Paye Talabb Ki Manzil Ab Tak Wohi Gali Hai

پائے طلب کی منزل اب تک وہی گلی ہے

پائے طلب کی منزل اب تک وہی گلی ہے

آغاز بھی یہی تھا انجام بھی یہی ہے

جس داستان غم کا عنوان روشنی ہے

ہر لفظ کی سیاہی خود منہ سے بولتی ہے

طرز تپاک قائم لطف نظر وہی ہے

لیکن یہ واقعہ ہے پھر بھی کوئی کمی ہے

ان کی نظر سے دل کی یہ بحث ہو رہی ہے

کیا چیز زندگی میں مقصود زندگی ہے

ہر لغزش بشر پر تنقید کرنے والو

تم یہ بھلا چکے ہو انسان آدمی ہے

یہ سازش تغیر ہے کتنی جان لیوا

مجھ کو جگا کے میری تقدیر سو گئی ہے

ہاں میرے واسطے ہے تخصیص کا یہ پہلو

دنیا سمجھ رہی ہے انداز بے رخی ہے

ممکن نہیں کہ دامن بے داغ ہو کسی کا

سچ پوچھئے تو دنیا کاجل کی کوٹھری ہے

تابندہ ہر نفس ہے امید کی بدولت

محراب زندگی میں اک شمع جل رہی ہے

دیکھے تو کوئی شان سحر نگاہ ساقی

ساغر میں کھنچ کے روح مے خانہ آ گئی ہے

وابستۂ‌ نفس ہے نظم و نظام ہستی

یعنی ہوا پہ قائم بنیاد زندگی ہے

کب تک یہ خواب غفلت جاگو عروجؔ جاگو

اب دھوپ بڑھتے بڑھتے سر پر ہی آ گئی ہے

عروج زیدی بدایونی

© UrduPoint.com

All Rights Reserved

(398) ووٹ وصول ہوئے

Your Thoughts and Comments

Urdu Nazam Poetry of UROOJ ZAIDI BADAYUNI, Paye Talabb Ki Manzil Ab Tak Wohi Gali Hai in Urdu. This famous Urdu Shayari is a Ghazal, and the type of this Nazam is Sad Urdu Poetry. Also there are 13 Urdu poetry collection of the poet published on the site. The average rating for this Urdu Shayari by our users is 4.2 out of 5 stars. Read the Sad poetry online by the poet. You can also read Best Urdu Nazam and Top Urdu Ghazal of UROOJ ZAIDI BADAYUNI.