Diwali 1958, Urdu Nazam By Prem Lal Shifa Dehlvi

Diwali 1958 is a famous Urdu Nazam written by a famous poet, Prem Lal Shifa Dehlvi. Diwali 1958 comes under the Sad, Social category of Urdu Nazam. You can read Diwali 1958 on this page of UrduPoint.

Urdu Poem English Poem

دیوالی ۱۹۵۸

پریم لال شفا دہلوی

دیپاولی آتی ہے جو ہر سال پھر آئی

پیغام مسرت کا جہاں کے لئے لائی

مقصود ہے کچھ جشن بھی کچھ اس سے بھلائی

برسات کا موسم گیا لازم ہے صفائی

پیغام نفاست ہے بہ ہر گام دیوالی

دنیا نہیں بھولی ہے ابھی رام کا آنا

فرقت زدہ بھائی کو کلیجے سے لگانا

مشتاق تھی خلقت اسے دیدار دکھانا

پھر خلق کا فرط خوشی سے جشن منانا

بچھڑوں کو ملانے کا ہے پیغام دیوالی

تا سال یہ لازم ہے کہ محنت سے کمائیں

کچھ نیک و بد ایام کی خاطر بھی بچائیں

ہر روز خدا جتنی بھی توفیق دے کھائیں

پھر سال کے تہوار پہ ہم جشن منائیں

اک سال کی محنت کا ہے انعام دیوالی

بازار میں سجتی ہیں مٹھائی کی دکانیں

کھیلوں کے کہیں ڈھیر بتاشوں کی قطاریں

مٹی کے کھلونے ہیں جو منہ سے ابھی بولیں

ہر چیز پہ وہ حسن کہ سب جان کو واریں

ہے دل کی خوشی جان کا آرام دیوالی

روشن ہیں دیے جیسے زمیں پر ہوں ستارے

قندیل کے سائے کہیں بجلی کے بھبھوکے

وہ لکشمی پوجن وہ عقیدت کے بلاوے

تم آ کے رہو گھر میں کہ رونق ہے تمہیں سے

تم آؤ تو ظلمت کو کرے رام دیوالی

جو چاہتے ہیں لکشمی ہو جلد ہماری

ہے جتنی بھی دولت ہمیں مل جائے وہ ساری

تہوار یہ جوئے سے مناتے ہیں جواری

ہو ہار کہ ہو جیت ہے دونوں میں ہی خواری

ان کے لئے ہے باعث الزام دیوالی

وابستہ دیوالی سے ہیں ماضی کے فسانے

کچھ شوق کے قصے بھی ہیں کچھ ہجر کے صدمے

کچھ باعث تسکیں ہیں شفاؔ آج کے جلوے

ماحول یہ کب تک ہے اسے کیا کوئی جانے

ہے رنگ میں ڈوبی ہوئی اک شام دیوالی

پریم لال شفا دہلوی

Previous More Sad Poetry Next

Prem Lal Shifa Dehlvi

Diwali 1958

Prem Lal Shifa Dehlvi

dipawali aati hai jo har sal phir aai
paigham masarrat ka jahan ke liye lai
maqsud hai kuchh jashn bhi kuchh is se bhalai
barsat ka mausam gaya lazim hai safai
paigham-e-nafasat hai ba-har-gam diwali

duniya nahin bhuli hai abhi ram ka aana
furqat-zada bhai ko kaleje se lagana
mushtaq thi KHilqat use didar dikhana
phir KHalq ka fart-e-KHushi se jashn manana
bichhDon ko milane ka hai paigham diwali

ta-sal ye lazim hai ki mehnat se kamaen
kuchh nek-o-bad ayyam ki KHatir bhi bachaen
har roz KHuda jitni bhi taufiq de khaen
phir sal ke tehwar pe hum jashn manaen
ek sal ki mehnat ka hai inam diwali

bazar mein sajti hain miThai ki dukanen
khilon ke kahin Dher batashon ki qataren
miTTi ke khilaune hain jo munh se abhi bolen
har chiz pe wo husn ki sab jaan ko waren
hai dil ki KHushi jaan ka aaram diwali

raushan hain diye jaise zamin par hon sitare
qindil ke sae kahin bijli ke bhabhuke
wo laxmi-pujan wo aqidat ke bulawe
tum aa ke raho ghar mein ki raunaq hai tumhin se
tum aao to zulmat ko kare ram diwali

jo chahte hain lakshmi ho jald hamari
hai jitni bhi daulat hamein mil jae wo sari
tehwar ye jue se manate hain juari
ho haar ki ho jit hai donon mein hi KHwari
un ke liye hai bais-e-ilzam diwali

wabasta diwali se hain mazi ke fasane
kuchh shauq ke qisse bhi hain kuchh hijr ke sadme
kuchh bais-e-taskin hain 'shifa' aaj ke jalwe
mahaul ye kab tak hai ise kya koi jaane
hai rang mein Dubi hui ek sham diwali

Facebook Twitter Reddit Pinterest Whatsapp

(491) ووٹ وصول ہوئے

You can read Diwali 1958 written by Prem Lal Shifa Dehlvi at UrduPoint. Diwali 1958 is one of the masterpieces written by Prem Lal Shifa Dehlvi. You can also find the complete poetry collection of Prem Lal Shifa Dehlvi by clicking on the button 'Read Complete Poetry Collection of Prem Lal Shifa Dehlvi' above.

Diwali 1958 is a widely read Urdu Nazam. If you like Diwali 1958, you will also like to read other famous Urdu Nazam.

You can also read Sad Poetry, If you want to read more poems. We hope you will like the vast collection of poetry at UrduPoint; remember to share it with others.