Hamd E Bari Tala By Shahid Butt

اسی کی ہے مخلوق پھیلی جہاں بھر

ملائک ہوں جنات یا چاہے بشر

زمیں کا وہ خالق سمندر کا بھی

کئے اس نے پیدا پہاڑ اور شجر

آسماں اور ستارے چمکتے ہوئے

اسی کی ہیں تخلیق شمس و قمر

بھرا جنگلوں کو درندوں سے اس نے

پرندوں کے اڑنے کو دیئے اس نے پر

وہ چاہے تو دنیا میں اندھیرا چھائے

اور چاہے تو نکلے جہاں میں سحر

اسی کے حکم سے کہیں ابر برسے

وہی کرتا پیاسی زمیں کو ہے تر

وہ چاہے تو سمندر کو کنارا کر دے

اگرچہ کہ آئے ہوں لاکھوں بھنور

وہی ہے جو دیتا ہے ہمت سفر میں

اور اسی کی عطا ہے سکون حضر

وہ چاہے تو بستی کو ویران کر دے

جہاں اسکی منشا بھر دے برگ و ثمر

اسی کی ہی تخلیق حیات اور ممات

نہیں جس سے مخلوق کو کوئی مفر

سبھی جیتے مرتے اسی کی رضا سے

ہو اسکا امر روح نہ رکتی ہے پل بھر

وہی بخشے مخلوق کو شفا یابی

چاہے ہوں بیمار یا وہ زیر سحر

اسی کی نوازش انساں کی سماعت

اسی کے کرم سے ہے نور نظر

ہر شے کے کھونے پہ انسان تڑپے

اور رب کی عطا سے ملے ہے صبر

وہی سب کا مالک وہ مختار کل ہے

اسی کا ہی حق ہے سب نیاز و نذر

وہ خبیر بھی ہے اور وہ لطیف بھی

اسی کے علم میں ہے سب خشک و تر

میری صبحیں شامیں ہیں محتاج اس کی

ہے اسی کے کرم پہ زندگی منحصر

عبادت ریاضت ہی نہیں کافی شاہد

وہ قدرداں ہے اسکا جو کرتا شکر