Maqam-e-aKHir-e-shab, Urdu Nazam By Riyaz Anwar
Maqam-e-aKHir-e-shab is a famous Urdu Nazam written by a famous poet, Riyaz Anwar. Maqam-e-aKHir-e-shab comes under the Love, Sad category of Urdu Nazam. You can read Maqam-e-aKHir-e-shab on this page of UrduPoint.
مقام آخر شب
ریاض انور
تجھے ہے شکوہ کہ شہر نگار چھوڑ کے میں
نشاط شام طرب کی بہار چھوڑ کے میں
نہ جانے کون سی بستی میں جا بسا ہوں آج
نئی حیات کے بے رنگ دائروں کی قسم
نہ کوئی دوست نہ کوئی رفیق منزل غم
حیات و موت کے دو راہے پر کھڑا ہوں آج
مری حیات ہے خود ایک بے کراں صحرا
نہ جس میں سایۂ گل ہے نہ جس میں رقص صبا
نہ تیرے جسم کی خوشبو نہ پیرہن کی دمک
نہ چوڑیوں کے چھناکے نہ قہقہوں کی کھنک
نہ آنچلوں کی بہاریں نہ عارضوں کے شرار
نہ تیرے سینۂ نورس کے زیر و بم کا خمار
نہ ذکر سرخیٔ لب اور نہ تیری چشم کی بات
تری جبیں کا اجالا نہ تیری زلف کی رات
قدم قدم پہ بگولے روش روش پہ ببول
نظر نظر سے الجھتے ہوئے یہ ویرانے
ہزار صدیوں کی افسردگی سمیٹے ہوئے
ہر ایک ذرے میں پنہاں ہیں لاکھ افسانے
نہ جانے کتنی پر ارمان دلہنوں کے خواب
لہو میں رولے گئے خاک میں ملائے گئے
نہ جانے عظمت آدم کے کس قدر مہتاب
قفس کی ظلمت شب تاب میں چھپائے گئے
نہ جانے کتنے شہوں نے بہ نام لطف و کرم
مہکتی کلیوں سے اپنے حرم سجائے ہیں
نہ جانے کتنے شہوں نے بہ فیض جبر و ستم
گداز جسم جواں لب یہاں چرائے ہیں
نہ جانے کتنی نگاہوں سے نور چھینا گیا
دیار درد کے محلوں کی روشنی کے لیے
نہ جانے کتنے دلوں سے لہو نچوڑا گیا
نئے خداؤں کے چہروں کی تازگی کے لیے
نہ جانے کتنے گھروں کے دیے بجھائے گئے
شبوں کے راج دلاروں کی زندگی کے لیے
دیار سبزۂ و نغمہ سے دور صحرا میں
میں چن رہا ہوں وہ انمول آنسوؤں کے پھول
جنہیں بہار نے ٹھکرا دیا حقارت سے
جنہیں خزاؤں کا دامن بھی کر سکا نہ قبول
ٹپک کے آنکھ سے جو کھو گئے اندھیروں میں
ان آنسوؤں سے جلائیں گے زندگی کے چراغ
ابل پڑیں گی جبینوں سے نور کی کرنیں
سلگ اٹھیں گی امنگیں دہک اٹھیں گے دماغ
نئی حیات کے بے رنگ دائروں کی قسم
اٹھا کے صبح تمنا کے زرفشاں پرچم
مقام آخر شب سے گزر رہے ہیں آج
ریاض انور
© UrduPoint.com
All Rights Reserved
Maqam-e-aKHir-e-shab
Riyaz Anwar
nashat-e-sham-e-tarab ki bahaar chhoD ke main
na jaane kaun si basti mein ja basa hun aaj
nai hayat ke be-rang daeron ki qasam
na koi dost na koi rafiq-e-manzil-e-gham
hayat-o-maut ke do-rahe par khaDa hun aaj
meri hayat hai KHud ek be-karan sahra
na jis mein saya-e-gul hai na jis mein raqs-e-saba
na tere jism ki KHushbu na pairahan ki damak
na chuDiyon ke chhanake na qahqahon ki khanak
na aanchalon ki bahaaren na aarizon ke sharar
na tere sina-e-nauras ke zer-o-bam ka KHumar
na zikr-e-surKHi-e-lab aur na teri chashm ki baat
teri jabin ka ujala na teri zulf ki raat
