جنہوں نے موقع پا کر اپنی رفتار پکڑ لی
دیکھتے ہی دیکھتے
دوسری آبادیوں کی طرف نکل گئیں
بجھی ہوئی راکھ کے ڈھیر میں
تسلیاں منہ بسورے ہوئے پڑی ہیں
املتاس کی سوکھی شاخوں پر
ٹنگے ہوئے ہیں صبر کے چیتھڑے
پرزوں میں بدل چکے ہیں
آرزوؤں کے بے پایاں تسلسل
ڈھا چکے ہیں
اندر ہی اندر شیر خار امیدوں کے ٹیلے
جنہیں دیکھ کر
تمہیں یاد آئے گا
رشتوں کے بھرم کتنے سفاک ہوتے ہیں
کتنے پر زور ہوتے ہیں واسطے
جو ٹوٹتے ہیں
تو ان میں سے ایک چیخ بھی بر آمد نہیں ہوتی
سارا جہان ہی ٹوٹ، بکھر جاتا ہے
گردش کرتے ہوئے خون میں
برف کی کیلیں گڑ جاتی ہیں
جیسے سارا جسم ہی آ گیا ہو
کسی سرکش آندھی کی زد میں
اور ایک ایک کر کے
ہڈیوں کے سارے جوڑ ہی کھلتے جا رہے ہوں
بکھرتے جا رہے ہوں سارے مسام
گرتے جا رہے ہوں
ہم ان چوہڑوں پر
جہاں صرف خوابوں کے بیج بوئے جاتے ہیں
اور فصل کے نام پر
حافظے کے عذاب نمو پاتے ہیں
جیسے ہم ایک عظیم ہجر کی پیداوار ہیں
عمریں دکھوں کے حساب سے طویل
دکھ دشمن کی بیدار نگاہوں سے زیادہ زندہ
اپنے کاندھوں پر
اپنی سانسوں کے خمیازے ہیں
اور میں
اپنی ہی نیندوں میں دوڑتے دوڑتے تھک گیا ہوں
عتیق اللہ
© UrduPoint.com
All Rights Reserved
Kitna Mushkil Hai
Atiiqullah
main sun raha hun
tumhaari aankhon ka shor
tumhaare masamon se bund bund Tapakti hui aawazen
tumhaari chhatiyon ki nili nili lakiron ke darmiyan
kunmunate hue bachchon ki sargoshiyan
palak jhapakte hi
shahr ka shahr hijrat kar gaya
paDaw Dal diye gae wahan
jahan koi mausam nahin hota
daraKHt parindon se KHali
bachchon ko nind nahin aati
kuchh runuma nahin hota
chizon ne apne mamul badal diye hain
rasul aate hain aur be-bayan chale jate hain
KHuda ki bastiyan kabhi itni viran nahin hui thin
ab tum aaoge
to dekhoge
waqt,
jahan tahan se phaT gaya hai
use apni rah par lana
kitna aasan hai kitna mushkil
un saaton par kamanden Dalna
jinhon ne mauqa pa kar apni raftar pakaD li
dekhte hi dekhte
dusri aabaadiyon ki taraf nikal gain
bujhi hui rakh ke Dher mein
tasalliyan munh bisore hue paDi hain
amaltas ki sukhi shaKHon par
Tange hue hain sabr ke chithDe
purzon mein badal chuke hain
aarzuon ke be-payan tasalsul
Dha chuke hain
andar hi andar shir-KHar ummidon ke Tile
jinhen dekh kar
tumhein yaad aaega
rishton ke bharam kitne saffak hote hain
kitne pur-zor hote hain waste
jo TuTte hain
to un mein se ek chiKH bhi baramad nahin hoti
sara jahan hi TuT, bikhar jata hai
gardish karte hue KHun mein
barf ki kilen gaD jati hain
jaise sara jism hi aa gaya ho
kisi sarkash aandhi ki zad mein
aur ek ek kar ke
haDDiyon ke sare joD hi khulte ja rahe hon
bikharte ja rahe hon sare masam
girte ja rahe hon
hum un chauhaDon par
jahan sirf KHwabon ke bij boe jate hain
aur fasl ke nam par
hafize ke azab numu pate hain
jaise hum ek azim hijr ki paidawar hain
umren dukhon ke hisab se tawil
dukh dushman ki bedar nigahon se ziyaada zinda
apne kandhon par
apni sanson ke KHamiyaze hain
aur main
apni hi nindon mein dauDte dauDte thak gaya hun
(766) ووٹ وصول ہوئے
Related Atiiqullah Poetry
More Atiiqullah Poetry
وہ میرے نالے کا شور ہی تھا شب سیہ کی نہایتوں میں
Atiiqullah - عتیق اللہ
Wo Mere Nale Ka Shor Hi Tha Shab-e-siyah Ki Nihayaton Mein
تو بھی تو ایک لفظ ہے اک دن مرے بیاں میں آ
Atiiqullah - عتیق اللہ
Tu Bhi To Ek Lafz Hai Ek Din Mere Bayan Mein Aa
پانی تھا مگر اپنے ہی دریا سے جدا تھا
Atiiqullah - عتیق اللہ
Pani Tha Magar Apne Hi Dariya Se Juda Tha
دے کر پچھلی یادوں کا انبار مجھے
Atiiqullah - عتیق اللہ
De Kar Pichhli Yaadon Ka Ambar Mujhe
وہ رات نیند کی دہلیز پر تمام ہوئی
Atiiqullah - عتیق اللہ
Wo Raat Nind Ki Dahliz Par Tamam Hui
قلب گہہ میں ذرا ذرا سا کچھ
Atiiqullah - عتیق اللہ
Qalb-gah Mein Zara Zara Sa Kuchh
ہم اتنی جلدی میں تھے
Atiiqullah - عتیق اللہ
Hum Itni Jaldi Mein The
کاکروچوں مکڑیوں کی فصل آ کر تو بھی دیکھ
Atiiqullah - عتیق اللہ
Kakrochon Makdiyon Ki Fasl Aa Kar Tu Bhi Dekh
You can read Kitna Mushkil Hai written by Atiiqullah at UrduPoint. Kitna Mushkil Hai is one of the masterpieces written by Atiiqullah. You can also find the complete poetry collection of Atiiqullah by clicking on the button 'Read Complete Poetry Collection of Atiiqullah' above.
Kitna Mushkil Hai is a widely read Urdu Nazam. If you like Kitna Mushkil Hai, you will also like to read other famous Urdu Nazam.
You can also read Love Poetry, If you want to read more poems. We hope you will like the vast collection of poetry at UrduPoint; remember to share it with others.