Nadi Ne Kaha, Urdu Nazam By Sardar Panchhi

Nadi Ne Kaha is a famous Urdu Nazam written by a famous poet, Sardar Panchhi. Nadi Ne Kaha comes under the Sad category of Urdu Nazam. You can read Nadi Ne Kaha on this page of UrduPoint.

Urdu Poem English Poem

ندی نے کہا

سردار پنچھی

موت دیتے ہو کیوں زندگی کی طرح

مجھ کو جینے دو بس اک ندی کی طرح

جھلملاتے ہمالے سے اتری ہوں میں

چاہے جیسی ہوں گنگا کی بیٹی ہوں میں

میرے سینے میں ممتا کے دھارے بھی ہیں

میری باہوں میں کچھ غم کے مارے بھی ہیں

میرے پہلو میں اپنے ستارے بھی ہیں

میری باہیں بھی ہیں یہ کنارے بھی ہیں

دل میں ہے بھاونا روشنی کی طرح

مجھ کو جینے دو بس اک ندی کی طرح

ناچتی اور نچاتی چلی جا رہی

لے میں اک گیت گاتی چلی جا رہی

کتنے طوفاں اٹھاتی چلی جا رہی

پھر بھی تالی بجاتی چلی جا رہی

لاکھوں ارمان میرے بھی سینے میں ہیں

قطرے شبنم کے میرے پسینے میں ہیں

کل سمندر سے ملنا ہے جا کے مجھے

اس کو پانا ہے خود کو مٹا کے مجھے

موت کا غم ملے گا خوشی کی طرح

مجھ کو جینے دو بس اک ندی کی طرح

اپنے ساگر کی اک پاک دھارا تھی میں

نیلے پانی کی آنکھوں کا تارا تھی میں

گندگی کی نظر مجھ پہ ڈالی گئی

میرے آنچل پہ کالکھ لگا دی گئی

میری لہروں کا آنند لیتے رہے

لے کے امرت مجھے زہر دیتے رہے

مجھ پہ پنچھیؔ ہی الطاف کر دے گا پھر

یہ سمندر مجھے صاف کر دے گا پھر

جسم ہو جائے گا چاندنی کی طرح

مجھ کو جینے دو بس اک ندی کی طرح

موت دیتے ہو کیوں زندگی کی طرح

مجھ کو جینے دو بس اک ندی کی طرح

سردار پنچھی

Previous More Sad Poetry Next

Sardar Panchhi

Nadi Ne Kaha

Sardar Panchhi

maut dete ho kyon zindagi ki tarah
mujh ko jine do bas ek nadi ki tarah

jhilmilate himale se utri hun main
chahe jaisi hun ganga ki beTi hun main
mere sine mein mamta ke dhaare bhi hain
meri bahon mein kuchh gham ke mare bhi hain
mere pahlu mein apne sitare bhi hain
meri bahen bhi hain ye kinare bhi hain

dil mein hai bhawna raushni ki tarah
mujh ko jine do bas ek nadi ki tarah

nachti aur nachati chali ja rahi
lai mein ek git gati chali ja rahi
kitne tufan uThati chali ja rahi
phir bhi tali bajati chali ja rahi
lakhon arman mere bhi sine mein hain
qatre shabnam ke mere pasine mein hain

kal samundar se milna hai ja ke mujhe
us ko pana hai KHud ko miTa ke mujhe

maut ka gham milega KHushi ki tarah
mujh ko jine do bas ek nadi ki tarah

apne sagar ki ek pak dhaara thi main
nile pani ki aankhon ka tara thi main
gandagi ki nazar mujh pe Dali gai
mere aanchal pe kalakh laga di gai
meri lahron ka aanand lete rahe
le ke amrit mujhe zahr dete rahe
mujh pe 'panchhi' hi altaf kar dega phir
ye samundar mujhe saf kar dega phir

jism ho jaega chandni ki tarah
mujh ko jine do bas ek nadi ki tarah

maut dete ho kyon zindagi ki tarah
mujh ko jine do bas ek nadi ki tarah

Facebook Twitter Reddit Pinterest Whatsapp

(462) ووٹ وصول ہوئے

You can read Nadi Ne Kaha written by Sardar Panchhi at UrduPoint. Nadi Ne Kaha is one of the masterpieces written by Sardar Panchhi. You can also find the complete poetry collection of Sardar Panchhi by clicking on the button 'Read Complete Poetry Collection of Sardar Panchhi' above.

Nadi Ne Kaha is a widely read Urdu Nazam. If you like Nadi Ne Kaha, you will also like to read other famous Urdu Nazam.

You can also read Sad Poetry, If you want to read more poems. We hope you will like the vast collection of poetry at UrduPoint; remember to share it with others.