Ai Subh-e-watan, Urdu Nazam By Saghar Nizami
Ai Subh-e-watan is a famous Urdu Nazam written by a famous poet, Saghar Nizami. Ai Subh-e-watan comes under the Social category of Urdu Nazam. You can read Ai Subh-e-watan on this page of UrduPoint.
اے صبح وطن
ساغر نظامی
اے صبح وطن اے صبح وطن
اے روح بہار اے جان چمن
اے مطرب یا اے ساقئ من
اے صبح وطن اے صبح وطن
لے جوش جنوں کی ضربوں نے زنجیر غلامی توڑ ہی دی
جمہور کے سنگیں پنجے نے شاہی کی کلائی موڑ ہی دی
تاریخ کے خونیں ہاتھوں سے چھینا ہے ترا سیمیں دامن
اے صبح وطن اے صبح وطن
پھر لوٹ کے آیا صدیوں میں اقبال و طرب کا سیارہ
کرنوں میں افق پر پھر چمکا پستی کے اندھیروں کا مارا
حیراں حیراں نازاں نازاں خنداں خنداں روشن روشن
اے صبح وطن اے صبح وطن
دھرتی کے تبسم سے چمکے آفاق ابد کے سیارے
ظلمت کے ترنم سے پھوٹے نور ابدیت کے دھارے
ذروں کو تغیر نے بخشا اک معجزۂ خورشید شکن
اے صبح وطن اے صبح وطن
سوئے ہوئے ذرے جاگ اٹھے انوار سحر بیدار ہوئے
احساس زمیں بیدار ہوا افکار بشر بیدار ہوئے
بستر سے خذف ریزے اٹھے اور لعل و گہر بیدار ہوئے
آنکھوں کو ملا گلزاروں نے شاخوں پر ثمر بیدار ہوئے
نینوں سے مستی برساتی لو جاگ اٹھی ہستی کی دولہن
اے صبح وطن اے صبح وطن
بنجر دھرتی کی نس نس میں پودوں کا تخیل لہرایا
اجڑے کھیتوں پر سایہ ہے گیہوں کے سنہری خوشوں کا
ہر برگ فسردہ نے کھینچا دوشیزہ بہاروں کا دامن
اے صبح وطن اے صبح وطن
سنسان بیابانوں میں ہے اک جذبۂ گلشن آرائی
ویراں کھنڈروں میں لیتا ہے محلوں کا تصور انگڑائی
سیپی کی رو پہلی جھولی میں ہیں آج ہزاروں در عدن
اے صبح وطن اے صبح وطن
ذرات میں کروٹ لینے لگے سو لالہ رخسان و ماہ جبیں
سنگین چٹانوں میں جاگے اصنام کے خد و خال حسیں
ہے دیر کہ کعبہ کیا جانے ہے کون سا عالم زیر زمیں
مسجود نہیں ہے کوئی بھی سجدے میں مگر جھکتی ہے جبیں
نقاش ہے تیری پرچھائیں آذر ہے ترے سورج کی کرن
اے صبح وطن اے صبح وطن
آہن کی صلابت میں ابھرا معصوم تصور نرمی کا
پھولوں کی لطافت میں امڈا آہن بن جانے کا جذبہ
قرنوں کی خموشی کو حسرت ہے سیل بیاں بن جانے کا
صدیوں کی اداسی کو ضد ہے اک نطق جواں بن جانے کا
ہر سانس کے اندر غلطاں ہے تغییر کے سینے کی دھڑکن
اے صبح وطن اے صبح وطن
پربت پربت ساگر ساگر پرچم اپنا لہراتا ہے
محلوں پہ ملوں پہ قلعوں پر عظمت کے ترانے گاتا ہے
گل بار ردائے آزادی سرشار جوانی کا پرچم
یہ امن کے نغموں کا مطرب خاموش بغاوت کا یہ علم
تہذیب کا یہ زریں آنچل تعمیر کا یہ رنگیں دامن
اے صبح وطن اے صبح وطن
قندیل سحر نور منزل خورشید سحر شمع ساحل
یہ خون شہیداں کا مخزن یہ درد رفیقاں کا حاصل
یہ امن کا لہراتا گیسو یہ صدق و محبت کا درپن
اے صبح وطن اے صبح وطن
اب کھیتوں میں گندم ہی نہیں سونا بھی اگے گا اے ساقی
بخشے گا تغیر بھوکوں کو اک روز مزاج زراتی
اب ہیرے موتی اگلیں گے یہ باغ و صحرا کوہ و دمن
اے صبح وطن اے صبح وطن
گاؤں کو سنائیں گے مژدہ احصار حسیں بن جانے کا
ذروں کو سندیسہ دیں گے تڑپ کر مہر جبیں بن جانے کا
اور تیرے افق کی لالی سے ہوتے ہیں ستارے بھی روشن
