Wasiyyat, Urdu Nazam By Muzaffar Hanfi
Wasiyyat is a famous Urdu Nazam written by a famous poet, Muzaffar Hanfi. Wasiyyat comes under the Social category of Urdu Nazam. You can read Wasiyyat on this page of UrduPoint.
وصیت
مظفر حنفی
گڈو بیٹے روتے کیوں ہو
قصہ سننے کی خواہش ہے
اچھا اپنے آنسو پونچھو
لو ہم اک قصہ کہتے ہیں
اکسٹھ سال گزرتے ہیں
افغانوں کی اک بستی میں لڈن خاں نے جنم لیا تھا
داروغہ کے بیٹے تھے وہ نانا ان کے مولانا تھے
کھاتا پیتا گھر تھا ان کا
لڈن خاں اچھے بچے تھے بالکل ویسے جیسے تم ہو
ان کے گھر والے بھی ان سے اتنی ہی الفت کرتے تھے جتنی ہم تم سے کرتے ہیں
جب وہ تھوڑے بڑے ہوئے تو
نانا ان کو مکتب میں داخل کر آئے
لڈن خاں نے پڑھنا سیکھا
لکھنا سیکھا لڑنا سیکھا آخر وہ افغانی بھی تھے
چودہ پندرہ برسوں ہی میں لڈن خاں کو یہ بے فکری راس نہ آئی
نانا اور ابو دونوں نے لڈن خاں سے کٹی کر لی
مرنا جینا تم کیا سمجھو
تب مجبوراً
لڈن خاں نے پڑھنا چھوڑا
اپنے گھر سے نانا جوڑا
ٹیوشن کرتے لشٹم پشٹم اپنے گھر کا خرچ چلاتے
ان کی اماں کو راجہ سے تھوڑی سی پنشن ملتی تھی کام کسی صورت چل جاتا
ماں نے ان کی شادی کر دی
لیکن بیوی خوش قسمت تھی جس نے جلد ہی کئی کر لی
گڈو بیٹے
ہونی ہو کر ہی رہتی ہے
مکتب میں رہ کر لڈن خاں غزلیں کہنا سیکھ چکے تھے
افغانی ہونے کے ناتے لوگوں سے ڈرتے بھی نہیں تھے
اپنی غزلوں میں نظموں میں تیکھی تیکھی باتیں کہتے لوگوں پر پھبتی کستے تھے
اپنے ہوں یا غیر سبھی پر
سچ کہنے میں سچ لکھنے میں باک نہ کرتے یہ تو ایک نشہ ہوتا ہے
بس پھر کیا تھا اپنے غیر سبھی ان کے دشمن بن بیٹھے
ٹیوشن چھوٹے وے مینی کی وے مینی سے منشی گیری
در در بھٹکے باز نہ آئے
کڑوی تیکھی غزلیں نظمیں کہہ کہہ کر انبار لگایا
اتنے سے بھی چل سکتا تھا
لیکن وہ تو راجہ جی پر پھبتی کس کر امی کی پنشن لے ڈوبے
بولو ان کی کیا اٹکی تھی راجہ جو کچھ بھی کرتا تھا لڈن خاں سے کیا مطلب تھا
امی بیچاری اس غم میں کڑھ کڑھ کر پردیس سدھاریں یوں سمجھو بس روٹھ گئیں وہ لڈن خاں سے
لیکن بیٹا مرنے میں پیسے لگتے ہیں لڈن خاں نے گھر بھی بیچا
آگے پیچھے کوئی نہیں تھا اب تو لڈن خاں کھل کھیلے
سچی سچی باتیں کہہ کر کڑوی تیکھی غزلیں لکھ کر زہر آلودہ نظمیں پڑھ کر
ایک سرے سے سب لوگوں کو دشمن در دشمن کر بیٹھے
ساری دنیا دشمن ہو تو لڈن خاں بچتے بھی کیسے
سب نے مل کر گھیرا ڈالا
آگے دشمن پیچھے دشمن دائیں دشمن بائیں دشمن اوپر دشمن نیچے دشمن
لڈن خاں میں عقل نہیں تھی اب بھی چکنی چپڑی باتیں کر کے چپکے سے بچ لیتے
لڈن خاں نے اپنی غزلیں اپنی نظمیں ساری چیزیں چھوڑ کر
چپکے سے مر جانے ہی کو بہتر جانا
گڈو میرے پیارے بیٹے
میرے راج دلارے بیٹے
دیکھو تم غزلیں مت کہنا
بیٹے تم نظمیں مت لکھنا
لکھنا ہی پڑ جائے تو پھر سچ مت لکھنا
دیکھو بیٹا
سچ مت لکھنا
سچ مت لکھنا
مظفر حنفی
© UrduPoint.com
All Rights Reserved
Wasiyyat
Muzaffar Hanfi
qissa sunne ki KHwahish hai
achchha apne aansu ponchho
lo hum ek qissa kahte hain
iksaTh sal guzarte hain
afghanon ki ek basti mein laDDan-KHan ne janm liya tha
darogha ke beTe the wo nana un ke maulana the
khata-pita ghar tha un ka
laDDan-KHan achchhe bachche the bilkul waise jaise tum ho
un ke ghar wale bhi un se utni hi ulfat karte the jitni hum tum se karte hain
jab wo thoDe baDe hue to
nana un ko maktab mein daKHil kar aae
laDDan-KHan ne paDhna sikha
likhna sikha laDna sikha aaKHir wo afghani bhi the
chaudah pandrah barson hi mein laDDan-KHan ko ye be-fikri ras na aai
nana aur abbu donon ne laDDan-KHan se kaTTi kar li
