Gharib Shahr, Urdu Nazam By Aziz Qaisi
Gharib Shahr is a famous Urdu Nazam written by a famous poet, Aziz Qaisi. Gharib Shahr comes under the Love, Sad category of Urdu Nazam. You can read Gharib Shahr on this page of UrduPoint.
غریب شہر
عزیز قیسی
عجیب ہیں مری باتیں عجیب ہے احساس
تمہیں خدا نہ کرے یہ گماں گزرتے ہوں
کہ بمبئی کا یہ گمبھیر سن رسیدہ شہر
عمارتوں کا یہ پھیلا ہوا گھنا جنگل
ملامتوں کا بلاؤں کا رقص خانہ ہے
ہر ایک شخص ہے آسیب زر میں نزع بہ لب
کہ سانس کھل نہیں سکتی ہے مر نہیں سکتا
عجیب ہیں مری باتیں عجیب ہے احساس
تمہیں خدا نہ کرے یہ گماں گزرتے ہوں
کہ بمبئی کا حسیں شہر کوئی عورت ہے
سجی سجائی سنواری ہوئی جواں عورت
پہ جس کی روح گناہوں کا اک جہنم ہے
جوان جسم جھلستے ہیں اس کے شعلوں میں
مگر یہ جان کے ہر اک جواں ہے مہر بہ لب
مرے گناہ کو رسوائیاں نہیں ملتیں
عجیب ہیں مری باتیں عجیب ہے احساس
تمہیں خدا نہ کرے یہ گماں گزرتے ہوں
یہ شہر شہر نگاران ماہ پیکر ہے
یہاں پہ چاند اندھیروں میں قتل ہوتے ہیں
یہاں ہنر کو متاع وفا میسر ہے
یہاں پہ روٹیاں رکھی ہیں جوتیوں کے تلے
عجیب ہیں مری باتیں عجیب ہے احساس
تمہیں خدا نہ کرے یہ گماں گزرتے ہوں
کہ آدمی تو بہرحال بے سہارا ہے
یہاں سوال ملے راستوں پہ سوئے ہوئے
یہاں جواب ملے الجھنوں میں کھوئے ہوئے
یہاں وہ ہاتھ ملے جن کا لمس زندہ ہے
یہاں وہ جسم ملے جن کی آگ روشن ہے
عجیب ہیں مری باتیں عجیب ہے احساس
تمہیں خدا نہ کرے یہ گماں گزرتے ہوں
اداس حبس زدہ دوپہر کا ہر لمحہ
ثبات تشنہ لبی آزما کے جاتا ہے
فسانہ شب ہجراں کا طول ہے جیسے
امید وصل میں جینا سکھا کے جاتا ہے
کچھ ایسے کٹتے ہیں دن رات کیا خبر تم کو
متاع عمر لٹاتا ہوں شہر غربت میں
تمہاری دید کی امید مٹ گئی ہوتی
تو اپنی موت اک الزام تھی محبت میں
عجیب ہیں مری باتیں عجیب ہے احساس
تمہیں خدا نہ کرے یہ گماں گزرتے ہوں
کسی اداس شب ماہ میں کبھی جب میں
گرجتے چیختے چنگھاڑتے سمندر سے
یہ پوچھتا ہوں ''تجھے کب سکون ملتا ہے
کبھی تہوں میں ہے ہلچل کبھی کناروں پر
کبھی ہے سطح پہ شوریدگی کبھی دل میں''
تو تھوڑی دیر سمندر اداس رہتا ہے
پھر اس کے بعد ملاتا ہے ہاتھ موجوں کے
خدا گواہ سمندر مجھے بلاتا ہے!
''اب آ کہ مجھ سے تری روح کو علاقہ ہے
اب آ کہ میں تو ترے پاس آ نہیں سکتا''
عجیب ہیں مری باتیں عجیب ہے احساس
تمہیں خدا نہ کرے یہ گماں گزرتے ہوں!