qadam qadam pe bagule rawish rawish pe babul
nazar nazar se ulajhte hue ye virane
hazar sadiyon ki afsurdagi sameTe hue
har ek zarre mein pinhan hain lakh afsane
na jaane kitni pur-arman dulhanon ke KHwab
lahu mein role gae KHak mein milae gae
na jaane azmat-e-adam ke kis qadar mahtab
qafas ki zulmat-e-shab-tab mein chhupae gae
na jaane kitne shahon ne ba-nam-e-lutf-o-karam
mahakti kaliyon se apne haram sajae hain
na jaane kitne shahon ne ba-faiz-e-jabr-o-sitam
gudaz-jism jawan-e-lab yahan churae hain
na jaane kitni nigahon se nur chhina gaya
dayar-e-dard ke mahlon ki raushni ke liye
na jaane kitne dilon se lahu nichoDa gaya
nae KHudaon ke chehron ki tazgi ke liye
na jaane kitne gharon ke diye bujhae gae
shabon ke raj-dularon ki zindagi ke liye
dayar-e-sabza-o-naghma se dur sahra mein
main chun raha hun wo anmol aansuon ke phul
jinhen bahaar ne Thukra diya hiqarat se
jinhen KHizaon ka daman bhi kar saka na qubul
Tapak ke aankh se jo kho gae andheron mein
in aansuon se jalaenge zindagi ke charagh
ubal paDengi jabinon se nur ki kirnen
sulag uThengi umangen dahak uThenge dimagh
nai hayat ke be-rang daeron ki qasam
uTha ke subh-e-tamanna ke zarfishan-parcham
maqam-e-aKHir-e-shab se guzar rahe hain aaj
(597) ووٹ وصول ہوئے
Related Riyaz Anwar Poetry
More Riyaz Anwar Poetry
زیر لب آپ گنگنائے ہیں
Riyaz Anwar - ریاض انور
Zer-e-lab Aap Gungunae Hain
مقام آخر شب
Riyaz Anwar - ریاض انور
Maqam-e-akhir-e-shab
ہے عام ویسے تو کہلائے جو نقاب یہاں
Riyaz Anwar - ریاض انور
Hai Aam Waise To Kahlae Jo Naqab Yahan
میرے ساتھی ترے اور مرے درمیان
Riyaz Anwar - ریاض انور
Mere Sathi Tere Aur Mere Darmiyan
خدا کی حمد کے وحدت کے نغمے رقص کرتے ہیں
Riyaz Anwar - ریاض انور
Khuda Ki Hamd Ke Wahdat Ke Naghme Raqs Karte Hain
جب بھی آپ مجھے یاد آئے
Riyaz Anwar - ریاض انور
Jab Bhi Aap Mujhe Yaad Aae
جب چلی سرد ہوا
Riyaz Anwar - ریاض انور
Jab Chali Sard Hawa
میراث
Riyaz Anwar - ریاض انور
Miras
You can read Maqam-e-aKHir-e-shab written by Riyaz Anwar at UrduPoint. Maqam-e-aKHir-e-shab is one of the masterpieces written by Riyaz Anwar. You can also find the complete poetry collection of Riyaz Anwar by clicking on the button 'Read Complete Poetry Collection of Riyaz Anwar' above.
Maqam-e-aKHir-e-shab is a widely read Urdu Nazam. If you like Maqam-e-aKHir-e-shab, you will also like to read other famous Urdu Nazam.
You can also read Love Poetry, If you want to read more poems. We hope you will like the vast collection of poetry at UrduPoint; remember to share it with others.