Naat-e-rasool Sallallahu Alaihi Wasallam By Abdul Haleem Sikander

بھرم رکھنا میرے اللہ بندہ بے سلیقہ ہے

ترے محبوب کی مدحت سرائی کا ارادہ ہے

نہ طرزِشاعری ہےاورنہ لفظوں کا ذخیرہ ہے

مگرانکی ثناخوانی مرےدل کا تقاضاہے

کیادریاۓالفت میں وضو مرغِ تخیل نے

تری مدحت کی خاطر میں نےپھر خامہ اٹھایاہے

بڑی تکلیف دل میں ہورہی تھی سوچ کر یہ سب

کہ گھنٹوں کوششیں کرنابھی کیوں بیکارجاتاہے

نہ جانےآج کیوں اشعارہوتےہی نہیں مجھ سے

ردیف وقافیہ بھی سہل ہیں تو بات پھرکیاہے

انہیں سوچوں میں گم تھامیں کہ یکدم یہ خیال آیا

بغیرانکی رضاکےذکر ان کاتھوڑی ہوتاہے

وہ جب چاہیں گےمجھ سےکام لیں گےنعت گوئی کا

انہیں معلوم ہےکب کس سے کیاکیاکام لیناہے

مگر اپنےدلِ مضطر کو میں کیسےتسلی دوں

جو پیہم ذکرِ آقا کے لئے اصرار کرتاہے

کبھی مچلے کہ آقا کی اجازت مل ہی جاۓگی

کبھی محرومیِ قسمت کےاندیشےسے روتاہے

مگرسن اےدلِ گستاخ یہ کیساہے اندیشہ

بھلااس درکامنگتابھی کبھی محروم رہتاہے

خداراجلدفرمائیں کرم اےصاحبِ طیبہ

مجھےاپنےدلِ ناداں کےاندیشوں سے خطرہ ہے

لےاےقلبِ حزیں شایداجازت مل گئی انکی

درونِ ذہن اک نعتِ نبی کاشعر اتراہے

جہاں روحِ امیں رک جائیں اسکوکہتےہیں سدرہ

مقامِ حضرتِ محبوبِ داور قربِ مولی ہے

جبینِ یوسفِ کنعاں میں نورِ احمدی دیکھا

توبول اٹھیں زنانِ مصر یہ کوئی فرشتہ ہے

جو پتھر پہ رکھیں پتھر پگھل کر موم ہوجائے

جہاں والو!مرے سرکار کا ایسا کفِ پا ہے

بس اک ذاتِ محمدﷺکےعلاوہ کوئی بتلاۓ

"خداکی سلطنت کادوجہاں میں کون دولہاہے"

کیاسیراب جس نےاپنےخوں سے دینِ باری کو

ارےہاں ہاں وہی تو سیِّدِوالا کا کنبہ ہے

لٹا کر خانوادہ بھی گلہ شکوہ نہیں کوئی

خدایا کتنا مضبوط ابن زہرا کا کلیجہ ہے

کبھی ہر گز نہ مردہ تم گماں کرنا شہیدوں کو

یہ میں خود سے نہیں کہتا یہ حکمِ حق تعالی ہے

جواسکوخاک سمجھےرب کر وہ خاک ہوجاۓ

ہمارے واسطے خاکِ درِسرکار سوناہے

جہاں جاروکشی کےواسطے قدسی مقررہیں

وہ دربارِمعظم نائبِ مولی کاروضہ ہے

حسیں ہے خوشنما ہے خوبصورت ہے بہت لیکن

بروۓ حسنِ طیبہ رنگِ جنّت پھیکا پھیکا ہے

شہاکیجےعطامجھکوبھی اب دیدِرخ زیبا

کہ دردِہجرسے میراکلیجہ منھ کوآتا ہے

اٹھاتا ہے جو انگلی اختیاراتِ شہ دیں پر

وہ گندہ ہے کمینہ ہے وہ بے تحقیق نطفہ ہے

ہو پورا اک بھی بابِ وصفِ پیغمبر کہاں ممکن؟

سکندر عاجز آ کر خامۂِ توصیف رکھتا ہے