Kashmir Jal Raha Hai By Roman Saqib

کشمیر جل رہا ہے

ہاں تو جلنے دو

کشمیر مر رہا ہے

ہاں تو مرنے دو

بھائی! کشمیر سلگ رہا ہے

میرا کیا۔۔۔۔۔سلگنے دو

ارے کشمیر قید ہو گیا ہے

تو میں کیا کروں۔۔۔۔۔۔۔

بھگتے قید

میں نے کون سی کبھی طرف رادی دکھائی؟

میں کون سا کب سنجیدہ ہوا

پچھتر سال ہو گئے

میں نے کب اسے اپنا سمجھا

میرے اپنے دکھ تھوڑے ہیں

میں بوڑھا تو ہو رہا ہوں

کبھی سمجھ دار نہیں ہوا

میرے اندر تھوڑی آگ لگی ہے؟

میں خود شمال سے جنوب

مشرق سے مغرب جل رہا ہوں

میرا مداوا کون کرے۔۔۔۔؟

میرے زخموں پہ مرہم کون رکھے

میں خود مر رہا ہوں

جل رہا ہوں سلگ رہا ہوں

میرے اپنے مجھ میں قید ہو گئے

کبھی ان کا حال پوچھا۔۔۔۔۔۔؟

کبھی مشرقی پاکستان بھی جلا تھا

کبھی وہ بھی سلگا تھا

کبھی وہ بھی مر مر کے مرا تھا

پھر کیا ہوا

زخم خوردہ پاکستان کا کوئی علاج ہوا

رنگ ہی تو بکھرا تھا

نادانوں نے پورا بازو کاٹ دیا

تب کوئی کچھ سمجھا۔۔۔۔۔۔؟

بس تسلی ہی دلائی گئی

لولا لگڑا ہی سہی

زندہ تو ہے

اپاہج ہی سہی

اپنا تو ہے

بھلا کمزور گھوڑے پہ کوئی بوجھ ڈالتا ہے؟

پھر کشمیر کا کیا۔۔۔۔۔۔۔؟

ہم نے تو کبھی آسام کا نام بھی نہیں لیا

نا کبھی حیدر آباد کو

نا کبھی جونا گڑھ کو یاد رکھا

تو پھر کشمیر کیوں۔۔۔۔۔۔؟

کچھ تو مفت میں ہمیں ملا نا

کبھی حق سمجھا ہی نہیں

یاد کیسے کرتے۔۔۔۔۔۔۔

ہمارا فرض تھوڑی ہے

ہاں بس اتنا یاد ہے

پھر سے ولولہ لانا پڑے گا

اس نادان قوم کو

اک نئے نغمے کے پیچھے

ہر بار کی طرح لگا پڑے گا

بس ایسے ہی میرے بھائی

فرض نبھانا پڑے گا