Tarana-e-qaumi, Urdu Nazam By Safeer Kakorvi
Tarana-e-qaumi is a famous Urdu Nazam written by a famous poet, Safeer Kakorvi. Tarana-e-qaumi comes under the Social category of Urdu Nazam. You can read Tarana-e-qaumi on this page of UrduPoint.
ترانۂ قومی
سفیر کاکوروی
مرحبا اے خاک پاک کشور ہندوستاں
یادگار عہد ماضی ہے تو اے جان جہاں
کیسے کیسے اولیا گزرے اور قطب زماں
جن کے قدموں نے بنایا ہے تجھے جنت نشاں
روشنی سے تیرے پھیلا ہے اجالا ہر طرف
تیرا دنیا میں رہا ہے بول بالا ہر طرف
کیوں نہ کہیے تجھ کو اک سرچشمۂ آب بقا
ہیں یہ آثار قدیمہ تیرے گنج بے بہا
روز و شب نیرنگیاں تیری ہیں کیا کیا جاں فزا
کس قدر ہے روح پرور یہ تری آب و ہوا
گردش ایام سے گو میں پھروں نزدیک و دور
ہر جگہ یاد وطن ہے مایۂ عیش و سرور
اب تو لازم ہے کہ ہوں بیدار ابنائے وطن
ہو دلوں میں جذبۂ ملت پرستی جوش زن
غلغلہ تیری ستائش کا ہو تا چرخ کہن
اور تیرے جاں نثاروں کے ہو لب پر یہ سخن
مٹ نہیں سکتے کبھی تیرے اصول اتفاق
کیوں نہ ہو اے ہند تجھ کو دور نو کا اشتیاق
جبکہ جاری ہو زبانوں پر یہ کلمہ صبح و شام
نغمہ ہائے ساز سے بڑھ کر ہے جو معجز نظام
یعنی صلح و آشتی کا دیں ہم آپس میں پیام
مشکلیں آسان ہوں بگڑے ہوئے بن جائیں کام
رونما جس کی بدولت جلوۂ امید ہو
دور ظلمت ہو دلوں سے اور گھر گھر عید ہو
دین و آئیں ہیں جدا سب کے مگر اے خاک ہند
گود میں تیرے رہیں شیر و شکر اے خاک ہند
تیری خدمت پر جو باندھیں گے کمر اے خاک ہند
ہوں گے وہ تیرے لیے سلک گہر اے خاک ہند
زیب و زینت میں تو اے جان جہاں مشہور ہے
خیر و برکت سے تو اے ہندوستاں معمور ہے
روز و شب قوموں کو ہوتی ہے ترقی یا زوال
کر سکا لیکن نہ تجھ کو دور گردوں پائمال
ہر زمانے میں رہا تیرا عجب جاہ و جلال
سایۂ رحمت نے دائم تجھ کو رکھا ہے نہال
گر نظر آئے کبھی غم کی گھٹا چھائی ہوئی
ٹل گئی ہے سر سے تیرے ہر بلا آئی ہوئی
اختلاف دین و ملت کے یہ جھگڑے ہوں تمام
جو مصیبت بن گئے ہیں آج بہر خاص و عام
ہے مبارک جو تجھے حاصل ہے امن و انتظام
''با مسلماں اللہ اللہ با برہمن رام رام''
خاکساری میں تو اب تک شہرۂ آفاق ہے
مخزن فضل و ہنر ہے معدن اخلاق ہے
سفیر کاکوروی
© UrduPoint.com
All Rights Reserved
Tarana-e-qaumi
Safeer Kakorvi
yaadgar-e-ahd-e-mazi hai tu ai jaan-e-jahan
kaise kaise auliya guzre aur qutub-e-zaman
jin ke qadmon ne banaya hai tujhe jannat-nishan
raushni se tere phaila hai ujala har taraf
tera duniya mein raha hai bol-baala har taraf
kyun na kahiye tujh ko ek sarchashma-e-ab-e-baqa
hain ye aasar-e-qadima tere ganj-e-be-baha
roz o shab nairangiyan teri hain kya kya jaan-faza
kis qadar hai ruh-parwar ye teri aab-o-hawa
gardish-e-ayyam se go main phirun nazdik o dur
har jagah yaad-e-watan hai maya-e-aish-o-surur
ab to lazim hai ki hon bedar abna-e-watan
ho dilon mein jazba-e-millat-parasti josh-zan
ghalghala teri sataish ka ho ta-charKH-e-kuhan
aur tere jaan-nisaron ke ho lab par ye suKHan
miT nahin sakte kabhi tere usul-e-ittifaq
kyun na ho ai hind tujh ko daur-e-nau ka ishtiyaq
jabki jari ho zabanon par ye kalma subh o sham
naghma-ha-e-saz se baDh kar hai jo mojaz nizam
yani sulh-o-ashti ka den hum aapas mein payam
mushkilen aasan hon bigDe hue ban jaen kaam
runuma jis ki badaulat jalwa-e-ummid ho
dur zulmat ho dilon se aur ghar ghar id ho
din o aain hain juda sab ke magar ai KHak-e-hind
god mein tere rahen shir-o-shakar ai KHak-e-hind
teri KHidmat par jo bandhenge kamar ai KHak-e-hind
honge wo tere liye silk-e-guhar ai KHak-e-hind
zeb-o-zinat mein tu ai jaan-e-jahan mashhur hai
KHair o barkat se tu ai hindostan mamur hai
roz o shab qaumon ko hoti hai taraqqi ya zawal
kar saka lekin na tujh ko daur-e-gardun paemal
har zamane mein raha tera ajab jah-o-jalal
saya-e-rahmat ne daim tujh ko rakkha hai nihaal
gar nazar aae kabhi gham ki ghaTa chhai hui
Tal gai hai sar se tere har bala aai hui
iKHtilaf-e-din-o-millat ke ye jhagDe hon tamam
jo musibat ban gae hain aaj bahr-e-KHas-o-am
hai mubarak jo tujhe hasil hai amn o intizam
ba musalman allah allah ba barahman ram ram
KHaksari mein tu ab tak shohra-e-afaq hai
maKHzan-e-fazl-o-hunar hai madin-e-aKHlaq hai
(430) ووٹ وصول ہوئے
Related Safeer Kakorvi Poetry
More Safeer Kakorvi Poetry
You can read Tarana-e-qaumi written by Safeer Kakorvi at UrduPoint. Tarana-e-qaumi is one of the masterpieces written by Safeer Kakorvi. You can also find the complete poetry collection of Safeer Kakorvi by clicking on the button 'Read Complete Poetry Collection of Safeer Kakorvi' above.
Tarana-e-qaumi is a widely read Urdu Nazam. If you like Tarana-e-qaumi, you will also like to read other famous Urdu Nazam.
You can also read Social Poetry, If you want to read more poems. We hope you will like the vast collection of poetry at UrduPoint; remember to share it with others.