Etimad, Urdu Nazam By Kafeel Aazar Amrohvi

Etimad is a famous Urdu Nazam written by a famous poet, Kafeel Aazar Amrohvi. Etimad comes under the Love, Sad category of Urdu Nazam. You can read Etimad on this page of UrduPoint.

Urdu Poem English Poem

اعتماد

کفیل آزر امروہوی

میں نے سوچا تھا کہ اس بار تمہاری باہیں

میری گردن میں بصد شوق حمائل ہوں گی

مشکلیں راہ محبت میں نہ حائل ہوں گی

میں نے سوچا تھا کہ اس بار نگاہوں کے سلام

آئیں گے اور بہ انداز دگر آئیں گے

پھول ہی پھول فضاؤں میں بکھر جائیں گے

میں نے سوچا تھا کہ اس بار تمہاری سانسیں

میری بہکی ہوئی سانسوں سے لپٹ جائیں گی

بزم احساس کی تاریکیاں چھٹ جائیں گی

میں نے سوچا تھا کہ اس بار تمہارا پیکر

میرے بے خواب دریچوں کو سلا جائے گا

میرے کمرے کو سلیقے سے سجا جائے گا

میں نے سوچا تھا کہ اس بار مرے آنگن میں

رنگ بکھریں گے امیدوں کی دھنک ٹوٹے گی

میری تنہائی کے عارض پہ شفق پھوٹے گی

میں نے سوچا تھا کہ اس بار بایں صورت حال

میرے دروازے پہ شہنائیاں سب دیکھیں گے

جو کبھی پہلے نہیں دیکھا تھا اب دیکھیں گے

میں نے سوچا تھا کہ اس بار محبت کے لیے

گنگناتے ہوئے جذبوں کی برات آئے گی

مدتوں بعد تمناؤں کی رات آئے گی

تم مرے عشق کی تقدیر بنو گی اس بار

جیت جائے گا مرا جوش جنوں سوچا تھا

اور اب سوچ رہا ہوں کہ یہ کیوں سوچا تھا

کفیل آزر امروہوی

Previous More Love Poetry Next

Kafeel Aazar Amrohvi

Etimad

Kafeel Aazar Amrohvi

main ne socha tha ki is bar tumhaari bahen
meri gardan mein ba-sad-shauq hamail hongi
mushkilen rah-e-mohabbat mein na hail hongi

main ne socha tha ki is bar nigahon ke salam
aaenge aur ba-andaz-e-digar aaenge
phul hi phul fazaon mein bikhar jaenge

main ne socha tha ki is bar tumhaari sansen
meri bahki hui sanson se lipaT jaengi
bazm-e-ehsas ki tarikiyan chhaT jaengi

main ne socha tha ki is bar tumhaara paikar
mere be-KHwab darichon ko sula jaega
mere kamre ko saliqe se saja jaega

main ne socha tha ki is bar mere aangan mein
rang bikhrenge umidon ki dhanak TuTegi
meri tanhai ke aariz pe shafaq phuTegi

main ne socha tha ki is bar ba-in surat-e-haal
mere darwaze pe shahnaiyan sab dekhenge
jo kabhi pahle nahin dekha tha ab dekhenge

main ne socha tha ki is bar mohabbat ke liye
gungunate hue jazbon ki baraat aaegi
muddaton baad tamannaon ki raat aaegi

tum mere ishq ki taqdir banogi is bar
jit jaega mera josh-e-junun socha tha
aur ab soch raha hun ki ye kyun socha tha

Facebook Twitter Reddit Pinterest Whatsapp

(671) ووٹ وصول ہوئے

You can read Etimad written by Kafeel Aazar Amrohvi at UrduPoint. Etimad is one of the masterpieces written by Kafeel Aazar Amrohvi. You can also find the complete poetry collection of Kafeel Aazar Amrohvi by clicking on the button 'Read Complete Poetry Collection of Kafeel Aazar Amrohvi' above.

Etimad is a widely read Urdu Nazam. If you like Etimad, you will also like to read other famous Urdu Nazam.

You can also read Love Poetry, If you want to read more poems. We hope you will like the vast collection of poetry at UrduPoint; remember to share it with others.