Aaj Bhi Kaflah Ishhq Rawan Hai Ke Jo Tha

آج بھی قافلۂ عشق رواں ہے کہ جو تھا

آج بھی قافلۂ عشق رواں ہے کہ جو تھا

وہی میل اور وہی سنگ نشاں ہے کہ جو تھا

پھر ترا غم وہی رسوائے جہاں ہے کہ جو تھا

پھر فسانہ بحدیث دگراں ہے کہ جو تھا

منزلیں گرد کے مانند اڑی جاتی ہیں

وہی انداز جہان گزراں ہے کہ جو تھا

ظلمت و نور میں کچھ بھی نہ محبت کو ملا

آج تک ایک دھندلکے کا سماں ہے کہ جو تھا

یوں تو اس دور میں بے کیف سی ہے بزم حیات

ایک ہنگامہ سر رطل گراں ہے کہ جو تھا

لاکھ کر جور و ستم لاکھ کر احسان و کرم

تجھ پہ اے دوست وہی وہم و گماں ہے کہ جو تھا

آج پھر عشق دو عالم سے جدا ہوتا ہے

آستینوں میں لیے کون و مکاں ہے کہ جو تھا

عشق افسردہ نہیں آج بھی افسردہ بہت

وہی کم کم اثر سوز نہاں ہے کہ جو تھا

نظر آ جاتے ہیں تم کو تو بہت نازک بال

دل مرا کیا وہی اے شیشہ گراں ہے کہ جو تھا

جان دے بیٹھے تھے اک بار ہوس والے بھی

پھر وہی مرحلۂ سود و زیاں ہے کہ جو تھا

آج بھی صید گہ عشق میں حسن سفاک

لیے ابرو کی لچکتی سی کماں ہے کہ جو تھا

پھر تری چشم سخن سنج نے چھیڑی کوئی بات

وہی جادو ہے وہی حسن بیاں ہے کہ جو تھا

رات بھر حسن پر آئے بھی گئے سو سو رنگ

شام سے عشق ابھی تک نگراں ہے کہ جو تھا

جو بھی کر جور و ستم جو بھی کر احسان و کرم

تجھ پہ اے دوست وہی وہم و گماں ہے کہ جو تھا

آنکھ جھپکی کہ ادھر ختم ہوا روز وصال

پھر بھی اس دن پہ قیامت کا گماں ہے کہ جو تھا

قرب ہی کم ہے نہ دوری ہی زیادہ لیکن

آج وہ ربط کا احساس کہاں ہے کہ جو تھا

تیرہ بختی نہیں جاتی دل سوزاں کی فراقؔ

شمع کے سر پہ وہی آج دھواں ہے کہ جو تھا

فراق گورکھپوری

© UrduPoint.com

All Rights Reserved

(2422) ووٹ وصول ہوئے

Your Thoughts and Comments

Aaj Bhi Kaflah Ishhq Rawan Hai Ke Jo Tha by Firaq Gorakhpuri - Read Firaq Gorakhpuri's best Shayari Aaj Bhi Kaflah Ishhq Rawan Hai Ke Jo Tha at UrduPoint. Here you can read the best poetry Aaj Bhi Kaflah Ishhq Rawan Hai Ke Jo Tha of Firaq Gorakhpuri. Aaj Bhi Kaflah Ishhq Rawan Hai Ke Jo Tha is the most famous poetry by Firaq Gorakhpuri. People love to read poetry by Firaq Gorakhpuri, and Aaj Bhi Kaflah Ishhq Rawan Hai Ke Jo Tha by Firaq Gorakhpuri is best among the whole collection of poetry by Firaq Gorakhpuri.

Firaq Gorakhpuri is the most famous Urdu Poet. Therefore, people love to read Urdu Poetry of Firaq Gorakhpuri. At UrduPoint, you can find the complete collection of Urdu Poetry of Firaq Gorakhpuri. On this page, you can read Aaj Bhi Kaflah Ishhq Rawan Hai Ke Jo Tha by Firaq Gorakhpuri. Aaj Bhi Kaflah Ishhq Rawan Hai Ke Jo Tha is the best poetry by Firaq Gorakhpuri.

Read the Firaq Gorakhpuri's best poetry Aaj Bhi Kaflah Ishhq Rawan Hai Ke Jo Tha here at UrduPoint; you will surely like it. If we make a list of Firaq Gorakhpuri's best Shayari, Aaj Bhi Kaflah Ishhq Rawan Hai Ke Jo Tha of Firaq Gorakhpuri will be at the top. Many people, who love the Urdu Shayari of Firaq Gorakhpuri, regard it as the best poetry Aaj Bhi Kaflah Ishhq Rawan Hai Ke Jo Tha of Firaq Gorakhpuri.

We recommend you read the most famous poetry, Aaj Bhi Kaflah Ishhq Rawan Hai Ke Jo Tha of Firaq Gorakhpuri here, you will surely love it. Also, don't forget to share it with others.