حوت کیلئے موافق پتھر اور مبارک پتھر

سنگ یشپ (Jasper)
نہ خود غرض، نہ ہی عیاش، فضول خرچی، بدکلامی اور تکبر سے بچاتا ہے۔ دولت کے حصول میں ممد و معاون، جادو ٹونے سے بچانے والا، دشمنوں سے محفوظ رکھنے والا، نفس پرستی اور ایذا رسانی سے دور رکھنے والا، حوصلہ اور قوت فیصلہ عطا کرنے والا، غوطہ خوروں کو سمندری بلاؤں سے محفوظ رکھنے والا، زچہ کی ران میں باندھنے سے وضع حمل میں آسانی اور درد زہ میں کمی کا باعث، بواسیر کو ختم کرتا ہے۔

جگر اور معدے کے امراض سے نجات بخشتا ہے۔ وہم کا خاتمہ کرتا ہے۔ قوت باہ بڑھاتا ہے۔ دل اور دماغ کے لئے بے حد مفید، سیان الرحم، سیلان اللعاب کے لئے اکسیر، خفقان، جنون اور مراق میں مفید، تپ دق کا خاتمہ کرتا ہے۔ سانپ کے زہر کا تریاق اور ہاضمے کو درست اور ہائی بلڈ پریشر کو روکتا ہے۔ پیاس کی شدت میں کمی کرتا ہے۔
زمرد (Emerald)
ڈراؤنے خوابوں سے نجات، دشمن کو مغلوب، باعث اطمینان و سکون، ران پر باندھنے سے وضع حمل میں آسانی، سانپ سے محفوظ، دوشیزگی کی علامت، زہر آلود شے کے استعمال سے فوراً چہرے پر پسینے کے قطرے لانے والا، بھوت پریت اور آسیب کے اثر انداز ہونے اور انگوٹھی میں جکڑا ہونے کے باوجود تھرتھرانے لگتا ہے۔
سل دق کے مرض سے شفا بخش، جذام، پھلبہری، ذیابیطس اور مثانے کی پتھری کی بیماریوں سے چھٹکارا دلانے والا، دل و دماغ اور روح کو فرحت و تقویت بخش، عورتوں کے مرض اختناق الرحم میں اکسیر، نظر کو تیز، ناسور پر چھڑکنے سے شفا بخش، جذام کو دفع، دمہ کو رفع، کھانسی کو ختم کرتا ہے۔ گلے میں لٹکانے سے مرگی کا خاتمہ، اختلاج کے مرض میں بھی مفید، سانپ کے ڈسے کا تریاق، مرد اور عورت اگر آپس میں تبدیل کرکے پہنیں تو ان کی محبت میں بے پناہ اضافہ کرنے والا۔