marna jina tum kya samjho
tab majburan
laDDan-KHan ne paDhna chhoDa
apne ghar se nana joDa
Tuition karte lashTam-pashTam apne ghar ka KHarch chalate
un ki amman ko raja se thoDi si pension milti thi kaam kisi surat chal jata
man ne un ki shadi kar di
lekin biwi KHush-qismat thi jis ne jald hi kai kar li
guDDu beTe
honi ho kar hi rahti hai
maktab mein rah kar laDDan-KHan ghazlen kahna sikh chuke the
afghani hone ke nate logon se Darte bhi nahin the
apni ghazlon mein nazmon mein tikhi tikhi baaten kahte logon par phabti kaste the
apne hon ya ghair sabhi par
sach kahne mein sach likhne mein bak na karte ye to ek nasha hota hai
bas phir kya tha apne ghair sabhi un ke dushman ban baiThe
Tuition chhuTe wi-meni ki wi-meni se munshi-giri
dar dar bhaTke baz na aae
kaDwi tikhi ghazlen nazmen kah kah kar ambar lagaya
itne se bhi chal sakta tha
lekin wo to raja-ji par phabti kas kar ammi ki pension le Dube
bolo un ki kya aTki thi raja jo kuchh bhi karta tha laDDan-KHan se kya matlab tha
ammi bechaari is gham mein kuDh kuDh kar pardes sidhaarin yun samjho bas ruTh gain wo laDDan-KHan se
lekin beTa marne mein paise lagte hain laDDan-KHan ne ghar bhi becha
aage pichhe koi nahin tha ab to laDDan-KHan khul-khele
sachchi sachchi baaten kah kar kaDwi tikhi ghazlen likh kar zahr-aluda nazmen paDh kar
ek sire se sab logon ko dushman-dar-dushman kar baiThe
sari duniya dushman ho to laDDan-KHan bachte bhi kaise
sab ne mil kar ghera Dala
aage dushman pichhe dushman daen dushman baen dushman upar dushman niche dushman
laDDan-KHan mein aql nahin thi ab bhi chikni-chupDi baaten kar ke chupke se bach lete
laDDan-KHan ne apni ghazlen apni nazmen sari chizen chhoD kar
chupke se mar jaane hi ko behtar jaana
guDDu mere pyare beTe
mere raj dulare beTe
dekho tum ghazlen mat kahna
beTe tum nazmen mat likhna
likhna hi paD jae to phir sach mat likhna
dekho beTa
sach mat likhna
sach mat likhna
(502) ووٹ وصول ہوئے
Related Muzaffar Hanfi Poetry
More Muzaffar Hanfi Poetry
اپنے چاروں جانب دیکھو
Muzaffar Hanfi - مظفر حنفی
Apne Chaaron Jaanib Dekho
یہ سچ ہے کوئی رہنما ٹھیک نئیں
Muzaffar Hanfi - مظفر حنفی
Ye Sach Hai Koi Rahnuma Thik Nain
لڑنا ٹھیک نہیں
Muzaffar Hanfi - مظفر حنفی
Ladna Thik Nahin
بزدلی
Muzaffar Hanfi - مظفر حنفی
Buz-dili
کون کیا کھاتا ہے
Muzaffar Hanfi - مظفر حنفی
Kaun Kya Khata Hai
اس نے ہم کو جھیل ترائی اور پہاڑ دئے
Muzaffar Hanfi - مظفر حنفی
Usne Hum Ko Jhil Tarai Aur Pahad Diye
سوکھا بانجھ مہینہ مولا پانی دے
Muzaffar Hanfi - مظفر حنفی
Sukha Banjh Mahina Maula Pani De
ضرب الامثال
Muzaffar Hanfi - مظفر حنفی
Zarb-ul-amsal
You can read Wasiyyat written by Muzaffar Hanfi at UrduPoint. Wasiyyat is one of the masterpieces written by Muzaffar Hanfi. You can also find the complete poetry collection of Muzaffar Hanfi by clicking on the button 'Read Complete Poetry Collection of Muzaffar Hanfi' above.
Wasiyyat is a widely read Urdu Nazam. If you like Wasiyyat, you will also like to read other famous Urdu Nazam.
You can also read Social Poetry, If you want to read more poems. We hope you will like the vast collection of poetry at UrduPoint; remember to share it with others.