Ghaarat-garon Ke Pas Hai Kya Apne Pas Kya, Urdu Ghazal By Sarfaraz Khan Azmi

ghaarat-garon ke pas hai kya apne pas kya
Thani hai sidq-e-dil se to KHauf-o-hiras kya

lahja hi talKH ho to zaban ki miThas kya
aankhen barahna hon to badan par libas kya

kason mein le ke shad hain jo zindagi ki bhik
in dast-basta logon ka hosh-o-hawas kya

sabza nahin hain fahm-o-farasat ki chadaren
kal bhi yahi zamin thi ugti thi ghas kya

hathon mein hath dije duhai na dijiye
tanzim-e-amn se hain abhi na-shanas kya

shohrat nazar mein ho to balaghat se kya gharaz
sarqe ka gham nahin to gham-e-iltibas kya

hai taliyon ki gunj mein tauqir-e-harf-e-gham
irshad karne wale karen iltimas kya

ab to chaman mein kanTon ko aae to aae rahm
barg-e-KHizan-rasida ko phulon se aas kiya

sahra mein bhi hai aap ke ruKH par shaguftagi
hain yaad pokhare wo akul-o-paras kya

buzdil hain aap warna samundar khangalte
moti bhi chal ke aata hai sahil ke pas kya

dariya se abr ban ke sab uD jaen nekiyan
hai 'sarfaraaz' ye bhi qarin-e-qayas kya