Almiya Haadsa Saneha, Urdu Nazam By Fozia Bashir Alvi

لگتا ہے اداروں میں کچھ بگڑے بچے بیٹھے ہیں

انا، ضد، ہٹ دھرمی، خواہش، چپقلش

شدت، عجلت، غفلت، ہزیمت، کوہ تا اندیشی

سب داماں سمیٹے بیٹھے ہیں

لگتا ہے ناخلف، بے رحم، بے سمت، بے وقعت

بے توقیر، بے ضمیر، کاذب، خائن، بدعنوان، رہزن نما

سیاستدانوں نے اک ایسی پود جنم دی ہے

چند گھڑی کی مسند و کرسی، عہدہ و سوراج کے لیے

کھلن کو پل پل دیس ہی مانگتے رہتے ہیں

دیس کو غلام و رہن کرنے و رکھنے کی

ہر ممکن سعی میں مگن رہتے ہیں

تاریکیوں، ظلمتوں، غفلتوں کے سوداگر

کرن، اجالا، لو کے قاتل

آگ، بارود، گولی اور ڈنڈا

فہم، عقل، نہ سوچ کے بادل

لہو کے پیاسے، علم سے غافل

جاہل، کاہل، نا اہل

نظریہ نہ اصول نہ دھرتی سے لگن کا اصیل اصل

سب گوارا سب قبول، ستم و جہل کا اشارہ

نہ ساحل، نہ کنارا، نہ سنبھالا و بھپارا

سب بجا، سب بے جا، سب عیاں ہے یہاں

بس اک، سچا حرف، اب گراں ہے یہاں