Ek Actress, Urdu Nazam By Naresh Kumar Shad

Ek Actress is a famous Urdu Nazam written by a famous poet, Naresh Kumar Shad. Ek Actress comes under the Love, Sad category of Urdu Nazam. You can read Ek Actress on this page of UrduPoint.

Urdu Poem English Poem

ایک ایکٹرس

نریش کمار شاد

وہ لڑکی وہ معصوم الھڑ سی لڑکی

کسی آرزو کی طرح دل نشیں تھی

شعاع سحر کی طرح تھی اچھوتی

بہاروں ستاروں کا خواب حسیں تھی

بہاروں ستاروں کا وہ خواب لیکن

نرالی ہی تعبیر میں ڈھل رہا ہے

وہ معصوم دل جو چراغ وفا تھا

ہوس کی بھری بزم میں جل رہا ہے

وہ جلتے ہوئے کچھ پشیمان بھی ہے

نکھر بھی رہی ہے مگر اس جلن سے

جمال حقیقت بھی شرما رہا ہے

بناوٹ کے اس کھوکھلے بانکپن سے

ندامت کے ٹوٹے ہوئے آنسوؤں نے

تبسم کو آراستہ کر دیا ہے

بلکتے ہوئے ولولوں کے لہو نے

نگاہوں میں بھی رنگ سا بھر دیا ہے

وہ آزاد پنچھی جو ڈوبا ہوا تھا

نشیلے سجیلے خیالوں کے رس میں

بڑے ناز سے بیچ کر پنکھ اپنے

چہکتا ہے اب مصلحت کے قفس میں

جو دوشیزگی نکہت رائیگاں تھی

بڑا کار آمد دھواں بن رہی ہے

محبت بھرے دل کی سادہ سی دھڑکن

بڑی خوبصورت فغاں بن رہی ہے

کنواری امنگوں کی منہ بند کلیاں

زر و سیم کے ڈھیر میں تل رہی ہیں

بدن کی مہکتی ہوئی چاندنی میں

کھنکتی ہوئی ظلمتیں گھل رہی ہیں

خزاں کے سنہری فریبوں میں آ کر

حیا کا مقدس چمن لٹ رہا ہے

یہ عورت نہیں ایک مدفن سے جس میں

اک الھڑ سی لڑکی کا دم گھٹ رہا ہے

وہ الھڑ سی لڑکی جو کچھ سال پہلے

کسی آرزو کی طرح دل نشیں تھی

شعاع سحر کی طرح تھی اچھوتی

بہاروں ستاروں کا خواب حسیں تھی

نریش کمار شاد

Previous More Love Poetry Next

Naresh Kumar Shad

Ek Actress

Naresh Kumar Shad

wo laDki wo masum alhaD si laDki
kisi aarzu ki tarah dil-nashin thi
shua-e-sahar ki tarah thi achhuti
bahaaron sitaron ka KHwab-e-hasin thi

bahaaron sitaron ka wo KHwab lekin
nirali hi tabir mein Dhal raha hai
wo masum dil jo charagh-e-wafa tha
hawas ki bhari bazm mein jal raha hai

wo jalte hue kuchh pasheman bhi hai
nikhar bhi rahi hai magar is jalan se
jamal-e-haqiqat bhi sharma raha hai
banawaT ke is khokhle bankpan se

nadamat ke TuTe hue aansuon ne
tabassum ko aarasta kar diya hai
bilakte hue walwalon ke lahu ne
nigahon mein bhi rang sa bhar diya hai

wo aazad panchhi jo Duba hua tha
nashile sajile KHayalon ke ras mein
baDe naz se bech kar pankh apne
chahakta hai ab maslahat ke qafas mein

jo doshizgi nikhat-e-raegan thi
baDa kar-amad dhuan ban rahi hai
mohabbat bhare dil ki sada si dhaDkan
baDi KHub-surat fughan ban rahi hai

kunwari umangon ki munh-band kaliyan
zar-o-sim ke Dher mein tul rahi hain
badan ki mahakti hui chandni mein
khanakti hui zulmaten ghul rahi hain

KHizan ke sunahri farebon mein aa kar
haya ka muqaddas chaman luT raha hai
ye aurat nahin ek madfan se jis mein
ek alhaD si laDki ka dam ghuT raha hai

wo alhaD si laDki jo kuchh sal pahle
kisi aarzu ki tarah dil-nashin thi
shua-e-sahar ki tarah thi achhuti
bahaaron sitaron ka KHwab-e-hasin thi

Facebook Twitter Reddit Pinterest Whatsapp

(651) ووٹ وصول ہوئے

You can read Ek Actress written by Naresh Kumar Shad at UrduPoint. Ek Actress is one of the masterpieces written by Naresh Kumar Shad. You can also find the complete poetry collection of Naresh Kumar Shad by clicking on the button 'Read Complete Poetry Collection of Naresh Kumar Shad' above.

Ek Actress is a widely read Urdu Nazam. If you like Ek Actress, you will also like to read other famous Urdu Nazam.

You can also read Love Poetry, If you want to read more poems. We hope you will like the vast collection of poetry at UrduPoint; remember to share it with others.