Surod-e-zindagi, Urdu Nazam By Sabir Abuhari
Surod-e-zindagi is a famous Urdu Nazam written by a famous poet, Sabir Abuhari. Surod-e-zindagi comes under the Sad, Social category of Urdu Nazam. You can read Surod-e-zindagi on this page of UrduPoint.
سرود زندگی
صابر ابو ہری
اے دل غمگیں نہ کہہ یہ زندگی اک خواب ہے
زندگی ہے اک حقیقت گوہر نایاب ہے
زندگی اک ولولہ ہے زندگی اک جوش ہے
دامن طوفاں میں اک ہنگامۂ خاموش ہے
گو بظاہر زندگی اک نغمۂ بے ساز ہے
گوش حاضر کے لئے یہ غیب کی آواز ہے
زندگی دشت و بیاباں بے خبر کے واسطے
رشک صد باغ ارم اہل نظر کے واسطے
زندگی عیش و طرب میں خوش کبھی رہتی نہیں
یہ کلی کھلتی نہیں جب تک الم سہتی نہیں
گور اس کی منزل مقصود اے غافل نہیں
بحر بے پایاں ہے یہ اس کا کوئی ساحل نہیں
ہو اثر انداز اس پر موت میں یہ دم نہیں
زندگی مٹ جائے تو بھی باعث ماتم نہیں
سلسلہ ہے ارتقا کا زندگی انسان کی
تازہ دم ہوتی ہے جام مرگ پی کر زندگی
زندگی ہے نفس کو زیر نگیں لانے کا نام
زندگی ہے موت کی حد سے گزر جانے کا نام
عہد ماضی لاکھ روشن ہو مگر بے سود ہے
صبح فردا کی ضیاؤں پر نظر بے سود ہے
حال کے لمحے ہیں زریں ان کا دامن تھام لے
مستعد ہو کر عمل کر جذب دل سے کام لے
خوگر تقلید ہو تو زندگی بے کار ہے
دوسروں کی پیروی اک روگ ہے آزار ہے
کشتیٔ نوع بشر کا ناخدا بن کر دکھا
خضر بھی سجدہ کرے وہ رہنما بن کر دکھا
زندگی تیری مثال مرد میداں ہو عظیم
طور ہو یہ جسم خاکی روح مانند کلیم
رہ گزر تیری بسان کہکشاں تاباں رہے
تیری ہستی پر زمانہ تا ابد نازاں رہے
صابر ابو ہری
© UrduPoint.com
All Rights Reserved
Surod-e-zindagi
Sabir Abuhari
zindagi hai ek haqiqat gauhar-e-nayab hai
zindagi ek walwala hai zindagi ek josh hai
daman-e-tufan mein ek hangama-e-KHamosh hai
go ba-zahir zindagi ek naghma-e-be-saz hai
gosh-e-hazir ke liye ye ghaib ki aawaz hai
zindagi dasht-o-bayaban be-KHabar ke waste
rashk-e-sad-bagh-e-iram ahl-e-nazar ke waste
zindagi aish-o-tarab mein KHush kabhi rahti nahin
ye kali khilti nahin jab tak alam sahti nahin
gor is ki manzil-e-maqsud ai ghafil nahin
bahr-e-be-payan hai ye is ka koi sahil nahin
ho asar-andaz is par maut mein ye dam nahin
zindagi miT jae to bhi bais-e-matam nahin
silsila hai irtiqa ka zindagi insan ki
taza-dam hoti hai jam-e-marg pi kar zindagi
zindagi hai nafs ko zer-e-nagin lane ka nam
zindagi hai maut ki had se guzar jaane ka nam
ahd-e-mazi lakh raushan ho magar be-sud hai
subh-e-farda ki ziyaon par nazar be-sud hai
haal ke lamhe hain zarrin un ka daman tham le
mustaid ho kar amal kar jazb-e-dil se kaam le
KHugar-e-taqlid ho to zindagi bekar hai
dusron ki pairwi ek rog hai aazar hai
kashti-e-nau-e-bashar ka naKHuda ban kar dikha
KHizr bhi sajda kare wo rahnuma ban kar dikha
zindagi teri misal-e-mard-e-maidan ho azim
tur ho ye jism-e-KHaki ruh manind-e-kalim
rahguzar teri basan-e-kahkashan taban rahe
teri hasti par zamana ta-abad nazan rahe
(489) ووٹ وصول ہوئے
Related Sabir Abuhari Poetry
More Sabir Abuhari Poetry
محبت پھول بھی ہے خار بھی ہے
Sabir Abuhari - صابر ابو ہری
Mohabbat Phul Bhi Hai Khaar Bhi Hai
تمہیں پھیر لو گے جو ہم سے نگاہیں
Sabir Abuhari - صابر ابو ہری
Tumhin Pher Loge Jo Humse Nigahen
اعجاز رحمت
Sabir Abuhari - صابر ابو ہری
Eajaz-e-rahmat
دنیا میں نام کو بھی محبت نہیں رہی
Sabir Abuhari - صابر ابو ہری
Duniya Mein Nam Ko Bhi Mohabbat Nahin Rahi
جو بشر طوفاں سے ٹکراتا نہیں
Sabir Abuhari - صابر ابو ہری
Jo Bashar Tufan Se Takraata Nahin
مے بھی ہے ساغر بھی ہے ساقی بھی پیمانہ بھی ہے
Sabir Abuhari - صابر ابو ہری
Mai Bhi Hai Saghar Bhi Hai Saqi Bhi Paimana Bhi Hai
حقیقت بن گئی خود ہی حجاب آہستہ آہستہ
Sabir Abuhari - صابر ابو ہری
Haqiqat Ban Gai Khud Hi Hijab Aahista Aahista
وہی ساغر وہی صہبا وہی مے خوار ہیں ساقی
Sabir Abuhari - صابر ابو ہری
Wahi Saghar Wahi Sahba Wahi Mai-khwar Hain Saqi
You can read Surod-e-zindagi written by Sabir Abuhari at UrduPoint. Surod-e-zindagi is one of the masterpieces written by Sabir Abuhari. You can also find the complete poetry collection of Sabir Abuhari by clicking on the button 'Read Complete Poetry Collection of Sabir Abuhari' above.
Surod-e-zindagi is a widely read Urdu Nazam. If you like Surod-e-zindagi, you will also like to read other famous Urdu Nazam.
You can also read Sad Poetry, If you want to read more poems. We hope you will like the vast collection of poetry at UrduPoint; remember to share it with others.