Status Marriage, Urdu Nazam By Khalid Irfan

Status Marriage is a famous Urdu Nazam written by a famous poet, Khalid Irfan. Status Marriage comes under the Funny category of Urdu Nazam. You can read Status Marriage on this page of UrduPoint.

Urdu Poem English Poem

اسٹیٹس میرج

خالد عرفان

میں نے اسٹیٹس کی خاطر کر تو لی شادی مگر

مشرقی شوہر کو دن میں آ گئے تارے نظر

ناؤ جو مجھ کو ملی زندہ تھا اس کا ناخدا

میری منظور نظر پہلے سے تھی شادی شدا

بر بنائے مصلحت مجھ کو حسیں لگتی تھی وہ

تھی ''سٹیزن'' اور کہیں سے زن نہیں لگتی تھی وہ

ایسے ایسے گل کھلائے اس بت گلفام نے

مرغ کو الو بنا دیتی تھی میرے سامنے

کیا پتہ تھا مجھ کو پچھتانا پڑے گا عمر بھر

میں نے اسٹیٹس کی خاطر کر تو لی شادی مگر

میں اسے شادی سے پہلے ان جلی کہتا رہا

نیم کی ٹہنی کو بھی چمپا کلی کہتا رہا

مصر کی کالی ہو یا ہو چین کی چپٹی کوئی

کاربن کاپی کو اوراق جلی کہتا رہا

ایک چینی سے کہا تم شربت عناب ہو

اور اک مصری کو مصری کی ڈلی کہتا رہا

ایک پستہ قد تھی جس کو پدمنی کہتا تھا میں

بنت افریقہ کو ہیرے کی کنی کہتا تھا میں

میری مجبوری نے اوڑھا تھا غلاف مصلحت

زہر لگتی تھی مگر اس کو ''ہنی'' کہتا تھا میں

اس کے خراٹوں کو فطری بانکپن کہنا پڑا

فل بدن عورت تھی جس کو گل بدن کہنا پڑا

مٹ گئے تھے اس کی تحریروں کے سب زیر و زبر

میں نے اسٹیٹس کی خاطر کر تو لی شادی مگر

ہر ڈیزائن ہر کلر کا آشنا رکھتی تھی وہ

اور تلاش بر کا جاری سلسلہ رکھتی تھی وہ

ایک شوہر روس کا اک چین کا رکھتی تھی وہ

اپنے بستر پر جنوبی ایشیا رکھتی تھی وہ

بند مجھ پہ کر دیئے سب پیار کے رستے مگر

سابقہ شوہر پہ دروازہ کھلا رکھتی تھی وہ

پر تپاک اتنی کہ مجھ پر بھونکنے کے واسطے

صحن میں اپنے سگان خوش نوا رکھتی تھی وہ

ساری دنیا کی خبر رکھتی تھی خود سے بے خبر

میں نے اسٹیٹس کی خاطر کر تو لی شادی مگر

ممی ڈیڈی سے جدا ماموں ممانی کے بغیر

اس کے نانا بھی گزر کرتے تھے نانی کے بغیر

تھا لڑکپن سے اسے ذوق کتب بینی مگر

زندہ رہتی تھی کتاب آسمانی کے بغیر

اس نئی بیوی میں ایسا مغربی انداز تھا

دن مرے آرام سے گزرے پرانی کے بغیر

وہ بھی کچھ اردو میں کر لیتی تھی ٹامک ٹوئیاں

میں بھی انگلش بول لیتا تھا روانی کے بغیر

مجھ سے کہتی تھی صفائی نصف ایماں ہے مگر

ریسٹ روم اٹھ کر چلی جاتی تھی پانی کے بغیر

واقف اٹلانٹک تھی بے نیاز خشک و تر

میں نے اسٹیٹس کی خاطر کر تو لی شادی مگر

خالد عرفان

Previous More Funny Poetry Next

Khalid Irfan

Status Marriage

Khalid Irfan

main ne status ki KHatir kar to li shadi magar
mashriqi shauhar ko din mein aa gae tare nazar

naw jo mujh ko mili zinda tha is ka naKHuda
meri manzur-e-nazar pahle se thi shadi-shuda

bar-banae-maslahat mujh ko hasin lagti thi wo
thi citizen aur kahin se zan nahin lagti thi wo

aaise aaise gul khilae us but-e-gulfam ne
murgh ko ullu bana deti thi mere samne

kya pata tha mujh ko pachhtana paDega umr bhar
main ne status ki KHatir kar to li shadi magar

main use shadi se pahle an-jali kahta raha
nim ki Tahni ko bhi champa-kali kahta raha

misr ki kali ho ya ho chin ki chipTi koi
carbon copy ko auraq-e-jali kahta raha

ek chini se kaha tum sharbat-e-unnab ho
aur ek misri ko misri ki Dali kahta raha

ek pasta-qad thi jis ko padmani kahta tha main
bint-e-africa ko hire ki kani kahta tha main

meri majburi ne oDha tha ghilaf-e-maslahat
zahar lagti thi magar us ko honey kahta tha main

us ke KHarraTon ko fitri bankpan kahna paDa
ful badan aurat thi jis ko gul-badan kahna paDa

miT gae the us ki tahriron ke sab zer-o-zabar
main ne status ki KHatir kar to li shadi magar

har design har color ka aashna rakhti thi wo
aur talash-e-bar ka jari silsila rakhti thi wo

ek shauhar rus ka ek chin ka rakhti thi wo
apne bistar par junubi-asia rakhti thi wo

band mujh pe kar diye sab pyar ke raste magar
sabiqa shauhar pe darwaza khula rakhti thi wo

pur-tapak itni ki mujh par bhunkne ke waste
sehn mein apne sagan-e-KHush-nawa rakhti thi wo

sari duniya ki KHabar rakhti thi KHud se be-KHabar
main ne status ki KHatir kar to li shadi magar

mammy daddy se juda mamun mamani ke baghair
us ke nana bhi guzar karte the nani ke baghair

tha laDakpan se use zauq-e-kutub-bini magar
zinda rahti thi kitab-e-asmani ke baghair

us nai biwi mein aisa maghribi andaz tha
din mere aaram se guzre purani ke baghair

wo bhi kuchh urdu mein kar leti thi Tamak-Toiyyan
main bhi english bol leta tha rawani ke baghair

mujh se kahti thi safai nisf iman hai magar
rest-room uTh kar chali jati thi pani ke baghair

waqif-e-atlantic thi be-niyaz-e-KHushk-o-tar
main ne status ki KHatir kar to li shadi magar

Facebook Twitter Reddit Pinterest Whatsapp

(1384) ووٹ وصول ہوئے

You can read Status Marriage written by Khalid Irfan at UrduPoint. Status Marriage is one of the masterpieces written by Khalid Irfan. You can also find the complete poetry collection of Khalid Irfan by clicking on the button 'Read Complete Poetry Collection of Khalid Irfan' above.

Status Marriage is a widely read Urdu Nazam. If you like Status Marriage, you will also like to read other famous Urdu Nazam.

You can also read Funny Poetry, If you want to read more poems. We hope you will like the vast collection of poetry at UrduPoint; remember to share it with others.