Siyah April, Urdu Nazam By Nusrat Zehra

بے ردائی کی ساعت بے لحاظ تھی۔۔۔۔

سیاہ اپریل کی ہوائیں۔۔۔۔

ماتمی گھروں کو۔۔۔۔

خیموں سے بھی محروم کر چکی تھیں۔۔۔۔

سروں پر دھوپ پڑتے ہی۔۔۔۔

جھوٹے دوستوں نے۔۔۔۔

گدھوں اور بھیڑیوں کے غول میں۔۔۔۔

جا کر پناہ لے لی۔۔۔۔

کسی الہڑ، نویلے خواب نے۔۔۔۔

پھر اس کے بعد سے سونا نہیں دیکھا۔۔۔۔

محبت خواب بن کر رہ گئی۔۔۔۔

بے خواب آنکھوں میں۔۔۔۔

کہیں امید کا سایہ بھی باقی نہ بچا تھا۔۔۔۔

مگر اک بے جگر وفا پرست۔۔۔۔

ہر اک خوف سے عاری۔۔۔۔

جری کی یاد میں بھی ایک ایسی آس ہے۔۔۔۔

کہ جیسے مٹ رہی زمیں میں ہوں۔۔۔۔

برسات کی پہلی بارشوں کی سرمدی رم جھم۔۔۔۔

لہو سے اس نے جو تحریر لکھی۔۔۔۔

آج بھی ذہنوں میں ایسے نقش ہے۔۔۔۔

جیسے کسی نقاش نے۔۔۔۔

خود اپنے ہاتھ سے تصویر کی ہے۔۔۔۔

یہ اس کی زیست سے بھرپور آنکھیں۔۔۔۔

زمیں کی مانگ میں جیسے کہ پہیم جم گئیں ہیں۔۔۔۔

سہاگنوں کا کوئی روپ جیسے بن گئی ہیں۔۔۔۔