عزیز قیسی
© UrduPoint.com
All Rights Reserved
Aziz Qaisi Gharib Shahr
Aziz Qaisi
tumhein KHuda na kare ye guman guzarte hon
ki bambai ka ye gambhir sin-rasida shahr
imaraton ka ye phaila hua ghana jangal
malamaton ka balaon ka raqs-KHana hai
har ek shaKHs hai aaseb-e-zar mein naza-ba-lab
ki sans khul nahin sakti hai mar nahin sakta
ajib hain meri baaten ajib hai ehsas
tumhein KHuda na kare ye guman guzarte hon
ki bambai ka hasin shahr koi aurat hai
saji-sajai sanwari hui jawan aurat
pa jis ki ruh gunahon ka ek jahannam hai
jawan jism jhulaste hain us ke shoalon mein
magar ye jaan ke har ek jawan hai mohr-ba-lab
mere gunah ko ruswaiyan nahin miltin
ajib hain meri baaten ajib hai ehsas
tumhein KHuda na kare ye guman guzarte hon
ye shahr shahr nigaran-e-mah-paiakar hai
yahan pe chand andheron mein qatl hote hain
yahan hunar ko mata-e-wafa mayassar hai
yahan pe roTiyan rakkhi hain jutiyon ke tale
ajib hain meri baaten ajib hai ehsas
tumhein KHuda na kare ye guman guzarte hon
ki aadmi to bahar-haal be-sahaara hai
yahan sawal mile raston pe soe hue
yahan jawab mile uljhanon mein khoe hue
yahan wo hath mile jin ka lams zinda hai
yahan wo jism mile jin ki aag raushan hai
ajib hain meri baaten ajib hai ehsas
tumhein KHuda na kare ye guman guzarte hon
udas habs-zada dopahar ka har lamha
sabaat-e-tishna-labi aazma ke jata hai
fasana shab-e-hijran ka tul hai jaise
umid-e-wasl mein jina sikha ke jata hai
kuchh aise kaTte hain din raat kya KHabar tum ko
mata-e-umr luTata hun shahr-e-ghurbat mein
tumhaari did ki ummid miT gai hoti
to apni maut ek ilzam thi mohabbat mein
ajib hain meri baaten ajib hai ehsas
tumhein KHuda na kare ye guman guzarte hon
kisi udas shab-e-mah mein kabhi jab main
garajte chiKHte chinghaDte samundar se
ye puchhta hun tujhe kab sukun milta hai
kabhi tahon mein hai halchal kabhi kinaron par
kabhi hai sath pe shoridgi kabhi dil mein
to thoDi der samundar udas rahta hai
phir us ke baad milata hai hath maujon ke
KHuda gawah samundar mujhe bulata hai!
ab aa ki mujh se teri ruh ko ilaqa hai
ab aa ki main to tere pas aa nahin sakta
ajib hain meri baaten ajib hai ehsas
tumhein KHuda na kare ye guman guzarte hon!
(896) ووٹ وصول ہوئے
More Aziz Qaisi Poetry
بین العدمین
Aziz Qaisi - عزیز قیسی
Bain-ul-admain
رسول کاذب
Aziz Qaisi - عزیز قیسی
Rasul-e-kazib
کئی بار دور کساد میں گرے مہر و ماہ کے دام بھی
Aziz Qaisi - عزیز قیسی
Kai Bar Daur-e-kasad Mein Gire Mehr-o-mah Ke Dam Bhi
رفتگاں
Aziz Qaisi - عزیز قیسی
Raftagan
صدائے گنبد بے روزن و در
Aziz Qaisi - عزیز قیسی
Sada-e-gumbad-e-be-rauzan-o-dar
جتنے تھے رنگ حسن بیاں کے بگڑ گئے
Aziz Qaisi - عزیز قیسی
Jitne The Rang Husn-e-bayan Ke Bigad Gae
عہد نامۂ امروز
Aziz Qaisi - عزیز قیسی
Ahad-nama-e-imroz
چور بازار
Aziz Qaisi - عزیز قیسی
Chor-bazar
You can read Gharib Shahr written by Aziz Qaisi at UrduPoint. Gharib Shahr is one of the masterpieces written by Aziz Qaisi. You can also find the complete poetry collection of Aziz Qaisi by clicking on the button 'Read Complete Poetry Collection of Aziz Qaisi' above.
Gharib Shahr is a widely read Urdu Nazam. If you like Gharib Shahr, you will also like to read other famous Urdu Nazam.
You can also read Love Poetry, If you want to read more poems. We hope you will like the vast collection of poetry at UrduPoint; remember to share it with others.
Mir Taqi Mir 
Zafar Iqbal 
Daniyal Tareer 
Parveen Shakir 
Irfan Siddiqui 
Ghulam Hamdani Mushafi 
Daagh Dehlvi 
Allama Iqbal 
Ismail Merathi 
Anwar Saharanpuri 
Ain Rashid 
Akhtar Sheerani 
Khan Janbaz