Ik Din Aisa Bhi Aaye Ga By Haya Noor

اک دن ایسا بھی آئے گا 

وقت ریت کی مانند ہتھلی سے پھسل جائیگا

نہ کسی کے خیالوں میں مرا  گزر ہوگا

نہ ہی کسی کے لبوں پر مرا نام ہوگا

نہ کسی شخص کے ذہن میں مرا چہرہ نمایاں ہوگا

نہ کسی کے خوابوں میں مرا آنا جانا ہوگا

نہ کسی کے دل میں یاد بنکر زندہ رہوں گی

نہ ہی کسی شخص کی باتوں میں شامل ہوگی

میرے نام سے نہ کسی کی شناسائی ہوگی

میرے نہ ہونے سے کسی کی آنکھ نم نہ ہوگی

لیکن اس وقت بھی

میری ڈائری میں میرے الفاظ زندہ ہوگے

کہیں پر جذبات کے ترجماں ہونگے

کسی ورق پر میرے الفاظ صبر کے گواہ ہوگے

کچھ ٹوٹے پھوٹے ، بے ربط جملے

میری اداسی کی داستاں سنائیں گے

کسی فقرہ میں پوشیدہ

میری ہنسی کی جھنکار ہوگی

کہیں مٹی مٹی سے تحریر

میری اذیت ناک لمحوں کی ساتھی ہوگی

کچھ الفاظ میری شوخی کو بتائیں گے

کچھ الفاظ میری شرارت کو دکھائیں گے

اور کہیں میرے احساسات بکھرے ہونگے۔

کسی تاریخ پر نگاہ جو لمحے پر کو ٹھہرگے گی

بڑی حوصلے اور ہمت سے واپس پلٹیگی۔

کچھ ادھے ادھورے فقرے ، کچھ ان کہے جذبے

کچھ آنسوؤں میں ڈوبے ہوئے الفاظ

میری بے قراری کی گواہی دیں گے۔

کچھ اذیت میں ڈوبے الفاظ ہونگے

کچھ بہت ہی دردناک ہونگے۔

کچھ الفاظ میری شخصیت کے ضامن ہونگے

اور کچھ سطروں میں بیاں

میرے خیالات ہونگے

کچھ تحریر میری بے بسی کی داستاں سنائیں گیں

کچھ آدھی ادھوری تصنیف میرے خوابوں کی کرچیاں ہونگی

دھنک رنگوں میں ڈھلی اک لڑکی

کسی نظم کا عنوان ہوگا۔

کہیں میرے الفاظ تمہارے قدم جکڑیں گیں

کہیں پر میرے الجھے خیالات رقم ہونگے

اس ڈائری کا ہر ورق نیا اک قصہ سنائیگا

میرے شخصیت کے ہر اک راز سے پردہ اٹھیگا