Kabe Se Mujhko Lae Sawad-e-kunisht Mein, Urdu Ghazal By Muneer Shikohabadi
Kabe Se Mujhko Lae Sawad-e-kunisht Mein is a famous Urdu Ghazal written by a famous poet, Muneer Shikohabadi. Kabe Se Mujhko Lae Sawad-e-kunisht Mein comes under the Love, Sufi category of Urdu Ghazal. You can read Kabe Se Mujhko Lae Sawad-e-kunisht Mein on this page of UrduPoint.
کعبہ سے مجھ کو لائے سواد کنشت میں
منیرؔ شکوہ آبادی
کعبہ سے مجھ کو لائے سواد کنشت میں
اصلاح دی بتوں نے خط سر نوشت میں
پھرتے ہیں کوچۂ بت قدسی سرشت میں
دیوانے لاتیں مار رہے بہشت میں
کفارۂ شراب میں دیتا ہوں نقد ہوش
سرگرم ہوں تلافیٔ اعمال زشت میں
اکثر جزائے سجدہ میں کھانی ہیں ٹھوکریں
لکھا ہے کیا خط کف پا سر نوشت میں
حوروں سے گرمیاں جو کہوں اس شریر کی
لگ جائے آگ آتش گل سے بہشت میں
سنتی ہے روز نغمۂ زنجیر عاشقاں
وہ زلف بھی ہے سلسلۂ اہل چشت میں
زنداں سے آنکھیں سینکنے اس گل کے گھر گئے
دوزخ سے آگ لینے چلے ہم بہشت میں
بیگانے اک ہمیں نظر آئے پس فنا
بے دردوں کا ہجوم ہے باغ بہشت میں
بت خانے میں سفیدیٔ حسن فرنگ ہے
گرجے کی روشنی ہے سواد کنشت میں
جل جل کے خاک ہوتے ہیں بے اشک و آہ ہم
آب و ہوا نہیں ہے ہماری سرشت میں
گرمی میں تیرے کوچہ نشینوں کے واسطے
پنکھے ہیں قدسیوں کے پروں کے بہشت میں
سونا کساؤں اشرفی داغ سجدہ کا
سنگ محک لگاؤں بنائے کنشت میں
بجلی چمک گئی جو ہنسی میں پھڑک گئے
شوخی بھری ہوئی ہے تمہاری سرشت میں
تصویریں تیری دست حنائی کی لے گئے
چھاپے لہو کے ہم نے لگائے بہشت میں
کرتی ہیں خون چرخ بتوں کی تعلیاں
رنگ شفق لگاتی ہے سقف کنشت میں
ابر بہار جوہر شمشیر یار تھے
گلہائے زخم کھل گئے اردی بہشت میں
تقدیر میں ہے تیری دہان و کمر کا عشق
سر نہاں لکھا ہے مری سر نوشت میں
دی جان ایک حور کے بوسے کی چاٹ پر
قسمت نے مجھ کو زہر دیا ہے بہشت میں
چوروں سے گفتگوئے خط سبز یار ہے
طوطی کسی کا بول رہا ہے بہشت میں
ادنیٰ غلام شاہ ولایت ہوئے منیرؔ
دشت نجف کی خاک ہے میری سرشت میں
منیرؔ شکوہ آبادی
© UrduPoint.com
All Rights Reserved
Kabe Se Mujhko Lae Sawad-e-kunisht Mein
Muneer Shikohabadi
islah di buton ne KHat-e-sar-nawisht mein
phirte hain kucha-e-but-e-qudsi-sarisht mein
diwane laten mar rahe bahisht mein
kaffara-e-sharab main deta hun naqd-e-hosh
sargarm hun talafi-e-amal-e-zisht mein
aksar jaza-e-sajda mein khani hain Thokaren
likkha hai kya KHat-e-kaf-e-pa sarnawisht mein
huron se garmiyan jo kahun us sharir ki
lag jae aag aatish-e-gul se bahisht mein
sunti hai roz naghma-e-zanjir-e-ashiqan
wo zulf bhi hai silsila-e-ahl-e-chisht mein
zindan se aankhen senkne us gul ke ghar gae
dozaKH se aag lene chale hum bahisht mein
begane ek hamin nazar aae pas-e-fana
bedardon ka hujum hai bagh-e-bahisht mein
but-KHane mein safedi-e-husn-e-farang hai
girje ki raushni hai sawad-e-kunisht mein
jal jal ke KHak hote hain be-ashk-o-ah hum
