Bayad E Ahmad Faraz, Urdu Ghazal By Irfan Sattar
Bayad E Ahmad Faraz is a famous Urdu Ghazal written by a famous poet, Irfan Sattar. Bayad E Ahmad Faraz comes under the Sad, Social, Friendship, Heart Broken, Hope category of Urdu Ghazal. You can read Bayad E Ahmad Faraz on this page of UrduPoint.
بیاد ِ احمد فراز
عرفان ستار
بیاد ِ احمد فراز
تُو کہ ہم سے ہے بصد ناز گریزاں جاناں
’’یاد کیا تجھ کو دلائیں ترا پیماں جاناں’’
چل یہ مانا کہ تجھے یاد نہیں کچھ بھی۔ مگر
یہ چمکتا ہوا کیا ہے سر ِ مژگاں جاناں
آج قدموں تلے روندی ہے کلاہ ِ پندار
آج وا مجھ پہ ہوا ہے در ِ امکاں جاناں
میں بھی کیا چیز ہوں آخر، جو یہاں میرے لے
ہیں فنا اور بقا دست و گریباں جاناں
خواب، تنہائی، تری یاد، مرا ذوق ِ سخن
عمر بھر کے لیے کافی ہے یہ ساماں جاناں
زندگی ٹھہری ہوئی، اور گزرتی ہوئی عمر
دیکھ کیا کچھ ہے یہاں ساکت و جنباں جاناں
جتنی زنجیر ہے، اُتنی ہی مری حدّ ِ سفر
ہے مری حدّ ِ نظر وسعت ِ زنداں جاناں
ابھی حالات موافق ہیں تو کچھ طے کرلیں
کتنا ٹھہرے گی بھلا گردش ِ دوراں جاناں
اک ترے غم کی کمی تھی تری دیوانے کو
ورنہ وحشت تو یہاں تھی ہی فراواں جاناں
درد تازہ بھی ہے، گہرا بھی ہے، جاں سوز بھی ہے
کوئی مرہم، کوئی نشتر، کوئی درماں جاناں
اپنا تو ایک ہی لہجہ ہے یہ، سیدھا، سچا
بزم ِ احباب ہو، یا بزم ِ حریفاں جاناں
اور ہوں گے جو ترے عشق کی تشہیر کریں
ہم نہیں وہ، جو کریں چاک گریباں جاناں
پوچھتا رہتا ہوں اکثر، کہ ہُوا کیا ہے تجھے؟
کچھ بتاتا ہی نہیں ہے دل ِ ناداں جاناں
جُز دعا نذرگزارے گا تجھے کیا یہ فقیر؟
جا تری خیر، خدا تیرا نگہباں جاناں
’’خلقت ِ شہر تو کہنے کو فسانے مانگے’’
ہم بہت خوش ہیں ترے بعد، ارے ہاں جاناں
ہم جہاں جائیں یونہی خاک اڑاتے جائیں
پاوٗں کے ساتھ بندھا ہے یہ بیاباں جاناں
یاد آتا تو بہت ہوگا تجھے جان ِ فراز
کس قدر پیار سے کہتا تھا وہ جاناں، جاناں
ہائے کیا وقت تھا، اس بام پہ ہوتے تھے فراز
اب جہاں ہوتا ہے عرفان غزل خواں، جاناں
عرفان ستار
© UrduPoint.com
All Rights Reserved
(2221) ووٹ وصول ہوئے
Related Irfan Sattar Poetry
Related Poetry
More Irfan Sattar Poetry
یوں ہی اک دن خاموشی سے ڈھے جاوں گا
Irfan Sattar - عرفان ستار
Yun Hi Aik Din Khamoshi Se Dhey Jaoon Ga
پیارے جدا ہوئے ہیں، چھوٹا ہے گھر ہمارا
Irfan Sattar - عرفان ستار
Pyare Juda Hoe Hain Chota Hai Ghar Hamara
مرے خوابوں سے اوجھل اس کا چہرہ ہو گیا ہے
Irfan Sattar - عرفان ستار
Maray Khowabon Se Ojhal Is Ka Chehra Ho Gaya Hai
قصوں کو سچ ماننے والے، دیکھ لیا انجام
Irfan Sattar - عرفان ستار
Qisoon Ko Sach Manne Wale Dekh Liya Anjaam
جو بے رخی کا رنگ بہت تیز مجھ میں ہے
Irfan Sattar - عرفان ستار
Jo Be Rukhi Ka Rang Bohat Taiz Mujh Main Hai
بہت خجل ہیں کہ ہم رائگاں بھی زندہ رہے
Irfan Sattar - عرفان ستار
Buhat Khajjal Hain K Hum Raigaan Bhi Zinda Rahe
امکان دیکھنے کو رکا تھا میں جست کا
Irfan Sattar - عرفان ستار
Imkan Dekhne Ko Ruka Tha Main Jist Ka
اب آ بھی جاؤ، بہت دن ہوئے ملے ہوئے بھی
Irfan Sattar - عرفان ستار
Ab A Bhi Jao, Bohat Din Howay Milay Howay Bhi
You can read Bayad E Ahmad Faraz written by Irfan Sattar at UrduPoint. Bayad E Ahmad Faraz is one of the masterpieces written by Irfan Sattar. You can also find the complete poetry collection of Irfan Sattar by clicking on the button 'Read Complete Poetry Collection of Irfan Sattar' above.
Bayad E Ahmad Faraz is a widely read Urdu Ghazal. If you like Bayad E Ahmad Faraz, you will also like to read other famous Urdu Ghazal.
You can also read Sad Poetry, If you want to read more poems. We hope you will like the vast collection of poetry at UrduPoint; remember to share it with others.