شاعر کہے مجھے، بھلا کس کی مجال ہو
ہم کو خبر ہے، جیب میں پیسہ ہو مال ہو
شاعر کی شاعری نہ فقط باکمال ہو
شاعر کی ڈائری بھی بڑی بے مثال ہو
یوں ہی مشاعروں کا چلن ماہ و سال ہو
چانٹے ہو زُوم کے یونہی، شاعر کا گال ہو
اُس نے شراب پی لی تو ویٹر سے یہ کہا
لاؤ چکن تَلا ہوا، لیکن حلال ہو
بیگم سے جب کہا، مری قسمت بدل گئی
میری نظر میں تُم ہی تو زہرہ جمال ہو
یہ کہہ کہ بزم میں مجھے اُس نے سُلا دیا
شاعر ہو تم دکن کے، بڑے باکمال ہو
ہم گوشت خور جائیں وہاں کس طرح، جہاں
کھانے کو قورمہ ہو، کھلانے کو دال ہو
مجھ کو بھی کیوں مزاحیہ شاعر بنا دِیا
مجھ سے سخن شناس کا کچھ تو خیال ہو
سنجیدگی کے خول سے باہر تو آئیے
اب تو عزیز بزم میں کچھ تو دھمال ہو
عزیز بلگامی
© UrduPoint.com
All Rights Reserved
Ghulam Hamdani Mushafi 
Nasir Kazmi 
Sarwat Hussain 
Ahmed Faraz 
Noon Meem Rashid 
Shakeeb Jalali 
Shahzad Ahmed 
Behraam Ji 
Saurabh Sharma Sadaf 
Saadat Syed 
Ranjan Azar 
Ali Sajid 
Ehsan Asghar