Bambai Raat Samundar, Urdu Nazam By Ameeq Hanafi
Bambai Raat Samundar is a famous Urdu Nazam written by a famous poet, Ameeq Hanafi. Bambai Raat Samundar comes under the Love, Sad, Heart Broken category of Urdu Nazam. You can read Bambai Raat Samundar on this page of UrduPoint.
بمبئی رات سمندر
عمیق حنفی
سمندر بولتا ہے
سمندر اپنی پر اسرار موجوں کی زباں میں بولتا ہے
سمندر کی صدائیں چیر دیتی ہیں شب تاریک کی چادر
ابل پڑتی ہیں
تسلسل اور تواتر کے دوائر میں تھرکتی ہیں
سروں کے دانے اک تسبیح بن جاتے ہیں ''لے'' کے نرم ہاتھوں میں
جو اس آواز کے جادو کے بس میں ہوتے جاتے ہیں
سمندر کا کنارا سلیٹ ہے جس پر
امڈتی ڈوبتی لہریں بکھر کر چھوڑ جاتی ہیں
سمندر چھین کے اقلیدسی خاکے
عجب انداز کی تجریدی تصویریں
موہن جوداڑو سے پہلے کے رسم الخط کی تحریریں
پڑے ہیں گیٹ وے آف انڈیا کے فرش پر بے گھر بھکاری
ادھر ہیں کچھ جواری
ادھر اک ہپی لڑکی اپنے ہپی دوست کے پہلو میں سمٹی
چلم کا دم لگاتی ہے
سراغ جنت الموط کے طالب ہیں دونوں ایک سادھو سے
حشیشی نشے کے دریا میں غوطے کھا رہے ہیں
حشیشی نشے ہی کی موج ہے گویا سمندر کی صدا بھی
سمندر کی سیاہی پر وہ پیلی روشنی کے پھول
جہازوں نے بکھیرے ہیں
اندھیرے میں نظر آتا نہیں جن کا کوئی مستول
جہاز آرام کرتے ہیں
جہازی شہر کے عشرت کدوں میں غوطہ زن ہوں گے
ہجوم حشر ساماں کے سمندر میں
جہازی چند قطروں کی طرح گھل مل گئے ہوں گے
یہاں تو نارسی سس بھی کہیں بھی خود گرفتہ رہ نہیں سکتا
سمندر چھیڑتا ہے ساحرانہ سمفنی جس میں
نواجل دیوتاؤں کے ازل آثار شنکھوں کی
نواجل دیویوں کے مور پنکھوں کی
صدا آپس میں دھکا مارتی منہ زور موجوں کی
صدا ساحل کی چٹانوں سے ٹکراتی ہوئی پر شور موجوں کی
صدا اس شہر کی جو نشے کے عالم میں جاری اور ساری ہے
صدا اس شہر کی جس کے مقدر میں ہے روز و شب کی بے داری
صدا اس شہر کی جس میں درختوں اور پرندوں سے زیادہ آدمی ہوں گے
صدا اس شہر کی جس میں کہ انسانوں کے چھتے آسماں چھوتے ہوئے معلوم ہوتے ہیں
ابل پڑتا ہے دروازوں سے گلیوں اور سڑکوں کے مہانوں سے
اک آدم زاد چیونٹی دل
جہاں ہر دم بلا رفتار کاروں اور بسوں کی ہم نوا بن کر
مشینیں عہد حاضر کا قصیدہ پڑھتی رہتی ہیں
سمندر کے کنارے کا مشینی شہر سازینہ ہے
جس پر آتش و آہن کے نغمے رقص کرتے ہیں
سمندر کے کنارے مرد و زن کا اک سمندر اور بھی ہے
سمندر کی صدا میں اس سمندر کی صدائیں ڈوب جاتی ہیں
بے کرانی کی صدا میں
عمیق حنفی
© UrduPoint.com
All Rights Reserved
Ameeq Hanafi Bambai Raat Samundar
Ameeq Hanafi
samundar apni pur-asrar maujon ki zaban mein bolta hai
samundar ki sadaen chir deti hain shab-e-tarik ki chadar
ubal paDti hain
tasalsul aur tawatur ke dawair mein thirakti hain
suron ke dane ek tasbih ban jate hain lai ke narm hathon mein
jo is aawaz ke jadu ke bas mein hote jate hain
samundar ka kinara saleT hai jis par
umaDti Dubti lahren bikhar kar chhoD jati hain
samundar chhin ke iqlidsi KHake
ajab andaz ki tajridi taswiren
mohan-jodaDo se pahle ke rasm-ul-KHat ki tahriren
paDe hain gate-way-of-india ke farsh par be-ghar bhikari
udhar hain kuchh juari
idhar ek happy laDki apne happy dost ke pahlu mein simTi
chilam ka dam lagati hai
suragh-e-jannat-ul-maut ke talib hain donon ek sadhu se
hashishi nashshe ke dariya mein ghote kha rahe hain