aab-o-hawa nahin hai hamari sarisht mein
garmi mein tere kucha-nashinon ke waste
pankhe hain qudsiyon ke paron ke bahisht mein
sona kasaun ashrafi-e-dagh-e-sajda ka
sang-e-mahak lagaun bina-e-kunisht mein
bijli chamak gai jo hansi mein phaDak gae
shoKHi bhari hui hai tumhaari sarisht mein
taswiren teri dast-e-hinai ki le gae
chhape lahu ke hum ne lagae bahisht mein
karti hain KHun charKH buton ki talliyan
rang-e-shafaq lagati hai saqf-e-kunisht mein
abr-e-bahaar jauhar-e-shamshir-e-yar the
gulha-e-zaKHm khil gae urdi-bahisht mein
taqdir mein hai teri dahan-o-kamar ka ishq
sirr-e-nihan likha hai meri sarnawisht mein
di jaan ek hur ke bose ki chaT par
qismat ne mujh ko zahr diya hai bahisht mein
choron se guftugu-e-KHat-e-sabz-e-yar hai
tuti kisi ka bol raha hai bahisht mein
adna ghulam-e-shah-e-wilayat hue 'munir'
dasht-e-najaf ki KHak hai meri sarisht mein
(357) ووٹ وصول ہوئے
Related Muneer Shikohabadi Poetry
More Muneer Shikohabadi Poetry
شرم کب تک اے پری لا ہاتھ کر اقرار وصل (ردیف .. ڑ)
Muneer Shikohabadi - منیرؔ شکوہ آبادی
Sharm Kab Tak Ai Pari La Hath Kar Iqrar-e-wasl
بگڑی ہوئی ہے ساری حسینوں کی بناوٹ (ردیف .. ا)
Muneer Shikohabadi - منیرؔ شکوہ آبادی
Bigdi Hui Hai Sari Hasinon Ki Banawat
اشعار میرے سن کے وہ خاموش ہو گیا
Muneer Shikohabadi - منیرؔ شکوہ آبادی
Ashaar Mere Sun Ke Wo Khamosh Ho Gaya
استاد کے احسان کا کر شکر منیرؔ آج (ردیف .. ت)
Muneer Shikohabadi - منیرؔ شکوہ آبادی
Ustad Ke Ehsan Ka Kar Shukr Munir Aaj
خوبان فسوں گر سے ہم الجھا نہیں کرتے
Muneer Shikohabadi - منیرؔ شکوہ آبادی
Khuban-e-fusun-gar Se Hum Uljha Nahin Karte
تیرے ہاتھوں سے مٹے گا نقش ہستی ایک دن
Muneer Shikohabadi - منیرؔ شکوہ آبادی
Tere Hathon Se Mitega Naqsh-e-hasti Ek Din
آنکھیں خدا نے بخشی ہیں رونے کے واسطے
Muneer Shikohabadi - منیرؔ شکوہ آبادی
Aankhen Khuda Ne Bakhshi Hain Rone Ke Waste
خاکساروں میں نہیں ایسی کسی کی توقیر (ردیف .. ا)
Muneer Shikohabadi - منیرؔ شکوہ آبادی
Khaksaron Mein Nahin Aisi Kisi Ki Tauqir
You can read Kabe Se Mujhko Lae Sawad-e-kunisht Mein written by Muneer Shikohabadi at UrduPoint. Kabe Se Mujhko Lae Sawad-e-kunisht Mein is one of the masterpieces written by Muneer Shikohabadi. You can also find the complete poetry collection of Muneer Shikohabadi by clicking on the button 'Read Complete Poetry Collection of Muneer Shikohabadi' above.
Kabe Se Mujhko Lae Sawad-e-kunisht Mein is a widely read Urdu Ghazal. If you like Kabe Se Mujhko Lae Sawad-e-kunisht Mein, you will also like to read other famous Urdu Ghazal.
You can also read Love Poetry, If you want to read more poems. We hope you will like the vast collection of poetry at UrduPoint; remember to share it with others.