Kaghazi Pairahan, Urdu Nazam By Salahuddin Nayyar

Kaghazi Pairahan is a famous Urdu Nazam written by a famous poet, Salahuddin Nayyar. Kaghazi Pairahan comes under the Love, Sad category of Urdu Nazam. You can read Kaghazi Pairahan on this page of UrduPoint.

Urdu Poem English Poem

کاغذی پیرہن

صلاح الدین نیر

دل مجبور کا احساس تجھے ہو کہ نہ ہو

تیری محفل سے کہیں اور چلا جاؤں گا

اب یہ سوچا ہے ترے پاس نہیں آؤں گا

یہ مری نظمیں یہ غزلیں ہی سہارا ہوں گی

ان کے ہر لفظ سے آئے گی وفا کی خوشبو

ان کے ہر لفظ میں ہے جذب مرا خون جگر

ایک ایک لفظ میں ہیں میری وفائیں شامل

ایک ایک لفظ محبت کا امیں ہے میری

میرے ہر شعر میں ہے تیرے ہی لہجے کا گداز

میرے ہر شعر میں ہے عارض و رخسار کا رنگ

گھل گئی ہے مرے شعروں میں لبوں کی سرخی

میرے ہر شعر میں ہے تیری نگاہوں کا خمار

صندلی جسم کی خوشبو ہے مرے گیتوں میں

میری نظموں میں تری بھیگتی پلکوں کی نمی

اب نگاہوں میں رہے دل میں رہا کوئی نہیں

میرے شعروں میں بجز تیرے سوا کوئی نہیں

رشتۂ مہر و وفا توڑ نہ دینا ساتھی

ویسے میں اشکوں سے بڑھ کر تجھے دیتا کیا تھا

چند اشکوں کے سوا پاس مرے کچھ بھی نہیں

ہاں یہ کچھ غزلیں یہ نظمیں ہیں مگر اے ساتھی

جانتا ہوں مری غزلوں سے محبت ہے تجھے

میرے احساس مری فکر کا خالق تو ہے

تیری ہی دین ہے تیری ہی عطا ہے لیکن

سوچتا رہتا ہوں تجھ کو کہیں رسوا نہ کریں

کیوں ترے نام سے منسوب کیا تھا میں نے

میرا کیا میں تو ہوں بدنام بھی آوارہ بھی

مجھ کو یہ فکر ہے اے دوست تو رسوا ہوگا

میرے احساس کا گر خون ہو کچھ فکر نہ کر

میری تخئیل جو جل جائے تو احساس نہ کر

یہ مرے شعر مری نظمیں یہ غزلیں میری

برہا کے گیت اور اوراق محبت میرے

چند بھیگی ہوئی راتوں میں سلگتے سے پیام

تجھ سے وابستہ ہیں کچھ ایسی سزا دے ان کو

آج خود اپنے ہی ہاتھوں سے جلا دے ان کو

صلاح الدین نیر

Previous More Love Poetry Next

Salahuddin Nayyar

Kaghazi Pairahan

Salahuddin Nayyar

dil-e-majbur ka ehsas tujhe ho ki na ho
teri mahfil se kahin aur chala jaunga
ab ye socha hai tere pas nahin aaunga
ye meri nazmen ye ghazlen hi sahaara hongi
in ke har lafz se aaegi wafa ki KHushbu
in ke har lafz mein hai jazb mera KHun-e-jigar
ek ek lafz mein hain meri wafaen shamil
ek ek lafz mohabbat ka amin hai meri
mere har sher mein hai tere hi lahje ka gudaz
mere har sher mein hai aariz-o-ruKHsar ka rang
ghul gai hai mere sheron mein labon ki surKHi
mere har sher mein hai teri nigahon ka KHumar
sandali jism ki KHushbu hai mere giton mein
meri nazmon mein teri bhigti palkon ki nami

ab nigahon mein rahe dil mein raha koi nahin
mere sheron mein ba-juz tere siwa koi nahin
rishta-e-mehr-o-wafa toD na dena sathi
waise main ashkon se baDh kar tujhe deta kya tha
chand ashkon ke siwa pas mere kuchh bhi nahin
han ye kuchh ghazlen ye nazmen hain magar ai sathi
jaanta hun meri ghazlon se mohabbat hai tujhe
mere ehsas meri fikr ka KHaliq tu hai
teri hi den hai teri hi ata hai lekin
sochta rahta hun tujh ko kahin ruswa na karen
kyon tere nam se mansub kiya tha main ne

mera kya main to hun badnam bhi aawara bhi
mujh ko ye fikr hai ai dost tu ruswa hoga
mere ehsas ka gar KHun ho kuchh fikr na kar
meri taKHil jo jal jae to ehsas na kar
ye mere sher meri nazmen ye ghazlen meri
birha ke git aur auraq-e-mohabbat mere
chand bhigi hui raaton mein sulagte se payam
tujh se wabasta hain kuchh aisi saza de in ko
aaj KHud apne hi hathon se jala de in ko

Facebook Twitter Reddit Pinterest Whatsapp

(474) ووٹ وصول ہوئے

You can read Kaghazi Pairahan written by Salahuddin Nayyar at UrduPoint. Kaghazi Pairahan is one of the masterpieces written by Salahuddin Nayyar. You can also find the complete poetry collection of Salahuddin Nayyar by clicking on the button 'Read Complete Poetry Collection of Salahuddin Nayyar' above.

Kaghazi Pairahan is a widely read Urdu Nazam. If you like Kaghazi Pairahan, you will also like to read other famous Urdu Nazam.

You can also read Love Poetry, If you want to read more poems. We hope you will like the vast collection of poetry at UrduPoint; remember to share it with others.