سبز پاسپورٹ اور بدلتے حالات

پاکستان اور نیوزی لینڈ کے میچ منسوخی پر مریم نواز شریف نے طنز کیا کہ" سبز پاسپورٹ کی عزت کرواں گا" پڑھ کر حیرت اور دکھ ہوا کہ ھمارے سیاستدان ملک  کےبارے میں بھی ایسی سوچ رکھتے ہیں، وہ بھی ذاتی مفادات، پوائنٹ سکورنگ اور طنز کے تیر چلانے کے لیے، یہاں تک اتر آتے ہیں، یہ عمران خان کا مسئلہ نہیں ہے پاکستان کا مسئلہ ہے، اور یہ میاں صاحب کے دور میں کئی گنا زیادہ تھا، جب میچ بھی دبئی ہوتے تھے، امریکہ بھی ڈو مور کہتا تھا، روس بھی ناراض تھا، منی لانڈرنگ بھی تھی، لانچوں سے ڈالر بھی باہر جاتے تھے، البتہ مودی خوش تھا، آج آپ کے والد محترم اور آپ نے سید علی گیلانی کی وفات پر دعا کیا، ایک بیان تک جاری نہیں کیا، افغانستان پر بولے تک نہیں، کیا اسلام آباد میں ہونے والے ولیمہ میں، پھر مودی کو بلانے کا ارادہ تو نہیں ہے، انگلینڈ کا دورہ بھی منسوخ ھوگیا تو آپ کیا کہیں گے؟
  اس میں کوئی شک نہیں کہ امریکہ افغانستان سے نکل کر نئے اہداف تلاش کرتے  ہوئے سمندروں میں اتر گیا ہے اور چین کی بڑھتی ہوئی دفاعی قوت اور معاشی راستوں کو روکنے کے لیے ایٹمی آبدوزیں بانٹنا شروع کر دی ہیں، آسٹریلیا، برطانیہ سے مل کر
آکوس معاہدہ کر لیا جس کے تحت امریکہ آسٹریلیا کو ایٹمی آبدوزیں دے گا، ان ایٹمی آبدوزوں کی خصوصیت ھے کہ وہ گہرے پانیوں میں نظر سے اوجھل، ریڈار سے اوجھل، کئی کئی مہینے پانی میں رہنے اور ایٹمی میزائل فائر کرنے کی صلاحیت رکھتی ہیں، اس معاہدے میں نیوزی لینڈ، کینیڈا ، جاپان اور تائیوان بھی شامل ھوں گے، یہ کرکٹ کا کھیل بھی اسی معاہدے کی نذر ہو گیا، چونکہ پاکستان نے اس مرتبہ امریکی ڈومور کو مسترد کیا، چین کے خلاف سرد جنگ کا مرکز بننے سے انکار کیا سزا تو دینی تھی، دے رہے ہیں، کیا پھر ملک کو جنگ میں دھکیلنا پاکستان کی سالمیت کے لیے درست فیصلہ ہوتا، اب ہر گز نہیں ، سب سیاستدانوں اور دانشوروں کو سوچنا چاہیے کہ کیا حکمت عملی بہتر ہو سکتی ہے، آج ہی خبر آئی کہ پاکستانی نژاد برطانوی باکسر عامر خان امریکہ جاتے ہوئے آف لوڈ کر دیا گیا، یہ سب سزا کے طریقے ہیں، مریم نواز نے مستقبل میں سیاست کرنی ہے، ملک کی باگ ڈور سنبھالنے کی بھی خواہش ہے تو کیا اس طرح کے طنز ، غیر سنجیدگی اور "غیر ملکی" زبان اچھی لگے گی؟ نیوزی لینڈ کی ٹیم کی واپسی پر انڈیا میں خوشی منائی گئی اور پھر ن لیگ کے حلقوں میں، کیا کوئی من چلا آپ کو وہ ٹائٹل دے دے، تو پھر آپ کہیں گے "غداری کا سرٹفکیٹ" بانٹتے پھر رہے ہیں، آپ اپنی اداؤں پر ذرا غور کیجیۓ، دنیا دفاعی طاقت اور معاشی غلبے کے لیے مختلف النوع معاہدے، بلاک اور راستے تشکیل دے رہی ہے اور آپ کی" کلی" عمران خان نفرت میں پھنسی ہوئی ہے، اقتدار میں آکر بدلہ لے لیجیے گا، اس وقت الیکشن کمیشن اصلاحات، مہنگائی، اور خطے کی بدلتی صورتحال پر کچھ دانش لڑائیں ملک کا بھلا ہو جائے گا،
  پاکستان کا امیج خراب کرنے میں معاون نہ بنیں آپ کے ایک چہتے وزیراعظم شاہد خاقان عباسی صاحب کے ساتھ امریکی ائیرپورٹ پر کیا ھوا تھا ، وہ سبز پاسپورٹ کی عزت تھی؟ یہ جو امر صالح سے تعلقات تھے ، اس کا کیا ماجرا تھا وہاں سے سونے کی اینٹیں نکل رہی ہیں کہیں وہ بھی تو نہیں، میرا مطلب ہے، آپ لوگوں کی، بلاول بھٹو آپ سے سیاسی دانش اور سوچ میں آگے نکل رہا ہے، آپ نے مستقبل میں عوام کی قیادت کرنی ہے تو شفاف کردار پیدا کریں، سبز پاسپورٹ کی عزت، آپ کروائیں، ھم آپ کے ساتھ ھوں گے۔