Tujhe KHud Se Alag Kaise Karun Main, Urdu Nazam By Chandra Shekhar Varma

Tujhe KHud Se Alag Kaise Karun Main is a famous Urdu Nazam written by a famous poet, Chandra Shekhar Varma. Tujhe KHud Se Alag Kaise Karun Main comes under the Love, Sad category of Urdu Nazam. You can read Tujhe KHud Se Alag Kaise Karun Main on this page of UrduPoint.

Urdu Poem English Poem

تجھے خود سے الگ کیسے کروں میں

چندر شیکھر ورما

تجھے خود سے الگ کیسے کروں میں

تجھے جب کھینچتا ہوں خود سے باہر

کھنچا آتا ہوں میں بھی ساتھ تیرے

عجب سا جسم میرا ہو گیا ہے

ہے جس میں پاؤں میرے ہاتھ تیرے

زباں اپنی اگر خاموش کر دوں

تری باتیں اشارے بولتے ہیں

جگر جاں دل نظر جس کو بھی دیکھو

ترا ہی نام سارے بولتے ہیں

ہوئی ہے جذب مجھ میں اس قدر تو

میں ہوں اخبار تو میری خبر تو

اب اپنے صفحوں میں تجھ کو پڑھوں میں

تجھے خود سے الگ کیسے کروں میں

رگوں میں اب میری تیرا لہو ہے

مری صورت بھی تجھ سی ہو بہ ہو ہے

بہت عرصے سے خود میں میں ہوں غائب

سراپا جسم میں اب تو ہی تو ہے

مکاں ہوں میں تو بام و در ہے میرا

تو خد و خال ہے پیکر ہے میرا

یہ تیرے عشق کا ہر سو اثر ہے

جمال و رنگ سب بہتر ہے میرا

وجود اکثر میں اپنا بھولتا ہوں

بھرم میں تیرے خود کو چومتا ہوں

تری وحشت میں ہی پاؤں سکوں میں

تجھے خود سے الگ کیسے کروں میں

ہے میری رات میں اب نیند تیری

ہم اک دوجے میں یوں کھوئے ہوئے ہیں

ہمارے خواب بھی اک دوسرے کے

بدن کو اوڑھ کر سوئے ہوئے ہیں

مرے تکیے میں تیری خوشبوئیں ہیں

مری چادر پہ تیری سلوٹیں ہیں

تو رہتی ہے مرے پہلو میں ہر دم

مرے بستر پہ تیری کروٹیں ہیں

ہو شامیں روز راتیں یا سحر ہو

کوئی بھی وقت ہو کوئی پہر ہو

تصور میں ترے ڈوبا رہوں میں

تجھے خود سے الگ کیسے کروں میں

یہ کہنے کو ہے میری داستاں پر

سبھی اوراق میں قصے ہیں تیرے

ہے نا ممکن انہیں گن پائے کوئی

میرے اندر کئی قصے ہیں تیرے

بدن ہوں میں میری انگڑائی ہے تو

میرے احساس کی رعنائی ہے تو

بدولت تیرے دنیا دیکھتا ہوں

نظر کا نور ہے بینائی ہے تو

منور ہو گیا بن رنگ روغن

میرا چہرہ تیرے جلوؤں سے روشن

تری رونق میں دنیا کو دکھوں میں

تجھے خود سے الگ کیسے کروں میں

میں شاعر تو مری رومانیت ہے

میں فرصت تو مری مصروفیت ہے

میری تقریر میں تیرے قصیدے

مری تحریر میں تیری صفت ہے

میری ہر بات ہے تعریف تیری

میرا ہر لفظ تیری کیفیت ہے

میں ساماں ہوں تو تو قیمت ہے میری

میں رتبہ ہوں تو میری حیثیت ہے

سمٹتی ہے وہاں ہر فکر میری

جہاں تو بول دے سب خیریت ہے

دعاؤں میں ترا ہی نام لوں میں

تجھے خود سے الگ کیسے کروں میں

کلائی میں تو چوڑی کا کھنکنا

غرض میں آئینہ تو ہے سنورنا

میں جیسے دشت میں ہوں راہ کوئی

تو اس پر اک مسافر کا گزرنا

میں جیسے تال دیتا ساز کوئی

تو رقاصہ کا اس لے پر تھرکنا

میں ہوں بے نور سی اک جھیل اور تو

ہے اس پر ماہ کامل کا اترنا

تو چہرہ خوب صورت میں ہوں پردہ

میرا مقصد تجھے محفوظ رکھنا

تیری زینت کا پہرے دار ہوں میں

تجھے خود سے الگ کیسے کروں میں

زباں اردو میں تو میری نفاست

اگر میں لکھنؤ تو ہے نزاکت

رعایا ہوں میں اس صوبے کا جس میں

ہمیشہ سے رہی تیری حکومت

اگر میں سر ہوں تو دستار تو ہے

میں وہ شمشیر جس کی دھار تو ہے

میں ہوں پوشاک تو ہے عطر میرا

میں ہوں روزہ تو پھر افطار تو ہے

مہینہ میں اگر رمضان کا تو

مبارک عید کا تیوہار تو ہے

نظیریں اور کتنی تیری دوں میں

تجھے خود سے الگ کیسے کروں میں

چندر شیکھر ورما

Previous More Love Poetry

Chandra Shekhar Varma

Tujhe KHud Se Alag Kaise Karun Main

Chandra Shekhar Varma

tujhe KHud se alag kaise karun mein
tujhe jab khinchta hun KHud se bahar
khincha aata hun main bhi sath tere
ajab sa jism mera ho gaya hai
hai jis mein panw mere hath tere
zaban apni agar KHamosh kar dun
teri baaten ishaare bolte hain
jigar jaan dil nazar jis ko bhi dekho
