Aaina, Urdu Nazam By Mirza Abdul Aleem Baig

آئینہ بھی اب بولنے لگا ہے

جب بھی میں گزرتا ہوں اپنے کمرے سے

آتے جاتے مجھ سے پوچھتا ہے

یہ مجھ سے باتیں کرتا ہے

یہ میرے حالات پہ نکتہ چینی کرتا ہے

بلکل ایسے جیسے وہ جائزہ لے رہا ہو میرا

’کہاں گئی وہ مسکراہٹ تیری؟‘

’تیرے ماتھے پر شکن گہرے کیوں ہیں؟‘

’آنکھوں کی شرارت کدھر گئی؟‘

’وہ منچلا سا دل کہاں رہ گیا؟‘

کبھی تو بے تکلفی سے پوچھتا ہے

’ایسا کیا ہے جو کھو گیا ہے؟‘

’کوئی تجھ سے روٹھ گیا ہے؟‘

’کیسی کا انتظار ہے کیا؟‘

’کوئی دل توڑ گیا کیا؟‘

’کوئی تنہا چھوڑ گیا کیا؟‘

’کیسی کے وعدے ستاتے ہیں کیا؟‘

’کیسی کی بے وفائی تڑپاتی ہے کیا؟‘

اس آئینے کو بہت خاموش کروایا

چپ تو ہو جاتا ہے مگر دیکھتا رہتا ہے

خدا جانے یہ آئینہ اتنا پوچھتا کیوں ہے؟

خدا جانے یہ آئینہ اتنا بولتا کیوں ہے؟