Mahmud-o-ayaz, Urdu Nazam By Shauq Bahraichi

Mahmud-o-ayaz is a famous Urdu Nazam written by a famous poet, Shauq Bahraichi. Mahmud-o-ayaz comes under the Social category of Urdu Nazam. You can read Mahmud-o-ayaz on this page of UrduPoint.

Urdu Poem English Poem

محمود و ایاز

شوق بہرائچی

جہاں میں بار خدایا کوئی وکیل نہ ہو

وکیل ہو تو وکالت میں بے عدیل نہ ہو

جو بے عدیل بھی ہو جائے تو جمیل نہ ہو

جمیل ہو تو سیاست میں کچھ دخیل نہ ہو

یہ خوبیاں جو بیک وقت کوئی پاتا ہے

دماغ اس کا یقیناً خراب جاتا ہے

ہر اک کو دیکھنے لگتا ہے وہ حقارت سے

کسی سے بات بھی کرتا ہے گر تو نخوت سے

ہر اک کو کرتا ہے مرعوب اپنی فطرت سے

قدم زمین پہ رکھتا نہیں رعونت سے

ضمیر قیصر و ہامان بن کے رہتا ہے

وہ اپنے عہد کا شیطان بن کے رہتا ہے

کبھی کبھی اسے ہوتا ہے اپنی ذات پہ ناز

کبھی گھمنڈ لیاقت پہ اور صفات پہ ناز

کبھی نمازیوں میں صوم اور صلوٰۃ پہ ناز

غرض کہ اس کو ہے اپنی ہر ایک بات پہ ناز

یہی جو حال رہا اس کی خود ستائی کا

عجب نہیں کہ وہ دعویٰ کرے خدائی کا

اور اس کے ساتھ جو ہے اک بہت بڑا وصفی

منافقت میں ہی جس کی تمام عمر گئی

پئے نمود رہی جس کو روز بے چینی

کسی نے خوب کسی اس کو دیکھ کر پھبتی

خدا کا شکر کہ اک عہد حیلہ ساز ملا

خدا کا شکر کہ محمود کو ایاز ملا

شوق بہرائچی

Previous More Social Poetry Next

Shauq Bahraichi

Mahmud-o-ayaz

Shauq Bahraichi

jahan mein bar-e-KHudaya koi wakil na ho
wakil ho to wakalat mein be-adil na ho
jo be-adil bhi ho jae to jamil na ho
jamil ho to siyasat mein kuchh daKHil na ho
ye KHubiyan jo ba-yak-waqt koi pata hai
dimagh us ka yaqinan KHarab jata hai
har ek ko dekhne lagta hai wo hiqarat se
kisi se baat bhi karta hai gar to naKHwat se
har ek ko karta hai marub apni fitrat se
qadam zamin pe rakhta nahin raunat se
zamir-e-qaisar-o-haman ban ke rahta hai
wo apne ahd ka shaitan ban ke rahta hai
kabhi kabhi use hota hai apni zat pe naz
kabhi ghamanD liyaqat pe aur sifat pe naz
kabhi namaziyon mein saum aur salat pe naz
gharaz ki us ko hai apni har ek baat pe naz
yahi jo haal raha us ki KHud-satai ka
ajab nahin ki wo dawa kare KHudai ka
aur us ke sath jo hai ek bahut baDa wasfi
munafiqat mein hi jis ki tamam umr gai
pae-numud rahi jis ko roz bechaini
kisi ne KHub kasi us ko dekh kar phabti
KHuda ka shukr ki ek ahd hila-saz mila
KHuda ka shukr ki mahmud ko ayaz mila

Facebook Twitter Reddit Pinterest Whatsapp

(572) ووٹ وصول ہوئے

You can read Mahmud-o-ayaz written by Shauq Bahraichi at UrduPoint. Mahmud-o-ayaz is one of the masterpieces written by Shauq Bahraichi. You can also find the complete poetry collection of Shauq Bahraichi by clicking on the button 'Read Complete Poetry Collection of Shauq Bahraichi' above.

Mahmud-o-ayaz is a widely read Urdu Nazam. If you like Mahmud-o-ayaz, you will also like to read other famous Urdu Nazam.

You can also read Social Poetry, If you want to read more poems. We hope you will like the vast collection of poetry at UrduPoint; remember to share it with others.