اے صبح وطن اے صبح وطن
اب خاک قدم مجبوروں کی برسائے گی دنیا پر سونا
اب اطلس کی قسمت ہوگی پیراہن محنت کش ہونا
پڑتے ہی نگاہ صاعقۂ زن جل اٹھے گا ہر نظم کہن
اے صبح وطن اے صبح وطن
کھیتوں کی زمیں اونچی ہو کر فردوس سے رشتہ جوڑے گی
اب ہل کی انی سرمستی میں آکاش کے تارے توڑے گی
وہ دن بھی اب کچھ دور نہیں جب سیارے ہوں گے آنگن
اے صبح وطن اے صبح وطن
ساغر نظامی
© UrduPoint.com
All Rights Reserved
Ai Subh-e-watan
Saghar Nizami
ai ruh-e-bahaar ai jaan-e-chaman
ai mutrib ya ai saqi-e-man
ai subh-e-watan ai subh-e-watan
le josh-e-junun ki zarbon ne zanjir-e-ghulami toD hi di
jamhur ke sangin panje ne shahi ki kalai moD hi di
tariKH ke KHunin hathon se chhina hai tera simin daman
ai subh-e-watan ai subh-e-watan
phir lauT ke aaya sadiyon mein iqbaal-o-tarab ka sayyara
kirnon mein ufuq par phir chamka pasti ke andheron ka mara
hairan hairan nazan nazan KHandan KHandan raushan raushan
ai subh-e-watan ai subh-e-watan
dharti ke tabassum se chamke aafaq-e-abad ke sayyare
zulmat ke tarannum se phuTe nur-e-abadiyyat ke dhaare
zarron ko taghayyur ne baKHsha ek moajiza-e-KHurshid-shikan
ai subh-e-watan ai subh-e-watan
soe hue zarre jag uThe anwar-e-sahar bedar hue
ehsas-e-zamin bedar hua afkar-e-bashar bedar hue
bistar se KHazaf reze uTThe aur lal-o-gohar bedar hue
aankhon ko mila gulzaron ne shaKHon par samar bedar hue
nainon se masti barsati lo jag uThi hasti ki dulhan
ai subh-e-watan ai subh-e-watan
banjar dharti ki nas nas mein paudon ka taKHayyul lahraya
ujDe kheton par saya hai gehun ke sunahri KHoshon ka
har barg-e-fasurda ne khincha doshiza bahaaron ka daman
ai subh-e-watan ai subh-e-watan
sunsan bayabanon mein hai ek jazba-e-gulshan-arai
viran khanDaron mein leta hai mahlon ka tasawwur angDai
sipi ki ru-pahli jholi mein hain aaj hazaron durr-e-adan
ai subh-e-watan ai subh-e-watan
zarraat mein karwaT lene lage so lala-ruKHsan-o-mah-e-jabin
sangin chaTanon mein jage asnam ke KHadd-o-KHal-e-hasin
hai dair ki kaba kya jaane hai kaun sa aalam zer-e-zamin
masjud nahin hai koi bhi sajde mein magar jhukti hai jabin
naqqash hai teri parchhain aazar hai tere suraj ki kiran
ai subh-e-watan ai subh-e-watan
aahan ki salabat mein ubhra masum tasawwur narmi ka
phulon ki latafat mein umDa aahan ban jaane ka jazba
qarnon ki KHamoshi ko hasrat hai sail-e-bayan ban jaane ka
sadiyon ki udasi ko zid hai ek nutq-e-jawan ban jaane ka
har sans ke andar ghaltan hai taghir ke sine ki dhaDkan
ai subh-e-watan ai subh-e-watan
parbat parbat sagar sagar parcham apna lahraata hai
mahlon pe milon pe qilon par azmat ke tarane gata hai
gul-bar rida-e-azadi sarshaar jawani ka parcham
