Sono Agar Tum Khatam Karna Hi Chahtay Ho, Urdu Nazam By Ahmad Hamesh
Sono Agar Tum Khatam Karna Hi Chahtay Ho is a famous Urdu Nazam written by a famous poet, Ahmad Hamesh. Sono Agar Tum Khatam Karna Hi Chahtay Ho comes under the Sad category of Urdu Nazam. You can read Sono Agar Tum Khatam Karna Hi Chahtay Ho on this page of UrduPoint.
سنو اگر تم ختم کرنا ہی چاہتے ہو
احمد ہمیش
سنو اگر تم ختم کرنا ہی چاہتے ہو
تو آدمی کو آدمی سے کرنے والے آدمی کو ختم کر دو
اس سے وہ سب کچھ چھین لو
جو تمہارے پاس بہت پہلے بھی نہیں تھا
اور بعد میں بھی نہیں ہے
جب آگ اور برف کی تاثیر ایک ہی ہے
تو دونوں کی الگ الگ شکل
تمہیں کیا دے سکتی ہے
یا تم اس سے کیا لے سکتے ہو
سوائے اس کے کہ تم آگ کو ختم کر دو
اور برف کو بھی ختم کر دو
مگر جو آگ اور برف تمہاری روح میں کہیں رکھی ہوئی تھی
یا تو تم نے کبھی لمس نہیں کیا
یا جو آدمی روح میں رکھا ہوا تھا
اسے تو تم نے کبھی نہیں چھوا
پھر معلوم نہیں اس کا کون سا جسم
تمہارے ہاتھ لگا
کہ تم نے اس کے ٹکڑے ٹکڑے کر کے
اسے رشتوں میں تقسیم کر دیا
ماں باپ بیٹا بیٹی بھائی بہن
اور ان پر حکومت کرنے والے
بدترین محکوم بھی تم ہی نکلے
یعنی کسی ماں باپ نے
اپنے بیٹے اور بیٹی کی آگ کو جنم دے کے
کبھی اس پر گھڑی بھر سر رکھ کے سونا چاہا
تو اسے سونے نہیں دیا گیا
پھر جب بھائی بہن الگ الگ
اپنی آگ اور برف کی تجارت کو نکلے
تو اس میں آدمی ہی شامل نہیں تھا
یا شاید آدمی کا ہی نام خسارہ رکھا گیا
پھر بھی جب تمہارا بساط بھر ہونا ہی
تمہارا مقدر ٹھہرا
تو یاد کرو کہ وہ تم ہی تھے یا تم نہیں تھے
یا جسے خدا کے آخری جواب میں
آواز دی گئی پکارا گیا
اس سے بڑھ کے بھی کوئی دکھ کیا ہو سکتا ہے کہ
بچھڑی ہوئی زندگی کے بچھڑے ہوئے پیڑ یاد نہ رہیں
پھر بھی ذرا مڑ کے دیکھو تو سہی
کہ کہیں سورج سوا نیزے پہ تو نہیں آ چکا
کائنات کہاں ہے
زمین تو کائنات سے خالی ہے
بنا کائنات کے بھی کوئی زمین زمین ہو سکتی ہے
بنا سورج کے بھی کوئی دھوپ دھوپ ہو سکتی ہے
بنا چاند کے بھی کوئی چاندنی چاندنی ہو سکتی ہے
یعنی کوئی دن دن نہیں
یعنی کوئی رات رات نہیں
یعنی کوئی آب و ہوا آب و ہوا نہیں
یعنی کوئی موسم موسم نہیں
یعنی زمین پر زمین ہی نہیں اور بہت کچھ ہے
اگر دروازہ کو کھولنے اور بند کرنے والا ہی نہ ہو تو
کوئی کھلا دروازہ بند دروازہ سے بھی زیادہ بند ہوتا ہے
کوئی شہر چاروں طرف سے کھلا ہو اور بند بھی ہو
تو سمجھ لو کہ اس میں رہنے والے رہتے ہوئے بھی نہیں رہتے
اس میں کوئی مخلوق رہتی ہے
زمین کے کسی ملک میں بھی تاریخ کی ویرانی کے سوا
کوئی آباد نہیں
جب آدمی کے منہ آنکھ ناک اور کان کے ہوتے ہوئے بھی
آدمی کی شکل نہیں بنتی
تو کوئی آواز آواز ہوتے ہوئے بھی آواز کیسے ہو سکتی ہے
تو بولتے ہوئے بھی کیسے بول سکتا ہے
تو کوئی دیکھتے ہوئے بھی کیسے دیکھ سکتا ہے
تو کوئی سونگھتے ہوئے بھی کیسے سونگھ سکتا ہے
تو کوئی سنتے ہوئے بھی کیسے سن سکتا ہے
سنو امید تو موت کے ہاتھ میں ایک کام ہے
جسے وہ تمہاری گردن میں شکنجہ کر کے آگے ہی آگے چلتی چلی جاتی ہے
اور تم کے اس پیچھے کشاں کشاں کھنچے چلے جاتے ہو
مگر وہ دنیا تو اب کہیں نہیں رہی
وہ تو تمہاری زمین میں یا تم میں کہیں گم ہو گئی
احمد ہمیش
© UrduPoint.com
All Rights Reserved
(2152) ووٹ وصول ہوئے
Related Ahmad Hamesh Poetry
More Ahmad Hamesh Poetry
اپنے جیسے عاشقوں کے نام
Ahmad Hamesh - احمد ہمیش
Apnay Jaisay Ashiqon Ke Nam
موت کس راہ پر کھڑی میری راہ دیکھ رہی ہے
Ahmad Hamesh - احمد ہمیش
Maot Kis Raah Par Khari Meri Raah Dekh Rahi Hai
پرچھائیں کا سفر
Ahmad Hamesh - احمد ہمیش
Parchaiya Ka Safar
1973 کی ایک نظم
Ahmad Hamesh - احمد ہمیش
1973 Ki Aik Nazam
غلط لوگوں کی بارش ہو رہی ہے
Ahmad Hamesh - احمد ہمیش
Ghalat Logon Ki Barish Ho Rahi Hai
صبح فراق الاماں وصل کی شام الاماں
Ahmad Hamesh - احمد ہمیش
Subha E Firaq Al Amaan O Visl Ki Sham Al Amaan
ریحان صدیقی کی یاد میں
Ahmad Hamesh - احمد ہمیش
Rehan Siddiqi Ki Yaad Main
گیان بلندی کا کشٹ ہے
Ahmad Hamesh - احمد ہمیش
Geyan Bulandi Ka Kasht Hai
You can read Sono Agar Tum Khatam Karna Hi Chahtay Ho written by Ahmad Hamesh at UrduPoint. Sono Agar Tum Khatam Karna Hi Chahtay Ho is one of the masterpieces written by Ahmad Hamesh. You can also find the complete poetry collection of Ahmad Hamesh by clicking on the button 'Read Complete Poetry Collection of Ahmad Hamesh' above.
Sono Agar Tum Khatam Karna Hi Chahtay Ho is a widely read Urdu Nazam. If you like Sono Agar Tum Khatam Karna Hi Chahtay Ho, you will also like to read other famous Urdu Nazam.
You can also read Sad Poetry, If you want to read more poems. We hope you will like the vast collection of poetry at UrduPoint; remember to share it with others.