تم ہو شریک غم تو مجھے کوئی غم نہیں
دنیا بھی مرے واسطے جنت سے کم نہیں
چاہا ہے تجھ کو تجھ پہ لٹائی ہے زندگی
تیرے علاوہ کچھ مرا دین و دھرم نہیں
وہ بد نصیب راحت ہستی نہ پا سکا
جس پہ مرے حبیب کی چشم کرم نہیں
میں بندۂ صنم سہی کافر سہی مگر
پائے مرا مقام کسی میں یہ دم نہیں
اس راستے میں سر کو جھکانا حرام ہے
جس راستے میں آپ کا نقش قدم نہیں
اے آنے والے اپنی جبیں کو جھکا کر آ
یہ آستان یار ہے کوئے حرم نہیں
اہل جنوں کا اس لئے مشرب جدا رہا
واقف نیاز عشق سے شیخ حرم نہیں
منکر رہ وفا میں فناؔ کس طرح سے ہو
میرا جہاں میں کوئی وجود و عدم نہیں
فنا بلند شہری
© UrduPoint.com
All Rights Reserved
Anwar Masood 
Shakeeb Jalali 
Abdul Hameed Adam 
Ahmed Faraz 
Ghulam Hamdani Mushafi 
Mir Taqi Mir 
Sarwat Hussain 
Habib Jalib 
Saeed Warsi 
Kiswar Kolari 
Abrar Hamid 
Navin Joshi 
Shifa Kajgavnwi