tera hi nam sare bolte hain
hui hai jazb mujh mein is qadar tu
main hun aKHbar to meri KHabar tu
ab apne safhon mein tujh ko paDhun main
tujhe KHud se alag kaise karun main

ragon mein ab meri tera lahu hai
meri surat bhi tujh si hu-ba-hu hai
bahut arse se KHud mein main hun ghaeb
sarapa jism mein ab tu hi tu hai
makan hun main tu baam-o-dar hai mera
tu KHadd-o-KHal hai paikar hai mera
ye tere ishq ka har su asar hai
jamal-o-rang sab behtar hai mera
wajud aksar main apna bhulta hun
bharam mein tere KHud ko chumta hun
teri wahshat mein hi panw sukun main
tujhe KHud se alag kaise karun main

hai meri raat mein ab nind teri
hum ek duje mein yun khoe hue hain
hamare KHwab bhi ek dusre ke
badan ko oDh kar soe hue hain
mere takiye mein teri KHushbuen hain
meri chadar pe teri silwaTen hain
tu rahti hai mere pahlu mein har dam
mere bistar pe teri karwaTen hain
ho shamen roz raaten ya sahar ho
koi bhi waqt ho koi pahar ho
tasawwur mein tere Duba rahun main
tujhe KHud se alag kaise karun main

ye kahne ko hai meri dastan par
sabhi auraq mein qisse hain tere
hai na-mumkin inhen gin pae koi
mere andar kai qisse hain tere
badan hun main meri angDai hai tu
mere ehsas ki ranai hai tu
badaulat tere duniya dekhta hun
nazar ka nur hai binai hai tu
munawwar ho gaya bin rang roghan
mera chehra tere jawon se raushan
teri raunaq mein duniya ko dikhun main
tujhe KHud se alag kaise karun main

main shair tu meri rumaniyat hai
main fursat tu meri masrufiyat hai
meri taqrir mein tere qaside
meri tahrir mein teri sifat hai
meri har baat hai tarif teri
mera har lafz teri kaifiyat hai
mein saman hun to tu qimat hai meri
main rutba hun to meri haisiyat hai
simaTti hai wahan har fikr meri
jahan tu bol de sab KHairiyat hai
duaon mein tera hi nam lun main
tujhe KHud se alag kaise karun main

kalai mein to chauDi ka khanakna
gharaz mein aaina to hai sanwarna
main jaise dasht mein hun rah koi
to is par ek musafir ka guzarna
main jaise tal deta saz koi
to raqqasa ka is lai par thirakna
main hun be-nur si ek jhil aur tu
hai is par mah-e-kaamil ka utarna
tu chehra KHubsurat main hun parda
mera maqsad tujhe mahfuz rakhna
teri zinat ka pahre-dar hun main
tujhe KHud se alag kaise karun main

zaban urdu mein tu meri nafasat
agar main lucknow tu hai nazakat
reaya hun main is sube ka jis mein
hamesha se rahi teri hukumat
agar main sar hun to dastar tu hai
main wo shamshir jis ki dhaar tu hai
main hun poshak tu hai itr mera
main hun roza to phir iftar tu hai
mahina main agar ramzan ka to
mubarak eid ka tyauhaar tu hai
naziren aur kitni teri dun main
tujhe KHud se alag kaise karun main

Facebook Twitter Reddit Pinterest Whatsapp

(933) ووٹ وصول ہوئے

You can read Tujhe KHud Se Alag Kaise Karun Main written by Chandra Shekhar Varma at UrduPoint. Tujhe KHud Se Alag Kaise Karun Main is one of the masterpieces written by Chandra Shekhar Varma. You can also find the complete poetry collection of Chandra Shekhar Varma by clicking on the button 'Read Complete Poetry Collection of Chandra Shekhar Varma' above.

Tujhe KHud Se Alag Kaise Karun Main is a widely read Urdu Nazam. If you like Tujhe KHud Se Alag Kaise Karun Main, you will also like to read other famous Urdu Nazam.

You can also read Love Poetry, If you want to read more poems. We hope you will like the vast collection of poetry at UrduPoint; remember to share it with others.