Dilli Mein Hain, Urdu Nazam By Izhaar Malihabadi

Dilli Mein Hain is a famous Urdu Nazam written by a famous poet, Izhaar Malihabadi. Dilli Mein Hain comes under the Love, Sad category of Urdu Nazam. You can read Dilli Mein Hain on this page of UrduPoint.

Urdu Poem English Poem

دلی میں ہیں

اظہار ملیح آبادی

آہ کیا کیا آج کل رنگینیاں دہلی میں ہیں

راستوں پر چلتی پھرتی بجلیاں دہلی میں ہیں

خلد کی حوریں بھی شرماتی ہیں جن کے حسن سے

آج کل ان مہ وشوں کے کارواں دہلی میں ہیں

ہلکے پھلکے آنچلوں میں نوجوانی کا ابھار

رقص کرتے گنگناتے گلستاں دہلی میں ہیں

آدمی کیا ہیں فرشتے بھی جنہیں سجدہ کریں

ان دنوں رقصندہ وہ سرو رواں دہلی میں ہیں

مے کشوں کو نشہ ہو جاتا ہے بے جام و سبو

حسن کی وہ دل فریب انگڑائیاں دہلی میں ہیں

کوئی گل ہے کوئی غنچہ ہے گلستاں ہے کوئی

ہر طرف گلباریاں گل کاریاں دہلی میں ہیں

کوئی مے خانہ کوئی ساقی کوئی جام شراب

ہر طرف بد مستیاں بے ہوشیاں دہلی میں ہیں

در حقیقت آج کل یہ شہر ہے اندر پرستھ

وہ حسیں حوریں وہ سندر دیویاں دہلی میں ہیں

نغمہ آرا وادیوں میں ہیں نجوم و مہر و ماہ

حسن کی چھائی ہوئی برنائیاں دہلی میں ہیں

اور انہیں برنائیوں کے ساتھ اے ہم راز جاں

کس قدر سہمی ہوئی سی تلخیاں دہلی میں ہیں

اور انہیں نغموں کے ساتھ اے مطرب افسوں نگار

کس قدر ساکت لبوں پر ہچکیاں دہلی میں ہیں

آج کل دہلی میں کیا کیا ہے نہ پوچھ اے ہم نفس

چوریاں ہیں رشوتیں ہیں پگڑیاں دہلی میں ہیں

جو بہ ظاہر بت شکن ہیں اور بہ باطن بت تراش

خوبیٔ تقدیر سے وہ مہرباں دہلی میں ہیں

ایک دوشیزہ کی قیمت ایک روٹی ہو گئی

کس قدر اے دوست عنقا روٹیاں دہلی میں ہیں

کوئی کر سکتا نہیں فرقہ پرستوں کی شناخت

ایک دو کیا ٹولیوں کی ٹولیاں دہلی میں ہیں

بوجھ سے جن کے پہاڑوں کے لرز اٹھتے ہیں دل

زندگی کے وہ بھیانک امتحاں دہلی میں ہیں

جیل کے تاریک کمروں میں جو رہتے تھے کبھی

آج بھی وہ کامیاب و کامراں دہلی میں ہیں

کوئی سنتا ہی نہیں اہل محبت کی پکار

ہر طرف کچھ اجنبی سی بولیاں دہلی میں ہیں

خون رو ہاں خون روتا حشر اس ادبار پر

وہ پرانے طور اے دل اب کہاں دہلی میں ہیں

اظہار ملیح آبادی

Previous More Love Poetry Next

Izhaar Malihabadi

Dilli Mein Hain

Izhaar Malihabadi

aah kya kya aaj-kal ranginiyan dehli mein hain
raston par chalti-phirti bijliyan dehli mein hain

KHuld ki huren bhi sharmati hain jin ke husn se
aaj-kal un mah-washon ke karwan dehli mein hain

halke-phulke aanchalon mein naujawani ka ubhaar
raqs karte gungunate gulistan dehli mein hain

aadmi kya hain farishte bhi jinhen sajda karen
in dinon raqsinda wo sarw-e-rawan dehli mein hain

mai-kashon ko nashsha ho jata hai be-jam-o-subu
husn ki wo dil-fareb angDaiyan dehli mein hain

koi gul hai koi ghuncha hai gulistan hai koi
har taraf gul-bariyan gul-kariyan dehli mein hain

koi mai-KHana koi saqi koi jam-e-sharab
har taraf bad-mastiyan be-hoshiyan dehli mein hain

dar-haqiqat aaj-kal ye shahr hai indar-prasth
wo hasin huren wo sundar dewiyan dehli mein hain

naghma-ara wadiyon mein hain nujum-o-mehr-o-mah
husn ki chhai hui barnaiyan dehli mein hain

aur inhin barnaiyon ke sath ai ham-raaz-e-jaan
kis qadar sahmi hui si talKHiyan dehli mein hain

aur inhin naghmon ke sath ai mutrib-e-afsun-nigar
kis qadar sakit labon par hichkiyan dehli mein hain

aaj-kal dehli mein kya kya hai na puchh ai ham-nafas
choriyan hain rishwaten hain pagDiyan dehli mein hain

jo ba-zahir but-shikan hain aur ba-baatin but-tarash
KHubi-e-taqdir se wo mehrban dehli mein hain

ek doshiza ki qimat ek roTi ho gai
kis qadar ai dost anqa roTiyan dehli mein hain

koi kar sakta nahin firqa-paraston ki shanaKHt
ek do kya Toliyon ki Toliyan dehli mein hain

bojh se jin ke pahaDon ke laraz uThte hain dil
zindagi ke wo bhayanak imtihan dehli mein hain

jail ke tarik kamron mein jo rahte the kabhi
aaj bhi wo kaamiyab-o-kaamran dehli mein hain

koi sunta hi nahin ahl-e-mohabbat ki pukar
har taraf kuchh ajnabi si boliyan dehli mein hain

KHun ro han KHun rota hashr is adbar par
wo purane taur ai dil ab kahan dehli mein hain

Facebook Twitter Reddit Pinterest Whatsapp

(462) ووٹ وصول ہوئے

You can read Dilli Mein Hain written by Izhaar Malihabadi at UrduPoint. Dilli Mein Hain is one of the masterpieces written by Izhaar Malihabadi. You can also find the complete poetry collection of Izhaar Malihabadi by clicking on the button 'Read Complete Poetry Collection of Izhaar Malihabadi' above.

Dilli Mein Hain is a widely read Urdu Nazam. If you like Dilli Mein Hain, you will also like to read other famous Urdu Nazam.

You can also read Love Poetry, If you want to read more poems. We hope you will like the vast collection of poetry at UrduPoint; remember to share it with others.