ye amn ke naghmon ka mutrib KHamosh baghawat ka ye alam
tahzib ka ye zarrin aanchal tamir ka ye rangin daman
ai subh-e-watan ai subh-e-watan
qindil-e-sahar nur-e-manzil KHurshid-e-sahar sham-e-sahil
ye KHun-e-shahidan ka maKHzan ye dard-e-rafiqan ka hasil
ye amn ka lahraata gesu ye sidq-o-mohabbat ka darpan
ai subh-e-watan ai subh-e-watan
ab kheton mein gandum hi nahin sona bhi ugega ai saqi
baKHshega taghayyur bhukon ko ek roz mizaj-e-zarraati
ab hire moti uglenge ye bagh-o-sahra koh-o-daman
ai subh-e-watan ai subh-e-watan
ganw ko sunaenge muzhda ehsar-e-hasin ban jaane ka
zarron ko sandesa denge taDap kar mahr-jabin ban jaane ka
aur tere ufuq ki lali se hote hain sitare bhi raushan
ai subh-e-watan ai subh-e-watan
ab KHak qadam majburon ki barsaegi duniya par sona
ab atlas ki qismat hogi pairahan-e-mehnat-kash hona
paDte hi nigah-e-saiqa-e-zan jal uTThega har nazm-e-kuhan
ai subh-e-watan ai subh-e-watan
kheton ki zamin unchi ho kar firdaus se rishta joDegi
ab hal ki ani sarmasti mein aakash ke tare toDegi
wo din bhi ab kuchh dur nahin jab sayyare honge aangan
ai subh-e-watan ai subh-e-watan
(487) ووٹ وصول ہوئے
Related Saghar Nizami Poetry
Related Poetry
More Saghar Nizami Poetry
نغمے ہوا نے چھیڑے فطرت کی بانسری میں
Saghar Nizami - ساغر نظامی
Naghme Hawa Ne Chhede Fitrat Ki Bansuri Mein
ہولی
Saghar Nizami - ساغر نظامی
Holi
حسن نے دست کرم کھینچ لیا ہے کیا خوب (ردیف .. ن)
Saghar Nizami - ساغر نظامی
Husn Ne Dast-e-karam Khinch Liya Hai Kya Khub
کافر گیسو والوں کی رات بسر یوں ہوتی ہے
Saghar Nizami - ساغر نظامی
Kafir Gesu Walon Ki Raat Basar Yun Hoti Hai
گاندھی جی کی شہادت پر خراج عقیدت
Saghar Nizami - ساغر نظامی
Gandhi Ji Ki Shahadat Par Khiraj-e-aqidat
راتوں کو تصور ہے ان کا اور چپکے چپکے رونا ہے
Saghar Nizami - ساغر نظامی
Raaton Ko Tasawwur Hai Un Ka Aur Chupke Chupke Rona Hai
ساون کی رت آ پہنچی کالے بادل چھائیں گے
Saghar Nizami - ساغر نظامی
Sawan Ki Rut Aa Pahunchi Kale Baadal Chhaenge
یہی صہبا یہی ساغر یہی پیمانہ ہے
Saghar Nizami - ساغر نظامی
Yahi Sahba Yahi Saghar Yahi Paimana Hai
You can read Ai Subh-e-watan written by Saghar Nizami at UrduPoint. Ai Subh-e-watan is one of the masterpieces written by Saghar Nizami. You can also find the complete poetry collection of Saghar Nizami by clicking on the button 'Read Complete Poetry Collection of Saghar Nizami' above.
Ai Subh-e-watan is a widely read Urdu Nazam. If you like Ai Subh-e-watan, you will also like to read other famous Urdu Nazam.
You can also read Social Poetry, If you want to read more poems. We hope you will like the vast collection of poetry at UrduPoint; remember to share it with others.