Aik Dِya, Urdu Nazam By Masood Uzzafer

خونِ جِگر جلا کے ہم نے

ایک دِیا جلایا ہم نے

آئے گی بہار ایک دن

خواب یہ سجایا ہم نے

رات یوں گُزرے گی

جیسے چاندنی ہوگی

امن کی صدائیں ہوگی

سکون و آشتی ہوگی

زندگی کی سانسوں میں

کوئی نہ کمی ہوگی

کیا پتا تھا نہ آئے گی

کچھ ایسی بے بسی ہو گی

نہ جانے کیوں اندھیری ہو گئی

دن میں بھی سیاہی ہو گی

آزادی میں اسیری ہوگی

ہتھکڑی ہوگی زباں پہ بھی

نگاہ وہ دکھائے گی

جس میں نہ آگہی ہو گئی

سب کچھ جس کے بس میں ہو

زندگی اُسی کی ہو گی

محنت سے جو فاقے مٹائے

اس کے بس میں بے بسی ہوگی

موت ناچتی ہوں گی

لہو کو چاٹتی ہوگی

آگ ایک ایسی ہو گی

جو بجھائے سے بھڑکتی ہو گی

حیوانیت شرمائے گی

کچھ ایسی انسانیت ہوگی

لاش ایک ایسی ہو گی

جو بغیر سر کے ہو گئی

ناچے ایوانوں میں گھنگروں

بستی میں موت ناچتی ہوں گی

عصبیتوں کے نعرے ہوں گے

آستینوں میں خنجر ہونگے

دیا یہ جلائے رکھنا

خواب یہ سجائے رکھنا

دُھل جائے گا ضلالت کا چہرہ

صبح ہو گئی دن آئے گا

ہم سے بھی کچھ مطلوب ہے کیا

ہر ایک کو یہ سوچنا ہوگا

قدریں زندہ رکھنے کو کچھ

نفس اپنا مارنا ہوگا

ظلم کے اندھیرے میں راہ دکھائے

جو آنکھ میں بصیرت کا دیا ہوگا

بس یہی پیغام دینا تھا

مل جاؤ اگر تو اجالا ہوگا