Bazar, Urdu Nazam By Nazish Partap Gadhi
Bazar is a famous Urdu Nazam written by a famous poet, Nazish Partap Gadhi. Bazar comes under the Love, Sad category of Urdu Nazam. You can read Bazar on this page of UrduPoint.
بازار
نازش پرتاپ گڑھی
بول اے شاعر اے نغمہ گر
بیچے گا فن کو بیچے گا
بول اپنے من کو بیچے گا
اپنے شہ پارے بیچے گا اپنی تحریریں بیچے گا
یہ اپنی برہنہ گفتاری یہ شعلہ بیانی بیچے گا
یعنی جو ترے لفظوں میں ہے خنجر کی روانی بیچے گا
ڈھلتا ہے جو تیرے خوابوں میں وہ رنگ بہاراں بیچے گا
پلتا ہے جو تیرے سینے میں وہ خونیں طوفاں بیچے گا
جو پردۂ مستقبل میں ہیں کیا وہ تنویریں بیچے گا
جن انسانوں کو جگاتا ہے ان کی تقدیریں بیچے گا
فن کی تاثیر کو بیچے گا
بیچے گا ضمیر کو بیچے گا
بول اے شاعر اے نغمہ گر
بیچے گا
ہم نکتہ دان فکر و نظر
ہم قدر شناس علم و ہنر
تیری خدمت کا صلہ دیں گے تیری محنت کا ثمر دیں گے
جیون کی راتوں میں زر کار اجالا کر دیں گے
چاندی کے کھنکتے سکوں سے ہم تیری جیبیں بھر دیں گے
بول اے شاعر کیا کہتا ہے
تو کس دنیا میں رہتا ہے
اے نغمہ گر
ان سوکھے ہاتھوں سے فن کا ایوان سجائے گا کیونکر
فاقوں کے اندھیرے میں رہ کر شہ کار بنائے گا کیونکر
افلاس کے عالم میں کیوں کر تو رنگیں غزلیں لکھے گا
روٹی کو ترستا رہتا ہے کیا کھا کر نظمیں لکھے گا
جینا ہو جو اس دنیا میں تو پھر بازار میں آ دوکان لگا
کچھ دام و درم کی باتیں کر بکنے والا سامان سجا
ہاں بیچ دے اپنی جرأت کو آ جائے گی چہرے پر سرخی
ہاں بیچ قلم کی طاقت کو ورنہ یہ تجھے لے ڈوبے گی
اس ایک قلم کا ذکر ہی کیا انسان خریدے ہیں ہم نے
مذہب کے دام چکائے ہیں ایمان خریدے ہیں ہم نے
ہر شے نیلام پہ چڑھتی ہے وہ دھرتی ہو یا اوج فلک
ہر چیز یہاں بک جاتی ہے مٹی سے لے کر ملک تلک
لا تو بھی اپنا مال دکھا دیکھیں ترے پلے میں کیا ہے
کچھ خودداری کچھ بے باکی کچھ حق گوئی خیر اچھا ہے
جلدی سے یہ سب کچھ بیچ بھی دے دام ان کا گرنے والا ہے
پھر کوئی نہ ان کو پوچھے گا
ہے وقت ابھی کر کے سودا بیچ اونے پونے یہ کوڑا
موقع ہے یہی روشن کر لے مستقبل اپنے بچوں کا
اے احمق انساں ہوش میں آ کچھ عقل و خرد کی باتیں کر
بے فیض نہ اپنی محنت کر بے کار نہ اپنی راتیں کر
کچھ دھوکا دے کچھ گھاتیں کر
اے نغمہ گر
بیچے گا
بیچے گا خود کو بیچے گا
ہم تیرے خریدار آئے ہیں
بول اپنی قیمت کیا لے گا
نازش پرتاپ گڑھی
© UrduPoint.com
All Rights Reserved
Bazar
Nazish Partap Gadhi
bechega fan ko bechega
bol apne man ko bechega
apne shah-pare bechega apni tahriren bechega
ye apni barahna-guftari ye shola-bayani bechega
yani jo tere lafzon mein hai KHanjar ki rawani bechega
Dhalta hai jo tere KHwabon mein wo rang-e-bahaaran bechega
palta hai jo tere sine mein wo KHunin tufan bechega
jo parda-e-mustaqbil mein hain kya wo tanwiren bechega
jin insanon ko jagata hai un ki taqdiren bechega
fan ki tasir ko bechega
bechega zamir ko bechega
bol ai shair ai naghma-gar
bechega
hum nukta-dan-e-fikr-o-nazar
hum qadr-shanas-e-ilm-o-hunar
teri KHidmat ka sila denge teri mehnat ka samar denge
jiwan ki raaton mein zar-kar ujala kar denge
