Khawab Ki Halaton Ke Sath Teri Hakaieto Mein Hain

خواب کی حالتوں کے ساتھ تیری حکایتوں میں ہیں

خواب کی حالتوں کے ساتھ تیری حکایتوں میں ہیں

ہم بھی دیار اہل دل تیری روایتوں میں ہیں

وہ جو تھے رشتہ ہائے جاں، ٹوٹ سکے بھلا کہاں

جان وہ رشتہ ہائے جاں اب بھی شکایتوں میں ہیں

ایک غبار ہے کہ ہے دائرہ وار پر فشاں

قافلہ ہائے کہکشاں تنگ ہیں وحشتوں میں ہیں

وقت کی درمیانیاں کر گئیں جاں کنی کو جاں

وہ جو عداوتیں کہ تھیں آج محبتوں میں ہیں

پرتو رنگ ہے کہ ہے دید میں جانشین رنگ

رنگ کہاں ہیں رونما رنگ تو نکہتوں میں ہیں

ہے یہ وجود کی نمود اپنی نفس نفس گریز

وقت کی ساری بستیاں، اپنی ہزیمتوں میں ہیں

گرد کا سارا خانماں ہے سر دشت بے اماں

شہر ہیں وہ جو ہر طرح گرد کی خدمتوں میں ہیں

وہ دل و جان صورتیں جیسے کبھی نہ تھیں کہیں

ہم انہیں صورتوں کے ہیں ہم انہیں صورتوں میں ہیں

میں نہ سنوں گا ماجرا معرکہ ہائے شوق کا

خون گئے ہیں رائیگاں رنگ ندامتوں میں ہیں

جون ایلیا

© UrduPoint.com

All Rights Reserved

(592) ووٹ وصول ہوئے

Your Thoughts and Comments

Urdu Nazam Poetry of Jaun Elia, Khawab Ki Halaton Ke Sath Teri Hakaieto Mein Hain in Urdu. This famous Urdu Shayari is a Ghazal, and the type of this Nazam is Sad Urdu Poetry. Also there are 195 Urdu poetry collection of the poet published on the site. The average rating for this Urdu Shayari by our users is 5 out of 5 stars. Read the Sad poetry online by the poet. You can also read Best Urdu Nazam and Top Urdu Ghazal of Jaun Elia.