hashishi nashshe hi ki mauj hai goya samundar ki sada bhi
samundar ki siyahi par wo pili raushni ke phul
jahazon ne bikhere hain
andhere mein nazar aata nahin jin ka koi mastul
jahaz aaram karte hain
jahazi shahr ke ishrat-kadon mein ghota-zan honge
hujum-e-hashr-saman ke samundar mein
jahazi chand qatron ki tarah ghul-mil gae honge
yahan to narsi-sas bhi kahin bhi KHud-girafta rah nahin sakta
samundar chheDta hai sahirana simfani jis mein
nawajil dewtaon ke azal-asar shankhon ki
nawajil dewiyon ke mor-pankhon ki
sada aapas mein dhakka marti munh-zor maujon ki
sada sahil ki chaTTanon se Takraati hui pur-shor maujon ki
sada us shahr ki jo nashshe ke aalam mein jari aur sari hai
sada us shahr ki jis ke muqaddar mein hai roz o shab ki bedari
sada us shahr ki jis mein daraKHton aur parindon se ziyaada aadmi honge
sada us shahr ki jis mein ki insanon ke chhatte aasman chhute hue malum hote hain
ubal paDta hai darwazon se galiyon aur saDkon ke muhanon se
ek aadam-zad chyunTi-dal
jahan har-dam bala-raftar karon aur bason ki ham-nawa ban kar
mashinen ahd-e-hazir ka qasida paDhti rahti hain
samundar ke kinare ka mashini shahr sazina hai
jis par aatish o aahan ke naghme raqs karte hain
samundar ke kinare mard o zan ka ek samundar aur bhi hai
samundar ki sada mein us samundar ki sadaen Dub jati hain
be-karani ki sada mein
(796) ووٹ وصول ہوئے
More Ameeq Hanafi Poetry
بمبئی رات سمندر
Ameeq Hanafi - عمیق حنفی
Bambai Raat Samundar
سگریٹ جسے سلگتا ہوا کوئی چھوڑ دے
Ameeq Hanafi - عمیق حنفی
Cigarette Jise Sulagta Hua Koi Chhod De
دعا
Ameeq Hanafi - عمیق حنفی
Dua
تشنج
Ameeq Hanafi - عمیق حنفی
Tashannuj
عرض مدعا کرتے کیوں نہیں کیا ہم نے
Ameeq Hanafi - عمیق حنفی
Arz-e-muddaa Karte Kyun Nahin Kiya Humne
دونوں کا ملنا مشکل ہے دونوں ہیں مجبور بہت
Ameeq Hanafi - عمیق حنفی
Donon Ka Milna Mushkil Hai Donon Hain Majbur Bahut
اکثر رات گئے تک میں چوکھٹ پر بیٹھا رہتا ہوں
Ameeq Hanafi - عمیق حنفی
Akasr Raat Gae Tak Main Chaukhat Par Baitha Rahta Hun
ان آنکھوں میں ڈال کر جب آنکھیں اس رات
Ameeq Hanafi - عمیق حنفی
Un Aankhon Mein Dal Kar Jab Aankhen Us Raat
You can read Bambai Raat Samundar written by Ameeq Hanafi at UrduPoint. Bambai Raat Samundar is one of the masterpieces written by Ameeq Hanafi. You can also find the complete poetry collection of Ameeq Hanafi by clicking on the button 'Read Complete Poetry Collection of Ameeq Hanafi' above.
Bambai Raat Samundar is a widely read Urdu Nazam. If you like Bambai Raat Samundar, you will also like to read other famous Urdu Nazam.
You can also read Love Poetry, If you want to read more poems. We hope you will like the vast collection of poetry at UrduPoint; remember to share it with others.
Mirza Muhammad Rafi Sauda 
Allama Iqbal 
Wali Deccani 
Shakeeb Jalali 
Mir Taqi Mir 
Daagh Dehlvi 
Josh Malihabadi 
Yagana Changezi 
Qazi Ejaz Mehwar 
Sahir Sunami 
Fitrat Ansari 
Mohammad Haneef Rame 
Rozina Taranekar Dighe