chandi ke khanakte sikkon se hum teri jeben bhar denge
bol ai shair kya kahta hai
tu kis duniya mein rahta hai
ai naghma-gar
in sukhe hathon se fan ka aiwan sajaega kyunkar
faqon ke andhere mein rah kar shah-kar banaega kyunkar
iflas ke aalam mein kyun-kar tu rangin ghazlen likkhega
roTi ko tarasta rahta hai kya kha kar nazmen likhega
jina ho jo is duniya mein to phir bazar mein aa dukan laga
kuchh dam-o-diram ki baaten kar bikne wala saman saja
han bech de apni jurat ko aa jaegi chehre par surKHi
han bech qalam ki taqat ko warna ye tujhe le Dubegi
is ek qalam ka zikr hi kya insan KHaride hain hum ne
mazhab ke dam chukae hain iman KHaride hain hum ne
har shai nilam pe chaDhti hai wo dharti ho ya auj-e-falak
har chiz yahan bik jati hai miTTi se le kar mulk talak
la tu bhi apna mal dikha dekhen tere palle mein kya hai
kuchh KHuddari kuchh bebaki kuchh haq-goi KHair achchha hai
jaldi se ye sab kuchh bech bhi de dam in ka girne wala hai
phir koi na in ko puchhega
hai waqt abhi kar ke sauda bech aune-paune ye kuDa
mauqa hai yahi raushan kar le mustaqbil apne bachchon ka
ai ahmaq insan hosh mein aa kuchh aql-o-KHirad ki baaten kar
be-faiz na apni mehnat kar be-kar na apni raaten kar
kuchh dhoka de kuchh ghaten kar
ai naghma-gar
bechega
bechega KHud ko bechega
hum tere KHaridar aae hain
bol apni qimat kya lega
(641) ووٹ وصول ہوئے
Related Nazish Partap Gadhi Poetry
Related Poetry
More Nazish Partap Gadhi Poetry
آہ کو نغمہ کہ نغمے کو فغاں کرنا پڑے
Nazish Partap Gadhi - نازش پرتاپ گڑھی
Aah Ko Naghma Ki Naghme Ko Fughan Karna Pade
طلب گار مرد تھا
Nazish Partap Gadhi - نازش پرتاپ گڑھی
Talabgar Mard Tha
آپ کے التفات کا غم ہو
Nazish Partap Gadhi - نازش پرتاپ گڑھی
Aap Ke Iltifat Ka Gham Ho
خاموش رہو
Nazish Partap Gadhi - نازش پرتاپ گڑھی
Khamosh Raho
یوں لوگ چونک چونک کر انگلی اٹھائے ہیں
Nazish Partap Gadhi - نازش پرتاپ گڑھی
Yun Log Chaunk Chaunk Kar Ungli Uthae Hain
عطائے توبہ لقائے تو
Nazish Partap Gadhi - نازش پرتاپ گڑھی
Ata-e-tauba Liqa-e-tu
گاندھی جی کی آواز
Nazish Partap Gadhi - نازش پرتاپ گڑھی
Gandhi-ji Ki Aawaz
پھوٹ چکی ہیں صبح کی کرنیں سورج چڑھتا جائے گا
Nazish Partap Gadhi - نازش پرتاپ گڑھی
Phut Chuki Hain Subh Ki Kirnen Suraj Chadhta Jaega
You can read Bazar written by Nazish Partap Gadhi at UrduPoint. Bazar is one of the masterpieces written by Nazish Partap Gadhi. You can also find the complete poetry collection of Nazish Partap Gadhi by clicking on the button 'Read Complete Poetry Collection of Nazish Partap Gadhi' above.
Bazar is a widely read Urdu Nazam. If you like Bazar, you will also like to read other famous Urdu Nazam.
You can also read Love Poetry, If you want to read more poems. We hope you will like the vast collection of poetry at UrduPoint; remember to share it with others.